Wahyu 13:2 - Abun Scripture

² Suge gato ji sokme ne ka sato mau sye gato krok. Suge ne gwes tak-i sye yé tepsu beruang gwes tak-i. An syokwet-i sye yé tepsu singa syokwet-i. Ete naga ne syo an dakai bi suktinggi nai suge krok ne. Yekwesu bi kursi gato naga kem mone, naga syo nai suge ne, ete naga bes suge ne gum yekwesu gato gum kok wai mone o re.

Wahyu 13:2 ပူးပေါင်းရင်းမြစ်များ

2 Timotius 4:17

Ye yi yo ós ji nde, wo Yefun Allah sa, sisu ji. Yefun Allah ben ji nggi, subere ji ki sukdu subot os ndo gato Yesus Kristus kak ne. Yepasye ndobot ji sa, yewis yi mone jam sukdu subot os ndo gato Yesus Kristus kak gato ji ki ne dom re. Yé da iwa gu ji kwop wé, sarewo Yefun nai ji kadit re.

1 Petrus 5:8

Nin kem su nin fra et. Nin fro nin nggwa petok sor. Biris bi yekwesu iwa ben sukibit nai nin. Biris bi yekwesu muya-muma sato suge krok gato mise, gato gum do singa. Biris bi yekwesu ne meret yetu ge dik yo wa ben an sukye nai, tepsu suge singa sok suge dik yo wa an gu kwop, ete an git.

Wahyu 12:13

Naga gane me do, Mikhael si bi malaikat-i am an is mu kom mo bur ré sa, an syunbot nggon gato kem su pa yebris ne.

Wahyu 12:15

Orete naga sukut tepsu syur sye kadit an syokwet subere syur ne sye mu pet mo nggon ne, ete gwat nggon mu daret

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 13:12

Suge kedowe ré gum kok tepsu yekwesu. Suge kedowe ré win suge doketke ne. Yetu mwa neya bes suge kedowe gum kok mo suk mwa ne sino. Suge kedowe syaugat yetu mwa mo bur ré bes suge doketke ne gum kok. Suge kedowe ne su dik yo wip sye gato ye nut do bergan suge ne kwop mone, sarewo wip ne ge kadit or re.

Wahyu 13:4

Naga bes suge ne gum yekwesu. Sane yetu mwa ne sino som naga ne. Yé som suge ne dom, ete ye ki do, ”Suge u anato nggi tepsu suge krok ré ne? Je u anato nggiwa futma ete gu suge ré ne?” Suk yo mo nde, wo suge ne nggi wai kadit suk mwa ne o re.

Wahyu 16:10

Malaikat kedomumek gwat Yefun Allah bi sukmaskwa mo mbem ne mu ete sye mo suge doketke gato gum yekwesu, gato kem mo yekwesu bi kursi ne. Sane mo nat gato suge doketke jom bi rus-i ne ndendu yut kewa bi rus-i mone. Sane suge ne yo ku os wa jom an bi rus-i o nde. Mone yetu gato sok mo suge ne bi rus-i ne dipa ndo nde. Yetu ne ot án brip mo sukye gato án ku ne.

Wahyu 17:12

Suge suti musyu dik ne tepsu yeraja ge musyu dik yo o gato yo jom yetu nde tó, sarewo yeraja ge musyu dik ne bere ku suktinggi wa jom yetu. Yeraja ge musyu dik ne si suge doketke ne sino jom yetu kom mo jam dik sor re.

Wahyu 19:20

Yefun but suge doketke ne si suge kedowe gato ye kendo do yenabi gato ben kidar nje. Yenabi ne kadum bi suktinggi, an ben suk gato ben nje yeket mo suge doketke ne gwem. (Yenabi ne ben suk gato ben nje yeket, an ben kidar yé mwa gato suge doketke syogat ye syat ja wa ne. Yenabi ne ben kidar yé mwa gato som suk gato ye ut ka sa suge doketke ne.) Suge doketke ne sisu yenabi gato kidar nje ne, an we ne mbau tó, ete Yefun am an we mu ngga mo bot sye gato tepsu em, gato ru sye basmi kwik su belerang.

Wahyu 2:13

Ji jam do, nin kem mo nat gato biris bi yekwesu kem mone. Nin da kem mone, sarewo nin onyar kem pe mo Ji, nin yo misyar Ji nde. Antipas gato ben Ji bi suk-i e, ki Ji bi sukdu-i ne petok sor, ye gu an kwop. Kapre ye gu an kwop wé mo nin gwem mo nin dakai bi kota, gato biris bi yekwesu kem mone, nin yo misyar Ji dom nde.

Wahyu 20:2

Malaikat but naga, gato ben bi suk-i tepsu kwis kadit nyim tuya gato biris bi yekwesu, gato ye kendo gum do Iblis ne. {Naga ne ka sa nggor bin, sarewo kaim ne sye wai o re.} Malaikat but naga ne ete rai su bus sor kom mo tahun ribu dik.