Wahyu 17:6 - Abun Scripture

⁶ Ji sokme nggon ne. Nggon ne ben sato da yé gato onyar kem mo Yefun Yesus ne dé, ete nggon ne yenau su. Yé gato ye gu kwop mo suk gato án ben tepsu Yesus Kristus mit ne, nggon ne ben sato da án dé, ete nggon ne yenau su. Ji sokme nggon ne sa, ji yeket ndo nde.

Wahyu 17:6 ပူးပေါင်းရင်းမြစ်များ

Yohanes 2:10

ete an ki nai yebris ne do, ”Yé konwa suk yo it yo, sagana yé fro nau gato wik wa yé da nyim. Orete yé da nau gato wik tep mó it, yé gwat nau gato yo ndo teker nde ne wa yé da wari o. Sarewo nan sa, nan grem nau gato wik wai ré kwop sor kom more, ete nan syo nai men da.”

Suk Gato Yerasul Ben Ne 22:20

Sane dom, yé gu Stefanus kwop sa, ji sokwa, ji imo, ji mewa yé gato gu an ne bi san.’

Wahyu 12:11

Domba Gan dé sye wa men yetu anato men bi nji mo Yefun bi rus-i ne nggi wai kadit biris bi yekwesu o re. Án ki subot Yefun Allah bi sukdu-i anato án nggi wai kadit biris bi yekwesu o re. Án yo nutbot án dakai nde, án bi án nggwa mo Yefun wa ben Yefun bi suk-i. Kapre án kwop o, án mbau o, án kibot suk gato Yefun ben ne sor.

Wahyu 13:15

Suge kedowe ku suktinggi wa an fuf mas mo suk gato ye ut ka sato suge doketke ne, subere suk ne nggiwa ki suk ete gu yetu mwa ne sino gato bariwa som suk ne kwop wé.

Wahyu 13:7

An ku suktinggi wa futma gu yé gato onyar kem mo Yefun Yesus mo bur ré kwop wé. An nggi wai kadit yé mwa ne re. Yetu mwa ne sino mo buryo-buryo e, wisyo-wisyo e, yeyo-yeyo e, ayo-ayo e ne, yetu mwa ne sino jammo an sor.

Wahyu 16:6

Yetu gu yé gato onyar kem mo Yefun Yesus si Nan bi yenabi ne kwop ete dé sye, sane anato Nan syo yetu dé wa án da win sukibit gato án ben ne.”

Wahyu 2:13

Ji jam do, nin kem mo nat gato biris bi yekwesu kem mone. Nin da kem mone, sarewo nin onyar kem pe mo Ji, nin yo misyar Ji nde. Antipas gato ben Ji bi suk-i e, ki Ji bi sukdu-i ne petok sor, ye gu an kwop. Kapre ye gu an kwop wé mo nin gwem mo nin dakai bi kota, gato biris bi yekwesu kem mone, nin yo misyar Ji dom nde.