Wahyu 17:1 - Abun Scripture

¹ Malaikat ge dik kadit malaikat ge mufit gato jom mbem mufit ne ma ki nai ji do, ”Nan ma me nggon pasye gato ben siri mwa wai o re. Bere ji kadum sukye gato nggon ne ku nai nan me. Nggon ne tepsu kota sye gato ye nggo mo syur bok yo de.

Wahyu 17:1 ပူးပေါင်းရင်းမြစ်များ

Lukas 24:32

An we ki nai yu do, ”Yefun Yesus ki rer subot Yefun Allah bi sukdu subot os ne sa, men ka we iwa wai o re. Men ka we kwabom kam mo An bi sukdu ne fe!”

Lukas 9:30

Sugane pakon ka gri ne gensu yetu ge we bor mone. An we ne gum do Musa si Elia.

Wahyu 1:1

Sukdu mo buku ré anato sukdu gato Yesus Kristus kadum rer nai Yohanes subot suk gato bere men yetu me bor su kam sari ne ma. Yefun Allah kadum suk bok ne nyim nai Yesus Kristus, subere Yesus Kristus waii kadum rer nai Yefun Allah bi pakwerut mwa ne sino jam. Yo nam nde ge, bere Yefun Allah ben suk bok ré bor re. Yesus Kristus syogat An bi malaikat ge dik yo mu ki sukdu subot suk gato bere bor ne rer nai An bi pakwerut gato gum do Yohanes.

Wahyu 15:1

Orete ji sokme suk yo mo gu gato ben ji yeket, ji nutbot ndo nde. Ji sokme malaikat ge mufit gato gwat sukye mufit wa nje ma mo bur ré. Sukye mufit ne anato sukye gato wari, we sukye mufit ne bor yo, Yefun Allah bi sukmaskwa or mone it.

Wahyu 16:19

Kota sye gato ye bes gum kok ne sui juwai det gri. Kota mo bur ré iwedewe, mwa ne sino ibit or re. Yefun Allah yo mbrinket kota Babel gato sye ne nde. Yefun maskwa ket nje mone ndo nde. Sane An syo sukye tepsu An wergat nje mone da nau mo An bi mok--nau ne tepsu Yefun Allah bi sukmaskwa.

Wahyu 18:1

Orete ji sokme malaikat ge dik yo o is kadit gu ne ma. Malaikat ré bi suktinggi sye wai. Ben sato an nggren tepsu sukru, ete an rer ku bur ré re.

Wahyu 19:2

An ndobot nje mo bur ré sa, An ndobot An bi suk-i ne ri-roi sor, An syo sukye nai yetu mo bur ré tepsu sukibit gato yé ben ne. Yé mo kota gato ben suk sato nggon gato ben siri mwa ne, Yefun syo sukye nai re. Ben sato yé mo kota ne tik yé mwa mo bur ré mit anato yé mwa ne simo os ibit tepsu nggon gato ben siri mwa tik yé mit wa ben suksiri. Ben sato nggon ne gu Yefun Allah bi pakwerut kwop wé mone, sane Yefun Allah waii gu nggon ne wé win sukibit gato nggon ne ben re.”

Wahyu 19:9

Orete malaikat ne ki nai ji do, ”Nan krom sukdu gato ji ki ré et: Ye gato ye kendo ma simo Domba Gan bi sukra gato ye konwa ne, ye ne sa, mit at wa.” Orete malaikat ne ki o do, ”Sukdu gato ji ki ne, Yefun Allah bi sukdu gato sangge anane.”

Wahyu 21:15

Malaikat gato ki suk su ji gwat suk yo ka sato kwepu emas wa an nat suk mo kota ne. An nat kota bi ros e, an nat kota bi ros syo e ne.

Wahyu 21:9

Malaikat ge dik yo ma kadit malaikat ge mufit gato jom mbem su sukye mufit wari ne ma ku ji ete ki do, ”Nan ma, bere ji kadum nggon gato ye fro wa kra Domba Gan ne nai nan me et.”

Wahyu 4:1

Sukdu wa yé gato onyar kem mo Yefun Yesus mo nu ari bok ne, ji jam or sa, ben sato ji semda ete ji sokme nusyo mo gu kak re. Ye gato ji jam ki suk su ketke, gato saiye tepsu ye fuf dut, tepsu trompet ne, an ki do, ”Nan ma more et. Ji kadum suk gato bere bor wari wa nan jam.”