Wahyu 13:5 - Abun Scripture

⁵ Suge krok ne ku suktinggi wa an ki suk, an bes an nggwa kok su sukdu ne, ete an kabor Yefun Allah gum. Suge krok ne ku suktinggi wa ben suk tepsu yekwesu. Yetu mwa ne jammo an sor kom mo aina musyu at sop we.

Wahyu 13:5 ပူးပေါင်းရင်းမြစ်များ

2 Tesalonika 2:3

Ye gato ma ki bi sukdu-i sane ben kidar nin kone. Nin jambot sukdu sane nde. We sare, Yefun Yesus yo satu ma mo bur ré nde tó, bere suk bok yo bor nyim wé re, sare do, bere yé mwa bariwa jammo Yefun bi sukduno-i o re, ete yetu ge dik yo gato Mise bere bor mone dom. Yetu gato Mise gare, bere ri ma Yefun Yesus bare mo bot gesyos.

2 Tesalonika 2:4

Sarewo Yefun yo bare ye gato Mise ne mo bot gesyos nde tó, ye gato Mise ne bes nggwa kok ete duwer Yefun Allah mo suk mwa neya. Bere ye Mise ne ki do, an sa, gum kok sye wai kadit suk mwa gato yetu mo bur ré som tepsu Yefun Allah ne. Ye ne bes an nggwa kok, sane anato bere an sok mo Yefun Allah bi nu mit. Bere an kem mone, ete an ki do, an anato Yefun Allah.

2 Tesalonika 2:8

ete bere yetu gato Mise ne bor it anane. Sane men bi Yekwesu Yefun Yesus satu ma mo bur ré yo, bere Yefun gu yetu gato Mise ne. Yefun Yesus ki bi sukdu-i pet mo yetu gato Mise ne sor re, bere yetu gato Mise ne kwop it anane. Yefun Yesus satu ma, An tepsu yepasye gato gum kok sye wai it yo, bere An ben ye Mise ne ibit o re.

Wahyu 11:7

Ye we kibot Yefun Allah bi suktaru ne or yo, bere suge krok gato sye ge dik yo it kadit kwoye sye mo bur desnak ete futma wa gu ye we ne. Suge ne bere nggi wai kadit ye we, ete gu ye we ne kwop re.

Wahyu 12:14

Nggon ne ku ndam syap tu ge sye i we, subere nggon ne ok mu mo bi nat-i mo pe gato kwe yo kom mo nde. Mone, yé mewa nggon ne kadit naga ne sor kom mo tahun gri nap.

Wahyu 12:6

Sane nggon ne titi mu mo pe gato kwe yo kom mo nde. Nggon titi kom mo nat gato Yefun Allah fro wa mom kem mone. Bere yé mewa mom mo nat ne sor kom mo kam ribu dik wotin we musyu mat rek.

Wahyu 13:7

An ku suktinggi wa futma gu yé gato onyar kem mo Yefun Yesus mo bur ré kwop wé. An nggi wai kadit yé mwa ne re. Yetu mwa ne sino mo buryo-buryo e, wisyo-wisyo e, yeyo-yeyo e, ayo-ayo e ne, yetu mwa ne sino jammo an sor.