Wahyu 15:4 - Abun Scripture

⁴ Yé mwa ne sino nyuwa Nan we, Yé mwa ne bes Nan gum kok we, Nan sor ete tara kadit men yetu ne o, Nan sor ete gum kok wai ne o. Yetu mo buryo-buryo sino som Nan we, Yetu ma bes Nan gum kok we, Sukndo ga Nan ben ne bor sino o, Yé mwa ne me sino o.”

Wahyu 15:4 ပူးပေါင်းရင်းမြစ်များ

Roma 15:9

Kristus ma subere yewis yi neya bes Yefun Allah gum kok sye wai dom re. Yefun Allah dakai jimnotku yewis yi anato yewis yi bes Yefun Allah gum kok tepsu ye krom mo Yefun Allah bi sukdu subot Kristus do, ”Yefun Allah ki do, ’Sane bere Ji un Nan gum wa yewis yi ne jam sino. Bere Ji kos sukos un Nan gum.’ ”

1 Petrus 1:16

Ye krom mo Yefun Allah bi sukdu sare do, ”Ji ben Ji bi suk-i ndo petok sor, kwa gato ibit yo mo nde, sane dom nin ben nin bi suk-i ndo petok sor, kwa gato ibit yo mo nde tepsu Ji ben ne et.”

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”

Wahyu 14:7

Malaikat ne saiye do, ”Ré yo, kam tepsu Yefun Allah ndobot men yetu mwa ne sino mo bur ré it, sane nin nyuwa Yefun Allah et! Nin bes An gum kok sye wai et! Nin jammo An gato ut gu nim ne e, bur ré e, sem e, syur e ne sino et!”

Wahyu 16:5

Orete ji jam malaikat gato mewa syur mwa ne sino ki nai Yefun Allah do, ”Kadit ketke Nan sor anato Yefun gato gum kok tara wai kadit men yetu. Nan anato gum kok sane sor to kapyo mato kapyo. Nan ben Nan bi suk-i ri-roi anato Nan syo sukye bok yo mu mo bur ré re.

Wahyu 16:7

Orete ji jam ye gato ti karowa meja gato ye grem suksom mone wa ye som Yefun Allah su mo gu ne ki do, ”Nan, Yefun Allah gato nggi wai o re. Nan sa, jom suk mwa ne sino tepsu Yekwesu. Nan sa, syo sukye bok yo nai yetu mo bur. Nan ben Nan bi suk-i ne ri-roi, Nan ben suk su nje tepsu suk gato yé ben ne.”

Wahyu 19:2

An ndobot nje mo bur ré sa, An ndobot An bi suk-i ne ri-roi sor, An syo sukye nai yetu mo bur ré tepsu sukibit gato yé ben ne. Yé mo kota gato ben suk sato nggon gato ben siri mwa ne, Yefun syo sukye nai re. Ben sato yé mo kota ne tik yé mwa mo bur ré mit anato yé mwa ne simo os ibit tepsu nggon gato ben siri mwa tik yé mit wa ben suksiri. Ben sato nggon ne gu Yefun Allah bi pakwerut kwop wé mone, sane Yefun Allah waii gu nggon ne wé win sukibit gato nggon ne ben re.”

Wahyu 19:8

Nggon ne ku san gato kwo ndo wa nggon it re.” (San kwo ndo ne bi sukjimnut do, sukndo gato yé gato onyar kem mo Yefun Yesus mo bur ré ben tepsu Yefun mit ne.)

Wahyu 3:7

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Filadelfia sare do: Ji gato ben Ji bi suk-i ndo petok, Ji gato ben Ji bi suk-i ri-roi sor, Ji gato jom yeraja Daud bi kunci ne, suk gato Ji kak, ye yo nggiwa grem suk yo krat yawa satu nde. Sane dom, suk gato Ji grem krat yawa, ye yo nggiwa kak o nde. Ji bi sukdu-i anare:

Wahyu 4:8

Suge at ne sino í mumat mó. Suge at ne sino gro gan bot kaim ne sino, gro gan deyo mo i de nden si gro gan deyo o mo i de mit dom. Noru nombrak suge at ne yo not nde, án badek petok sare do, ”Yefun ga kok wai ne, Yefun ga ndo wai ne, Nan gum kok wai ’dit men, Nan anato men bi Yekwesu ga nggi wai. Yefun ga ketke ne mó e, Yefun ga su ré mó e, Bere kam sari Nan mó o, Bere Nan mó o tó e.”

Wahyu 6:10

Yetu da gesyos ge bok ne saiye nggi do, ”Yenggras ga gum sye wai o re, Nan sa, Yekwesu gato ben Nan bi suk-i ndo petok, Nan ben Nan bi suk-i ri-roi sor. Kam ot ete Nan ndobot yetu mo bur ete syo sukye nai yé gato gu men ré ne? Nan eswa suma o ne?”