Wahyu 14:5 - Abun Scripture

⁵ Án yo kidar suk wam dik yo dom nde. Sukibit yo ut mo án wokgan yo dom nde.

Wahyu 14:5 ပူးပေါင်းရင်းမြစ်များ

Matius 12:34

Nin anato kidar suk tepsu kwis jan, nin mit si nin onyar ibit, sane bere nin ki suk gato ndo sa u ne? Suk gato men ki ne bere syesyar kadit men mit si men onyar fe!

Lukas 23:4

Orge Pilatus ki nai yekwesú mo Yefun Allah bi nu bok ne si yé mwa mone do, ”Ji ndobot Ye ré ware, ji ki do, Ye ré ben suk gato ibit yo mo nde.”

Yohanes 1:47

Yefun Yesus me Natanael ma ku An sa, An kibot Natanael do, ”Ye Israel gato sangge anato ma ré. Ye ré yo kidar suk yo mo nde.”

Efesus 5:27

Sane anato Kristus fro men sino gato onyar kem mo An ne kwo ndo mo An dakai gwem. An fro men subere men da ibit nde, men dini bor mo nde, men brot bor mo nde, men wip no mo nde, suk yo gato ibit mo men kaim ne yo mo nde, wo suk mwa mo men kaim ne ndo sino. Yesus Kristus bi sukjimnut sye kas subot men digane.

Kolose 1:22

Wo, su ré, Yefun Allah syo An bi Gan ma kwop subere kak os wa nin si An kem ndo satu it. Yefun Allah fro os ré subere An bi Gan kar nin ma mo An, ete mone, An nutbot nin do, nin sa, tepsu An dakai bes wa nin ben An bi suk-i sor, ye yo ku os wa ki nin gum ibit mo Yefun gwem nde. Sane dom, Yefun nutbot nin do, sukibit wokgan yo ut mo nin o nde, we An bi Gan kwop wa tot sukibit ne wé re.

Ibrani 9:14

Sane kambing si sapi dé-i, si sapi gato ye gre ne bi bofuf-i ne do nggiwa ós nje subere yé ne si Yefun Allah kem ndo su yu satu o it yo, bere Kristus dé-i ne te, sa u ne? Kristus dé-i nggiwa ós men wai kadit sapi dé-i ne o re fe! Yefun Allah Gen gato gesyos ne ben Kristus nggiwa Kristus dakai bi An nggwa mo Yefun Allah, An dé sye tepsu suktot win men. Kristus ben sukibit wokgan yo dom nde, sane suktot ne tep mó re. Kristus dé sye anato sombok men bi sukjimnut mo men mit ne wé kadit os gato nyim ne bi sukdu-i, subere men nutbot suk mone o nde, wo men bi sukjimnut sye mo suk gato Yefun Allah gato gesyos ne iwa men ben ne sor.

1 Petrus 1:19

wo Yesus Kristus dé sye, An bi An nggwa wa men yetu anato tepsu suktot gato kok wai kadit suk mwa neya gato ye tot suktot su ne o re. Yesus Kristus anato tepsu domba gan ge gato kaim ndo sino, ibit wokgan yo dom nde. {Suga nyim ye Israel gu suge sato domba gan kwop ete nai i-dé ne wa tot suktot mo sukibit gato án ben ne.}

1 Petrus 2:22

An yo ben sukibit yo mo nde. An yo kidar ye yi yo mo nde.

1 Petrus 3:10

Nin benbot sukdu gato ji krom ne, we mo Yefun Allah bi sukdu, ye krom sare do, ”Ye to iwa kem not mo bur ré ete ku suk gato ndo yo, an mewa an syokwet ndo kadit an ki sukibit daret nde, an kidar suk daret dom nde.

Yudas 1:24

Yesus Kristus ete nggiwa mewa nin kadit nin ges mo os ibit. An ete nggiwa gwat nin ma kem mo Yefun Allah gato gum kok ne gwem. Mo An bi nat-i gato ndo wai ne sukibit yo ut mo nin o nde, bere nin mit at wa sor.