Wahyu 17:8 - Abun Scripture

⁸ Suge doketke gato nan me ré, suga nyim sa, mbau, wo ré yo, yo mbau o nde. Bergan suge ne syesyar kadit kwoye sye mo bur desnak ne ma nim mo bur ré o. {Orete bere Yesus Kristus gu suge ne kwop wé,} suge ne bere ibit or re. Suga nyim sa, suge ne mbau, wo ré ne, yo mbau o nde, sarewo bere suge ne mbau satu o re. Sane anato yetu gato gum yo sok mo Yefun Allah bi Buku Yegesyos nde, bere yeket mone. Yefun fro Buku ne su kam gato An yo ut bur ré nde tó. Bere yé mwa gato kem mo bur ré, gato gum yo sok mo Buku ne nde yo, bere yé mwa ne yeket suge ne re.

Wahyu 17:8 ပူးပေါင်းရင်းမြစ်များ

Matius 25:34

Sugane Ji, gato Yekwesu mone bere Ji ki nai nje gato tak Ji de syim ge do, ’Nin ma, nin yé gato Ji bi Ai ben sukndo su. Nin ma nin nai suk gato Yefun Allah fro wa nin ne. Yefun fro nat wa nin si An gum yekwesu mone sino, An fro nat ne ndek kadit kam gato An ut bur ré re.

Lukas 10:20

Semda da jammo nin ete titi, sarewo nin mit at teker mone sor nde, wo ndo sa, nin mit at wa Yefun Allah krom nin gum mo An bi rus-i mo gu re.”

Lukas 8:31

Semda mwa ne ndek gat Yefun Yesus subere Yefun Yesus syun án mu ngga mo kwoye sye gato mo bur desnak ne nde.

Yohanes 17:24

Ji bi Ai, Nan syo Ji bi pakon nai Ji re. Ji iwa án si Ji kem mo nat gato bere Ji kem mone, subere án me do Ji anato gum kok sye wai o re. Nan yo ut bur ré nde tó, Nan bi sukjimnut sye kas subot Ji, Nan bes Ji gum kok sye wé re.

Suk Gato Yerasul Ben Ne 15:18

Yefun Allah ki bi sukdu-i ne kadit nyim tuya re.”

Efesus 1:4

Yefun Allah yo ut bur ré nde tó, An bi sukjimnut wa An nai men tepsu An bi rus-i. Yefun bi sukjimnut nyim wé sare do, An fro men dor subere men ben suk gato ndo sor. Men ben kwa gato ibit yo mo nde, wo men ben suk tepsu An mit sor. Yefun Allah bi sukjimnut sye kas subot men

Titus 1:2

Án jammo Yefun Allah, we án kwabom kam mo Yefun Allah do, bere Yefun nai án gum sok mo Yefun bi rus-i, bere án si Yefun kem ndo to kapyo mato kapyo, tepsu Yefun Allah tom su men sugato An ut bur ré nde tó. Suk gato Yefun Allah tom su men ne, bere An benbot sor, An yo kidar nde.

1 Petrus 1:20

Yefun Allah ut bur ré nde tó, An fro Yesus Kristus tepsu suktot nyim wé re. Yefun Allah fro Yesus Kristus kadit ketke ne it, wo su ré, karowa bur ré kru sa, Kristus bor mo bur ré. An ma wa tot sukibit gato men ben ne wé, subere nin dom ku os ndo wa nin sok mo Yefun Allah bi rus-i re.

Wahyu 11:7

Ye we kibot Yefun Allah bi suktaru ne or yo, bere suge krok gato sye ge dik yo it kadit kwoye sye mo bur desnak ete futma wa gu ye we ne. Suge ne bere nggi wai kadit ye we, ete gu ye we ne kwop re.

Wahyu 17:11

Suge doketke gato suga nyim ne mbau, wo su ré yo mbau o nde, bere mbau satu o, ete ma tepsu yeraja kedomunggwo. Suge ne tepsu yeraja dik yo mo yeraja mufit ne dom. Bere Yesus Kristus gu an kwop wé, suge ne bere ibit re.

Wahyu 17:2

Yekwesu bok ne sino mo bur ré ben siri su nggon ne re. Nggon ne tik yetu mwa mo bur ré mit anato yé mwa ne iwa ben suk siri su nggon ne. Nggon ben sato syo nau nai yé mwa ne da, ete yé mwa ne yenau su.”

Wahyu 20:10

Orete biris bi yekwesu gato ben kidar yé mwa ne, Yefun am mu ngga mo bot sye gato tepsu em ete ru sye basmi kwik su belerang. Yefun Allah am biris bi yekwesu mo nat gato Yefun am suge doketke si suge kedowe, gato tepsu yenabi gato kidar nje ne, nyim wé re. Mo bot ne, biris bi yekwesu e, suge doketke si yenabi ne ku sukye ete dipa su noru nombrak sane sor to kapyo mato kapyo.

Wahyu 20:12

Ji sokme yé mwa ne sino gato kwop sum mo kursi sye ne gwem. Yé gato gum sye e, yé gato gum wok e ne, yé mwa gato kwop ne sino ti mo kursi sye ne gwem. Buku bok yo kak mone. Orete ye nai Buku dik yo o ma, ye kak mone dom. Ye krom yé gato bere kem gesyos ne gum mo Buku ne. Or o Yefun Allah syo sukye nai yetu gato kwop ne tepsu sukdu gato ye krom mo buku bok ne. Yefun Allah syo suk nai yetu mwa ne tepsu suk gato yetu mwa ne ben re.

Wahyu 20:15

Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.

Wahyu 3:10

Kapre nin ku sukye, nin misyar Ji nde, wo nin benbot Ji bi sukdu-i petok sor tepsu Ji ki ne. Sane bere kam gato yetu mwa ne sino mo bur ré iwedewe ku sukye ndo nde, bere Ji mewa nin kadit re. Bere yetu mwa ne sino ku sukye subere yé gato misyar Ji, bere bor mone.

Wahyu 3:5

Yé gato nggi wai kadit bur ré bi suk-i yo, bere án si yé bok ne sino it san gato kwo ndo. Bere Ji yo rus án gum wé kadit Buku Yegesyos nde. Bere Ji ki mo Ji bi Ai si malaikat mwa ne gwem do, Ji bi rus-i mo án.