Wahyu 13:4 - Abun Scripture

⁴ Naga bes suge ne gum yekwesu. Sane yetu mwa ne sino som naga ne. Yé som suge ne dom, ete ye ki do, ”Suge u anato nggi tepsu suge krok ré ne? Je u anato nggiwa futma ete gu suge ré ne?” Suk yo mo nde, wo suge ne nggi wai kadit suk mwa ne o re.

Wahyu 13:4 ပူးပေါင်းရင်းမြစ်များ

2 Korintus 4:4

Yé gato jam nde Yefun yo, bere án yo but sukdu ne ri nde, we biris bi yekwesu gato bes nggwa kok ete werwa jom yetu mo bur ré ne rai yé ne bi sukjimnut-i ne krat mo ndendu bi suk-i re. Sukdu subot os ndo gato Yesus Kristus kak wa men yetu ne bi suktinggi bor mo bur ré tepsu sukru sye wa men, Kristus kadum Yefun Allah rer wa men jam, sarewo biris bi yekwesu ben suk yawa yé gato jam nde Yefun ne anato yé ne yo jambot sukdu ne nde.

2 Tesalonika 2:4

Sarewo Yefun yo bare ye gato Mise ne mo bot gesyos nde tó, ye gato Mise ne bes nggwa kok ete duwer Yefun Allah mo suk mwa neya. Bere ye Mise ne ki do, an sa, gum kok sye wai kadit suk mwa gato yetu mo bur ré som tepsu Yefun Allah ne. Ye ne bes an nggwa kok, sane anato bere an sok mo Yefun Allah bi nu mit. Bere an kem mone, ete an ki do, an anato Yefun Allah.

Wahyu 12:3

Or o suk dik yo o tepsu sukamno bor mo gu. Suge sye gato ka sato nggor bin gato ye kendo do naga bor mone. Naga ne ge er ete kaim sye yé. Naga ne su mufit mó. Naga suti musyu dik dom mó. Naga bom yekwesu bi topi wokgan mo naga su mufit ne, topi dik mo su dik.

Wahyu 12:4

Naga nyo gwa bí napyo ges or kadit gu. Naga gwa bí ne sor bí ges gwa mo bur re. Naga ti mo nggon gato nukwe i su pa ne gwem es ndek wa nggon kem su pa. Naga eswa subere nggon do kem su pa-i, naga kuk-i.

Wahyu 13:11

Orete ji sokme suge krok ge dik yo o it kadit bur ré. Suge kedowe ré suti we mó, tepsu domba suti-i. Suge ré ki bi sukdu-i tepsu naga ki bi sukdu-i re.

Wahyu 13:15

Suge kedowe ku suktinggi wa an fuf mas mo suk gato ye ut ka sato suge doketke ne, subere suk ne nggiwa ki suk ete gu yetu mwa ne sino gato bariwa som suk ne kwop wé.

Wahyu 13:2

Suge gato ji sokme ne ka sato mau sye gato krok. Suge ne gwes tak-i sye yé tepsu beruang gwes tak-i. An syokwet-i sye yé tepsu singa syokwet-i. Ete naga ne syo an dakai bi suktinggi nai suge krok ne. Yekwesu bi kursi gato naga kem mone, naga syo nai suge ne, ete naga bes suge ne gum yekwesu gato gum kok wai mone o re.

Wahyu 17:14

Án si suge doketke ne sino bere es yeko futma wa gu Domba Gan, sarewo Domba Gan ne bere nggi wai kadit yeraja si suge ne o re, we Domba Gan ne anato Yekwesu gato nggi wai kadit yekwesu mwa ne sino. Domba Gan anato yeraja gato nggi wai kadit yeraja mwa ne sino. Domba Gan si bi rus-i gato An nai wa simo An pe sor, bere nggi wai kadit yeraja bok ne si suge doketke ne o re.”

Wahyu 18:18

Án sino sokme bot gato git kota bu it mu mo gu ne, bere án saiye do, ”Kota u anato gum kok sato kota ré ne?”

Wahyu 9:20

Yetu napta gato yo kwop mo sukye bok ne nde tó yo, án sino yo brek kadit sukibit gato án ben ne nde. Yetu ne som yerom e, aboksye e ne pe sor, án som sukdaret gato yetu ut win Yefun Allah e ne. Yé ut suk ne kadit suk sato emas e, perak e, tembaga e, jok e, kwe e ne. Suk bok gato yetu dakai ut wa som daret ne yo me suk nde, suk ne yo jam sukdu gato yé ki ne nde, suk ne yo mu dom nde.