Wahyu 12:5 - Abun Scripture

⁵ Orete nggon kem su pa yebris. Naga yo kuk pa ne nde, wo malaikat ge dik yo ma nai pa kekro wé kadit naga, ete gwat mu mo Yefun Allah mo An bi kursi sye ne. Pa ne bere jom yetu wis mwa ne sino mo bur ré. Pa ne ben sukye nai nje su nggarmom muk (gato besi ne) sane sor yetu mo bur ré iwedewe ne sino jammo An sor.

Wahyu 12:5 ပူးပေါင်းရင်းမြစ်များ

Matius 1:25

An we kra pe, sarewo Maria kem su pa nde tó, Yusuf si Maria yo sem su yu nde tó. Maria kem su Pa ne, orete Yusuf kendo Pa ne gum do Yesus.

Markus 16:19

Yefun Yesus ki An bi sukdu nai An bi pakon, or Yefun Yesus it mu mo gu, ete Yefun Yesus kem tak Yefun Allah de syim ge subere Yefun Yesus si Yefun Allah, An we jowa suk mwa ne sino.

2 Korintus 12:2

Ji dakai jam ye Kristen ge dik yo, suga tahun musyu dik sop at nyim ne, an it mu mo gu kom mo pe gato kok wai o re. (Ji jam nde, an kaim sangge anato it mu mo gu bado, an me suk ne tepsu an semda ku sor bado, ji jam nde wa, wo Yefun Allah sor ete jam.)

2 Korintus 12:4

Mo Yefun Allah bi nat-i gato ndo mo gu ne, ye gare jam sukdu subot sukyo-sukyo, sukdu ne kru teker, bere ye yo nggiwa ki sukdu ne su yetu mo bur ré bi a-i yo mo nde. Sukdu ne, Yefun Allah dumik wa ye ne, subere an yo kibot o nde.

Wahyu 11:12

Orete yé jam yetu ge dik yo saiye mo gu. Ye ne ki nai ye we sare do, ”Nin ka we ma more et!” Orete ye we it mu mo gu ngga mo nyotem mit saresa, ye gato bariket ye we sokme ye we it mu mo gu or re.

Wahyu 12:13

Naga gane me do, Mikhael si bi malaikat-i am an is mu kom mo bur ré sa, an syunbot nggon gato kem su pa yebris ne.

Wahyu 12:2

Nggon ne syim far, mom nukwe i su pa, mom saiye su.

Wahyu 19:15

Nyom gato ot de we syesyar kadit An syokwet. Bere An ben sukye nai nje mo bur ré iwedewe su nyom ne. Bere An ben sukye nai nje su nggarmom muk sane sor yé mwa ne sino jammo An petok sor. An gwat os wa Yefun Allah gato nggi wai ne bi sukmaskwa bor mo bur ré. An ben yetu mwa dé sye, tepsu ye yakos anggur bo, bere i-rom ne syesyar re.