Wahyu 13:8 - Abun Scripture

⁸ Yetu mwa ne sino gato kem mo bur ré bere bes suge ne gum kok, wo yetu bok gato Yefun Allah krom gum mo Domba Gan gato ye gu kwop wé ne bi Buku Yegesyos suga nyim tuya Yefun ut bur ré nde tó, bere yé bok ne yo bes suge krok ne gum kok nde.

Wahyu 13:8 ပူးပေါင်းရင်းမြစ်များ

Matius 25:34

Sugane Ji, gato Yekwesu mone bere Ji ki nai nje gato tak Ji de syim ge do, ’Nin ma, nin yé gato Ji bi Ai ben sukndo su. Nin ma nin nai suk gato Yefun Allah fro wa nin ne. Yefun fro nat wa nin si An gum yekwesu mone sino, An fro nat ne ndek kadit kam gato An ut bur ré re.

Lukas 10:20

Semda da jammo nin ete titi, sarewo nin mit at teker mone sor nde, wo ndo sa, nin mit at wa Yefun Allah krom nin gum mo An bi rus-i mo gu re.”

Yohanes 1:29

Bi ik, ete Yohanes me Yefun Yesus ma mo an. Orete Yohanes ki do, ”Nin me Ye ré. An anato tepsu Domba Gan gato Yefun Allah syogat ma mo bur ré wa tot suktot mo sukibit gato men ben ne wé.

Efesus 1:4

Yefun Allah yo ut bur ré nde tó, An bi sukjimnut wa An nai men tepsu An bi rus-i. Yefun bi sukjimnut nyim wé sare do, An fro men dor subere men ben suk gato ndo sor. Men ben kwa gato ibit yo mo nde, wo men ben suk tepsu An mit sor. Yefun Allah bi sukjimnut sye kas subot men

Filipi 4:3

Sane dom, ji ndek mo Sunsugus do, ”Nan si ji ben Yefun Yesus bi suk-i sino mó re, ji onyar kem mo nan. Sane Sunsugus, ji ndekwa nan tepsu yegweswai wa nggon we ne et, we nggon we ne si ji ben suk sino, men ki sukdu subot os ndo gato Yesus Kristus kak ne nai ye yi jam re.” Sugane an we wergat nggwa wa ós ji ki subot sukdu ne. An we sor nde, wo Klemens si yetu ge bok yo ós ji ki subot sukdu ne. Yé bok gane, Yefun Allah krom án gum mo An bi Buku Yegesyos re.

Titus 1:2

Án jammo Yefun Allah, we án kwabom kam mo Yefun Allah do, bere Yefun nai án gum sok mo Yefun bi rus-i, bere án si Yefun kem ndo to kapyo mato kapyo, tepsu Yefun Allah tom su men sugato An ut bur ré nde tó. Suk gato Yefun Allah tom su men ne, bere An benbot sor, An yo kidar nde.

Wahyu 12:15

Orete naga sukut tepsu syur sye kadit an syokwet subere syur ne sye mu pet mo nggon ne, ete gwat nggon mu daret

Wahyu 13:12

Suge kedowe ré gum kok tepsu yekwesu. Suge kedowe ré win suge doketke ne. Yetu mwa neya bes suge kedowe gum kok mo suk mwa ne sino. Suge kedowe syaugat yetu mwa mo bur ré bes suge doketke ne gum kok. Suge kedowe ne su dik yo wip sye gato ye nut do bergan suge ne kwop mone, sarewo wip ne ge kadit or re.

Wahyu 17:8

Suge doketke gato nan me ré, suga nyim sa, mbau, wo ré yo, yo mbau o nde. Bergan suge ne syesyar kadit kwoye sye mo bur desnak ne ma nim mo bur ré o. {Orete bere Yesus Kristus gu suge ne kwop wé,} suge ne bere ibit or re. Suga nyim sa, suge ne mbau, wo ré ne, yo mbau o nde, sarewo bere suge ne mbau satu o re. Sane anato yetu gato gum yo sok mo Yefun Allah bi Buku Yegesyos nde, bere yeket mone. Yefun fro Buku ne su kam gato An yo ut bur ré nde tó. Bere yé mwa gato kem mo bur ré, gato gum yo sok mo Buku ne nde yo, bere yé mwa ne yeket suge ne re.

Wahyu 21:27

Sarewo yé gato ben bi suk-i siri kadit Yefun mit ne, bere yé ne yo sok mo kota ne nde, wam dik yo dom nde. Yé gato som sukdaret e, kidar suk e ne yo sok mo kota ne nde. Sarewo yé gato ye krom gum mo Domba Gan bi Buku Yegesyos sor anato sok mo kota ne.

Wahyu 3:10

Kapre nin ku sukye, nin misyar Ji nde, wo nin benbot Ji bi sukdu-i petok sor tepsu Ji ki ne. Sane bere kam gato yetu mwa ne sino mo bur ré iwedewe ku sukye ndo nde, bere Ji mewa nin kadit re. Bere yetu mwa ne sino ku sukye subere yé gato misyar Ji, bere bor mone.

Wahyu 3:20

Nin jammo suk gato Ji ki ré et. Ben sato Ji ma ti mo nusyo de nden ete Ji ké. Ye to jam Ji ké, ete kak nusyo wa Ji yo, bere Ji sok mu ku ye ne mo nu mit re. Bere Ji si ye ne git sugit sino mone tepsu yedik.

Wahyu 3:5

Yé gato nggi wai kadit bur ré bi suk-i yo, bere án si yé bok ne sino it san gato kwo ndo. Bere Ji yo rus án gum wé kadit Buku Yegesyos nde. Bere Ji ki mo Ji bi Ai si malaikat mwa ne gwem do, Ji bi rus-i mo án.

Wahyu 5:12

Malaikat mwa ne ba sukbadek, án ba sye sare do, ”Domba ga ye gu ne e, Domba ga kwop ne e, Nan sa, Nan gum kok ne o, gum sye ne o. Men un An gum a we, Men bes An gum a we, Domba ne tep wa ku suktinggi mwa ne o, tep wa suk mwa ne sino o. Men un An gum a we, Men bes An gum a we, Domba ne tep wa ku suktinggi mwa ne o, tep wa dakai rer kom mo mit ne o. Men un An gum a we, Men bes An gum a we, Domba ne tep wa ye bes An gum kok ne o, tep wa ye un An gum petok ne o.”

Wahyu 5:13

Orete ji jam suk mwa gato mbau mo gu nim e, mo bur ré e, mo bur desnak e, mo sem e ne sino, suk mwa gato mbau mo pe mwa ne sino ba sukbadek sare do, ”Yefun ga kem mo kursi sye ne e Domba Gan ga mone e Men un An we ne gum ne o Men bes An we ne gum kok ne o. Yefun si Domba Gan ne e An we ete gum ne sye wai ne e. An we ete nggi wai kadit suk mwa ne o Su ré to kapyo to kapyo ne o.”

Wahyu 6:1

Ji sokme saresa, Domba Gan ne kak lilin gum gato ye ut buku krat su ne. An kak lilin gum dik yo wé. Orete ji jam suge at ge dik yo saiye. Suge dik ne saiye tepsu nogu pu sare do, ”Nan ma se!”