Wahyu 17:3 - Abun Scripture

³ Orete Yefun Allah Gen pet mo ji, ete malaikat ne gwat ji mu mo nat gato kwe yo kom mo nde. Mone ji sokme nggon ge dik yo kem mo suge doketke gato kaim er te ne yu. Suge ne su mufit, suti musyu dik mó. Mo suge ne kaim ye krom gum bok yo mó. Sukdu gato ye krom mo suge kaim ne sino bi sukjimnut wa kabor Yefun Allah.

Wahyu 17:3 ပူးပေါင်းရင်းမြစ်များ

Matius 27:28

Yesukmise ne jogru Yefun Yesus bi san, ete án it san er mo Yefun Yesus, {san er gato sagana ye Roma bi yekwesu it ne}. Yesukmise siker Yefun Yesus anane.

Suk Gato Yerasul Ben Ne 8:39

An we mu nden kadit syur ne. Sugane it, Yefun Allah Gen gwat Filipus mu mo pe yi gato ko kadit yepasye ne o re. Yepasye ne gensu, an yo ku Filipus o nde, wo yepasye ne dakai mu mo an bi bur-i, an mit iwa suk gato Filipus ben su an ne.

2 Tesalonika 2:4

Sarewo Yefun yo bare ye gato Mise ne mo bot gesyos nde tó, ye gato Mise ne bes nggwa kok ete duwer Yefun Allah mo suk mwa neya. Bere ye Mise ne ki do, an sa, gum kok sye wai kadit suk mwa gato yetu mo bur ré som tepsu Yefun Allah ne. Ye ne bes an nggwa kok, sane anato bere an sok mo Yefun Allah bi nu mit. Bere an kem mone, ete an ki do, an anato Yefun Allah.

Wahyu 1:10

Kam ari dik yo, ete Yefun Allah Gen pet mo ji. Orete ji jam ye yo saiye nggi mo ji dari, an ba sye tepsu ye fuf dut.

Wahyu 12:14

Nggon ne ku ndam syap tu ge sye i we, subere nggon ne ok mu mo bi nat-i mo pe gato kwe yo kom mo nde. Mone, yé mewa nggon ne kadit naga ne sor kom mo tahun gri nap.

Wahyu 12:3

Or o suk dik yo o tepsu sukamno bor mo gu. Suge sye gato ka sato nggor bin gato ye kendo do naga bor mone. Naga ne ge er ete kaim sye yé. Naga ne su mufit mó. Naga suti musyu dik dom mó. Naga bom yekwesu bi topi wokgan mo naga su mufit ne, topi dik mo su dik.

Wahyu 12:6

Sane nggon ne titi mu mo pe gato kwe yo kom mo nde. Nggon titi kom mo nat gato Yefun Allah fro wa mom kem mone. Bere yé mewa mom mo nat ne sor kom mo kam ribu dik wotin we musyu mat rek.

Wahyu 17:18

Nggon gato nan sokme anato tepsu kota sye gato nggi. Ben sato kota ne jom yeraja bok ne sino mo bur ré re.”

Wahyu 17:4

Nggon ne it san te si san er gato bi sugum sye. Ye mbrau nggon ne su emas e, jok gato bi sugum sye sisu mutiara. Nggon ne jom mok emas. Ben sato suksiri mwa gato ibit ndo nde sisu sukibit mwa neya gato nggon ne ben ne, ye sye tepsu syur mo mok ne ses. Nggon ne mit iwa da syur mo mok ne bu, nggon ne mit iwa sukibit kas petok sor.

Wahyu 18:12

Yé mo kota ne yo so suk mo án o nde. Suk sato emas e, perak e, jok gato bi sugum sye e, mutiara e ne, yé yo so mo án o nde. Suk sato san kwo gato gum do lenan e, san te gato bi sugum sye e, san gato yar njep gum do san sutera e, san er e ne, yé yo so mo án o nde. Suk sato kwe gato grik ndo sato kwe nggon nak e, suk gato yé ben su kwe gato bi sugum sye e, suk gato ye ben su gading e, tembaga e, besi e, pualam e ne, yé yo so mo án o nde.

Wahyu 18:16

ete án ki do, ”Kamapa! Yé mo kota Babel gato ye bes gum kok ku sukye ndo nde! Yé mone it san kwo ndo gato ye kendo gum do lenan. Án it san te si san er gato bi sugum sye. Yé mbrau án nggwa su emas e, jok gato bi sugum sye sisu mutiara.

Wahyu 21:10

Yefun Allah Gen pet mo ji, ete malaikat ne gwat ji mu kom mo banbo sye dik yo yu. Mone malaikat kadum Yefun Allah dakai bi kota Yerusalem gato is kadit Yefun Allah mo gu ma bur ne nai ji me.

Wahyu 4:2

Sugane Yefun Allah Gen pet mo ji. Orete ji me Yefun bi kursi mo gu. Ji me Yekwesu ge dik yo kem mo kursi ne.