Wahyu 13:3 - Abun Scripture

³ Suge ne su dik yo ben sato wip sye gato rok mó. Yé nut do, wip sye ne bere ben suge ne kwop, sarewo suge ne yo kwop nde, wo wip ne ge or re. Sane yetu mwa mo bur ré yeket ndo nde, ete yé jammo suge ne re.

Wahyu 13:3 ပူးပေါင်းရင်းမြစ်များ

Lukas 2:1

Elisabet kem su mom bi pa Yohanes or, sugane Kaisar Agustus gum yekwesu wa ye Roma bi bur-i {Kaisar jom ye Yahudi bi bur-i dom}. Sane Kaisar syaugat yé mubot ye Roma bi bur-i subere yé krom yé mwa gato kem mone sino gum o re.

Yohanes 12:19

Sane ye Farisi ki nai yu do, ”Nin me ré! Men bi sukdu yo git o nde! Yé yo jammo men o nde! Yé mwa mo bur ré mu or mo An re.”

Suk Gato Yerasul Ben Ne 8:13

Simon dakai nai sukjimnut do, an simo os be gato Yefun Yesus kak ne, an onyar kem mo sukdu subot Yefun Yesus ne, orete Filipus ras Simon mo syur. Orge Simon simo Filipus mu mo pe mwa gato Filipus mu mone. Filipus kadum Yefun Allah bi suktinggi mo suk gato an ben ne, sane Simon yeket suk gato Filipus ben ne, Simon nutbot ndo nde.

Wahyu 13:12

Suge kedowe ré gum kok tepsu yekwesu. Suge kedowe ré win suge doketke ne. Yetu mwa neya bes suge kedowe gum kok mo suk mwa ne sino. Suge kedowe syaugat yetu mwa mo bur ré bes suge doketke ne gum kok. Suge kedowe ne su dik yo wip sye gato ye nut do bergan suge ne kwop mone, sarewo wip ne ge kadit or re.

Wahyu 13:14

Suge kedowe ré ben suk win suge doketke ne. Suge kedowe ben yetu yeket an. Yetu mwa ne me suge ne bi suktinggi bor mone anato an ku os wa ben kidar yetu mwa ne sino mo bur ré. Suge kedowe ré syaugat yetu mwa ne ut suk yo ka sato suge doketke ne gato ye sap su nyom, sarewo suge ne yo kwop nde. Suge kedowe syaugat ye ut suk yo ka sato suge doketke subere ye bes suge doketke gum kok mone. {An ben kidar yetu sane subere ye yo jammo Yefun o nde.}

Wahyu 17:10

Yeraja ge mumek kwop wé re, ge dik yo jom nje su ré, ge dik yo o yo bor nde tó, wo bere an bor tó. Yeraja dowari ne do bor it yo, bere an jom nje wikgan sor re.

Wahyu 17:11

Suge doketke gato suga nyim ne mbau, wo su ré yo mbau o nde, bere mbau satu o, ete ma tepsu yeraja kedomunggwo. Suge ne tepsu yeraja dik yo mo yeraja mufit ne dom. Bere Yesus Kristus gu an kwop wé, suge ne bere ibit re.

Wahyu 17:13

Yeraja ge musyu dik ne bere ben suk su sukjimnut dik sor, bere yeraja ge musyu dik ne sino syo án bi suktinggi gato án jom nje su ne nai suge doketke ne.

Wahyu 17:17

Yeraja ge musyu dik ne ben suk su nggon sane, we Yefun Allah ben án bi sukjimnut sane sor án ben suk gato Yefun Allah fro wa án ben ne. Sane án ge musyu dik ne sino iwa syo án bi suktinggi wa án jom yetu su ne nai suge doketke ne, sane sor suk gato Yefun Allah ki ne bor re.

Wahyu 17:6

Ji sokme nggon ne. Nggon ne ben sato da yé gato onyar kem mo Yefun Yesus ne dé, ete nggon ne yenau su. Yé gato ye gu kwop mo suk gato án ben tepsu Yesus Kristus mit ne, nggon ne ben sato da án dé, ete nggon ne yenau su. Ji sokme nggon ne sa, ji yeket ndo nde.

Wahyu 17:8

Suge doketke gato nan me ré, suga nyim sa, mbau, wo ré yo, yo mbau o nde. Bergan suge ne syesyar kadit kwoye sye mo bur desnak ne ma nim mo bur ré o. {Orete bere Yesus Kristus gu suge ne kwop wé,} suge ne bere ibit or re. Suga nyim sa, suge ne mbau, wo ré ne, yo mbau o nde, sarewo bere suge ne mbau satu o re. Sane anato yetu gato gum yo sok mo Yefun Allah bi Buku Yegesyos nde, bere yeket mone. Yefun fro Buku ne su kam gato An yo ut bur ré nde tó. Bere yé mwa gato kem mo bur ré, gato gum yo sok mo Buku ne nde yo, bere yé mwa ne yeket suge ne re.