Wahyu 17:16 - Abun Scripture

¹⁶ Suge doketke si yeraja musyu dik gato nan sokme ne bere bariket nggon gato ben siri mwa ne. Bere án sino nai nggon ne bi suk mwa or wé kadit nggon ne, sane sor nggon ne kawarun. Bere án git nggon ne ku, ete syo bot git mom mukri ne wé.

Wahyu 17:16 ပူးပေါင်းရင်းမြစ်များ

Wahyu 12:3

Or o suk dik yo o tepsu sukamno bor mo gu. Suge sye gato ka sato nggor bin gato ye kendo do naga bor mone. Naga ne ge er ete kaim sye yé. Naga ne su mufit mó. Naga suti musyu dik dom mó. Naga bom yekwesu bi topi wokgan mo naga su mufit ne, topi dik mo su dik.

Wahyu 16:12

Malaikat kedomumat gwat Yefun Allah bi sukmaskwa mo mbem ne mu ete sye mo syur sye gato gum do Syur Efrat. Syur ne sá re. Sane yeraja ge bok yo kadit nobu nim ku os wa án muket nat gato syur sá kadit ne ma mo ye Yahudi bi bur-i.

Wahyu 17:10

Yeraja ge mumek kwop wé re, ge dik yo jom nje su ré, ge dik yo o yo bor nde tó, wo bere an bor tó. Yeraja dowari ne do bor it yo, bere an jom nje wikgan sor re.

Wahyu 18:19

Bere án wo, án nderku nggwa, án nutbot ndo nde sane sor án krer bofuf mo án su, ete án saiye do, ”Kamapa! Yé mo kota Babel gato ye bes gum kok ku sukye ndo nde! Yé mwa gato bi kapal ma mo kota ne, ete ku suk mwa mo kota ne. Sarewo kom mo jam dik sane sor, kota ne ibit or re.”

Wahyu 18:8

Sane kam no dik sor, ete án ku sukye bok yo sato: yé kwop suki e, yé wo nderku nggwa e, yé ku sukonde sye e ne. Yefun Allah gato gum Yekwesu gato kok wai ne, bere An fro os wa syo sukye nai nje mo kota ne. Bere Yefun syo bot git kota ne si bi nje ne wé or re.”

Wahyu 19:18

Nin ma git yekri ku sato ré, nin git yeraja ku e, yesukmise bi padosye ku e, yesukmise ku e, kuda ku e, ye gato it mo kuda ne ku e, yetu mwa ne sino ku e, ye gato gum pakwerut ku e, ye gato dakai ti mo an dakai ku e, ye gato gum sye ku e, ye gato gum wok ku e ne. Nin ma nin git yekri mwa ne sino ku et.”