Wahyu 13:7 - Abun Scripture

⁷ An ku suktinggi wa futma gu yé gato onyar kem mo Yefun Yesus mo bur ré kwop wé. An nggi wai kadit yé mwa ne re. Yetu mwa ne sino mo buryo-buryo e, wisyo-wisyo e, yeyo-yeyo e, ayo-ayo e ne, yetu mwa ne sino jammo an sor.

Wahyu 13:7 ပူးပေါင်းရင်းမြစ်များ

Lukas 4:6

Biris bi yekwesu kadum pe mwa ne sa, an ki nai Yefun Yesus do, ”Suk mwa gato ji jowa ré, bere ji syo dakai or wa Nan. Yé mwa gato kem mo pe mwa mo bur ré sino, suk mwa gato ndo mo bur ré sino, bere ji syo nai Nan wa Nan jom or re. Suk mwa ré sino sok mo ji, sane ji waii syo nai ye gato ji iwa.

Yohanes 19:11

Yefun Yesus ki nai Pilatus do, ”Yefun Allah bes nan wa nan jom nat si suk mwa ré ondesa, nan yo sye wai kadit Ji nde re. Sane anato ye gato syo Ji mo nan syim ne, ye ne ben sukibit wai kadit nan re.”

Wahyu 10:11

Orete ji jam sukdu do, ”Suk mwa gado to nan me ne, gato Yefun tarubot nan ne, nan mu nan waii kibot subere yé mwa ne sino jam et. Sukdu gato Yefun Allah tarubot nan anato sukdu subot suk gato bere Yefun ben su yetu mo buryo-buryo e, wisyo-wisyo e, ayo-ayo si yepasye deyo-deyo e neya. Nan kibot sukdu ne nai yé mwa ne jam et.”

Wahyu 11:18

Ye gato jam nde Nan mo buryo-buryo maskwa ndo nde, we Nan bi sukmaskwa bor it anare. Su kam ré, bi kam-i tepsu Nan ndobot yé mwa ne sino gato kwop mo suk gato án ben ne re. Nan bi pakwerut gato ki Nan bi suktaru ne, yenabi gane, Nan syo sukndo nai án mo suk gato án ben ne it anare. Yé gato onyar kem mo Yefun Yesus gato bes Nan gum kok ne dogato gum wok si dogato gum sye ne sino, Nan syo sukndo nai án it anare. Sarewo yé gato ben yetu mo bur ré ibit, Nan ben ibit it anare.”

Wahyu 11:7

Ye we kibot Yefun Allah bi suktaru ne or yo, bere suge krok gato sye ge dik yo it kadit kwoye sye mo bur desnak ete futma wa gu ye we ne. Suge ne bere nggi wai kadit ye we, ete gu ye we ne kwop re.

Wahyu 12:17

Sane naga maskwa ket nggon ne ndo nde. Sane naga mu me nggon bi pa yi neya wa ben sukndi su. Nggon bi pá-i anato ye gato jammo Yefun Allah bi sukdu-i, ete jom Yefun Yesus bi sukdu-i ne pe.

Wahyu 17:15

Orete malaikat ne ki nai ji o do, ”Syur gato nan me ne, mo nat gato nggon gato ben siri mwa kem mone, wo syur bok ne anato tepsu yetu wisyo-wisyo e, yetu mwa mo buryo-buryo e, ayo-ayo e ne. {Nggon ne tepsu kota sye gato ye nggo mo syur bok ne de.}

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.