Wahyu 14:3 - Abun Scripture

³ Yetu ge 144.000 ti mo Yefun Allah bi kursi ne gwem. Suge at si yenggras ge musyu we sop at ne sino ti mo kursi gwem ne dom. Yetu ge 144.000 ti mone ba sukbadek dobe. Yetu mwa ne sor ete jam ba sukbadek ne, ye yi yo nggiwa jam sukbadek ne nde. Yetu mwa ne anato yetu mo bur ré gato Yesus Kristus tot suktot mo sukibit gato án ben ne wé re ne.

Wahyu 14:3 ပူးပေါင်းရင်းမြစ်များ

1 Korintus 1:18

Ye gato bere ges mo bot gesyos ne nut do, sukdu subot Yefun Yesus mo kwesukwin ne, yé ki daret kaii. Wo men yé gato Yefun nai kadit sukye mo bot ne, subere men kem ndo to kapyo mato kapyo, men jam do, sukdu subot Yefun Yesus mo kwesukwin anato kadum Yefun Allah bi suktinggi ne bor wa men jam re.

1 Korintus 2:14

Yé gato Yefun Allah Gen yo bok nggwa mo nde yo, yé ne yo ku os wa jammo sukdu gato Yefun Allah Gen kadum nai án nde. Ye gato sane jam nde ware, án nut do, men ki sukdu dakai daret kaii, we Yefun Allah Gen yo kem mo án mit nde.

Wahyu 14:1

Orete ji sokme Domba Gan ti mo banbo Sion. Yetu ge 144.000 si Domba Gan ti mone sino. Ye krom Domba Gan si bi Ai gum mo yé mwa ne git det re.

Wahyu 15:3

Án kamo kecapi ete án ba sukbadek dik yo. Yé mwa ne sino badekbot Musa gato Yefun Allah bi pakwerut ne, si Domba Gan bi sukbadek-i sare do, ”Yefun ga nggi wai ne e, Yefun ga sye wai ne e, Nan gum kok wai ’dit men ne o, Nan yesu ga nggi wai ne o. Yefun ga nggi wai ne e, Yefun ga sye wai ne e, Nan ben suk ga ndo yé, Nan man suk ga ndo wai. Yefun ga yesu wa men yetu ne e, Yefun ga yesu mo bur ré e, Nan ben Nan bi suk-i ri-roi ne o, Nan ben Nan bi suk-i sangge ne o.

Wahyu 2:17

Sane nin brek nin dabe muya-muma kadit nde, wo nin jammo sukdu gato Yefun Allah Gen ki nai yé gato onyar kem mo Yefun Yesus mo nu ari ne et. Yé gato nggi wai kadit bur ré bi suk-i yo, bere Ji syo sugit gato ye kendo gum do, ’manna’ ne napyo nai án git. Sugit ne yo bor wa yé mwa jam nde, wo tepsu suga nyim tuya Yefun syo manna nai ye Israel wa án kem mo bur ré, bere Ji syo manna nai yé gato nggi wai kadit bur ré bi suk-i subere yé ne nggiwa simo Yefun bi os-i pe sor. Sane dom, bere Ji syo jok kwo dik yo nai án. Mo jok ne ye krom gum be mó, wo yé gato ku jok ne sor ete jam gum gato ye krom mone.”

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.

Wahyu 7:4

Sugane ji jam ye ki yetu ge gato ye syat ja mo án git det ne kom mo yetu ge 144.000 re. Yetu mwa ré sok mo ye Israel bi yewis-i musyu dik sop we.