Wahyu 13:1 - Abun Scripture

¹ Orete ji sokme suge krok ge dik yo gato sye. Suge ne syesyar kadit sem ma nden. Suge ne su mufit mó. Suge ne suti musyu dik mó. Mo an suti musyu dik ne sino yekwesu bi topi mó. Mo an su mufit ne sino ye krom gumyo-gumyo gato bi sukjimnut wa kabor Yefun Allah gum.

Wahyu 13:1 ပူးပေါင်းရင်းမြစ်များ

Wahyu 11:7

Ye we kibot Yefun Allah bi suktaru ne or yo, bere suge krok gato sye ge dik yo it kadit kwoye sye mo bur desnak ete futma wa gu ye we ne. Suge ne bere nggi wai kadit ye we, ete gu ye we ne kwop re.

Wahyu 12:3

Or o suk dik yo o tepsu sukamno bor mo gu. Suge sye gato ka sato nggor bin gato ye kendo do naga bor mone. Naga ne ge er ete kaim sye yé. Naga ne su mufit mó. Naga suti musyu dik dom mó. Naga bom yekwesu bi topi wokgan mo naga su mufit ne, topi dik mo su dik.

Wahyu 13:11

Orete ji sokme suge krok ge dik yo o it kadit bur ré. Suge kedowe ré suti we mó, tepsu domba suti-i. Suge ré ki bi sukdu-i tepsu naga ki bi sukdu-i re.

Wahyu 13:14

Suge kedowe ré ben suk win suge doketke ne. Suge kedowe ben yetu yeket an. Yetu mwa ne me suge ne bi suktinggi bor mone anato an ku os wa ben kidar yetu mwa ne sino mo bur ré. Suge kedowe ré syaugat yetu mwa ne ut suk yo ka sato suge doketke ne gato ye sap su nyom, sarewo suge ne yo kwop nde. Suge kedowe syaugat ye ut suk yo ka sato suge doketke subere ye bes suge doketke gum kok mone. {An ben kidar yetu sane subere ye yo jammo Yefun o nde.}

Wahyu 13:15

Suge kedowe ku suktinggi wa an fuf mas mo suk gato ye ut ka sato suge doketke ne, subere suk ne nggiwa ki suk ete gu yetu mwa ne sino gato bariwa som suk ne kwop wé.

Wahyu 15:2

Orete ji sokme suk gato ka sa kaca mwa tepsu sem si bot fros yu. Ji sokme yetu mwa gato Yesus Kristus nai kadit bur ré tepsu An bi rus-i ne ti mo sem de. Yé mwa ne nggi wai kadit suge doketke ne re. Suge doketke si suk gato ye ut ka sa suge ne yo nggiwa jom yé mwa ne nde, wo yé mwa ne nggi wai kadit suge doketke gato ku gum tepsu nomor ne. Yé mwa gane jom kecapi gato Yefun Allah syo nai án ne.

Wahyu 16:13

Orete ji sokme malaikat ibit ge gri gato ka sa gre, dik yo syesyar kadit naga syokwet-i, dik yo o syesyar kadit suge doketke syokwet-i, dik yo o syesyar kadit suge kedowe gato tepsu yenabi gato kidar nje ne syokwet-i.

Wahyu 17:16

Suge doketke si yeraja musyu dik gato nan sokme ne bere bariket nggon gato ben siri mwa ne. Bere án sino nai nggon ne bi suk mwa or wé kadit nggon ne, sane sor nggon ne kawarun. Bere án git nggon ne ku, ete syo bot git mom mukri ne wé.

Wahyu 17:3

Orete Yefun Allah Gen pet mo ji, ete malaikat ne gwat ji mu mo nat gato kwe yo kom mo nde. Mone ji sokme nggon ge dik yo kem mo suge doketke gato kaim er te ne yu. Suge ne su mufit, suti musyu dik mó. Mo suge ne kaim ye krom gum bok yo mó. Sukdu gato ye krom mo suge kaim ne sino bi sukjimnut wa kabor Yefun Allah.

Wahyu 17:5

Mo nggon ne git det ye krom mom gum mó. Mom gum bi sukjimnut ne, ji jam nde re, Yefun Allah gurik kadit men yetu sino re. Ye krom mo nggon git det ne sare do, ”Kota Babel gato ye bes gum kok, kota gato kadum os wa nggon anato nggon ben siri mwa mo peyo-peyo, sukibit mwa gato bor mo bur ré bi i-ke kem mo kota ne.”

Wahyu 19:19

Orete ji sokme suge doketke si yeraja mo bur ré si bi yesukmise-i sum wa futma ben sukndi su Ye gato it mo kuda kwo si bi yesukmise-i ne.