Wahyu 14:6 - Abun Scripture

⁶ Orete ji sokme malaikat ge dik yo o ok mo gu nim ne. Malaikat ne gwat suktaru subot os ndo gato Yesus Kristus kak wa men yetu gato kem mo bur ré. Suktaru ne kak os ndo wa men subere men ku os wa men kem ndo to kapyo mato kapyo sor. Malaikat gwat suktaru ne wa an ki nai yetu mwa ne sino, yetu mwa mo buryo-buryo e, wisyo-wisyo e, yeyo-yeyo e, ayo-ayo e ne sino.

Wahyu 14:6 ပူးပေါင်းရင်းမြစ်များ

Markus 16:15

Orete Yefun Yesus ki nai An bi pakon do, ”Nin mu mo yewis mwa ne sino mo bur ré iwedewe. Nin mu ki sukdu subot os ndo gato Yefun Allah fro wa yetu subere yé ku os wa yé gum sok mo Yefun Allah bi rus-i.

Wahyu 8:13

Ji sokme saresa, ji jam ndam syap tu ge dik yo gato ok mo gu nim ne saiye do, ”Sukye o, sukye o, sukye o, sukye ndo nde wa yetu gato kem mo bur. Bergan malaikat ge gri yo o fuf bi trompet-i ne ba yo, yetu mo bur ku sukye ndo nde!”

Wahyu 3:10

Kapre nin ku sukye, nin misyar Ji nde, wo nin benbot Ji bi sukdu-i petok sor tepsu Ji ki ne. Sane bere kam gato yetu mwa ne sino mo bur ré iwedewe ku sukye ndo nde, bere Ji mewa nin kadit re. Bere yetu mwa ne sino ku sukye subere yé gato misyar Ji, bere bor mone.

Roma 16:25

Men bes Yefun Allah gum kok et. Ji ki sukdu subot os ndo gato Yefun Allah fro wa men yetu, ji ki subot Yesus Kristus gato kak os ne, orete nin jammo sukdu ne. Sane Yefun Allah ós nin anato nin onyar kem mo Yefun nggi wai kadit nyim ne o re. Kadit nyim tuya kom more, Yefun yo kadum sukdu ne rer wa ye jam nde, Yefun gurik sukdu subot os ne re,

2 Tesalonika 2:16

Men bi Yekwesu Yesus Kristus, An dakai si men bi Ai, Yefun Allah gato bi sukjimnut sye kas subot men ne, Yefun dakai bi sukjimnut sye kas subot men anato An ós men kem ndo to kapyo mato kapyo. An kak men bi sukjimnut anato men kwabom kam mo An do, sangge, bere An ben sukndo su men sino.

Wahyu 13:7

An ku suktinggi wa futma gu yé gato onyar kem mo Yefun Yesus mo bur ré kwop wé. An nggi wai kadit yé mwa ne re. Yetu mwa ne sino mo buryo-buryo e, wisyo-wisyo e, yeyo-yeyo e, ayo-ayo e ne, yetu mwa ne sino jammo an sor.

Ibrani 13:20

Yefun Yesus kwop, An dé sye anato An kak os be gato gesyos, os be ne kem su men kadit kam ne sor to kapyo mato kapyo. Sane Yefun Allah sun men bi Yekwesu Yesus Kristus satu kadit sukkwop, ete An bes Yesus Kristus gum kok wai wa mewa men yé gato sibot os be ne. Kristus mewa men tepsu yetu mewa bi suksi sato domba ne sisu ndo.

Kolose 1:23

Nin onyar kem mo sukdu subot os ndo ne tepsu jam biro kom mo kwe guk ne yo, bere Yefun Allah nai nin gum sok mo An bi rus-i. Nin brek kadit os ndo ne nde, wo nin jom sukdu ne krat yo, bere nin si Yefun Allah kem ndo mo An bi nat-i. Sukdu ne anato sukdu gato yé ki nai nin jam re. Sukdu ne, yé mu ki frekbot bur ré iwedewe re. Ji gato gum do Paulus ré anato tepsu pakwerut wa ji mu kibot sukdu ne.

Matius 10:27

Suk gato Ji ki nai nin mo pe gato ndendu, nin waii ki nai yé mwa su nombrak. Suk gato Yefun Allah tom mo nin dabe, nin waii ki sye wa yé mwa jam.

Wahyu 10:11

Orete ji jam sukdu do, ”Suk mwa gado to nan me ne, gato Yefun tarubot nan ne, nan mu nan waii kibot subere yé mwa ne sino jam et. Sukdu gato Yefun Allah tarubot nan anato sukdu subot suk gato bere Yefun ben su yetu mo buryo-buryo e, wisyo-wisyo e, ayo-ayo si yepasye deyo-deyo e neya. Nan kibot sukdu ne nai yé mwa ne jam et.”

1 Petrus 1:25

sarewo Yefun Allah bi sukdu ne sor anato kem ndo to kapyo mato kapyo.” Yefun Allah bi sukdu gato kem gesyos ne anato sukdu subot os ndo gato Yesus Kristus kak ne, gato yé ki nai nin jam re.

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.

Wahyu 10:7

wo malaikat kedomufit do fuf an bi trompet-i ne ba it yo, suk gato Yefun Allah fro wa ben ete gurik kadit yetu ne, bere bor re. Yefun ben suk ne bor tepsu bi kam gato Yefun Allah frot nai An bi pakwerut gato ye kendo do yenabi ne.”