Wahyu 12:3 - Abun Scripture

³ Or o suk dik yo o tepsu sukamno bor mo gu. Suge sye gato ka sato nggor bin gato ye kendo do naga bor mone. Naga ne ge er ete kaim sye yé. Naga ne su mufit mó. Naga suti musyu dik dom mó. Naga bom yekwesu bi topi wokgan mo naga su mufit ne, topi dik mo su dik.

Wahyu 12:3 ပူးပေါင်းရင်းမြစ်များ

Wahyu 12:1

Orete suk yo gato ben yé yeket ndo nde bor mo gu. Suk ne ben sato tepsu sukamno. Nggon ge dik yo pis kam su tepsu nggon pis san pis. Nggon ne ak gwes tak we mo aina. Nggon ne bom yekwesu bi topi mo mom su. Topi ne bi bí musyu dik sop we mone.

Wahyu 12:13

Naga gane me do, Mikhael si bi malaikat-i am an is mu kom mo bur ré sa, an syunbot nggon gato kem su pa yebris ne.

Wahyu 12:17

Sane naga maskwa ket nggon ne ndo nde. Sane naga mu me nggon bi pa yi neya wa ben sukndi su. Nggon bi pá-i anato ye gato jammo Yefun Allah bi sukdu-i, ete jom Yefun Yesus bi sukdu-i ne pe.

Wahyu 12:4

Naga nyo gwa bí napyo ges or kadit gu. Naga gwa bí ne sor bí ges gwa mo bur re. Naga ti mo nggon gato nukwe i su pa ne gwem es ndek wa nggon kem su pa. Naga eswa subere nggon do kem su pa-i, naga kuk-i.

Wahyu 12:7

Orete suk mwa neya mo gu ne gu yu, suk mwa ne ben sukndi su yu mone. Malaikat bi yekwesu ge dik yo gato gum do Mikhael si bi malaikat-i ben sukndi su naga ne. Naga si bi malaikat-i waii futma wa gu Mikhael si bi malaikat-i.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 13:1

Orete ji sokme suge krok ge dik yo gato sye. Suge ne syesyar kadit sem ma nden. Suge ne su mufit mó. Suge ne suti musyu dik mó. Mo an suti musyu dik ne sino yekwesu bi topi mó. Mo an su mufit ne sino ye krom gumyo-gumyo gato bi sukjimnut wa kabor Yefun Allah gum.

Wahyu 13:2

Suge gato ji sokme ne ka sato mau sye gato krok. Suge ne gwes tak-i sye yé tepsu beruang gwes tak-i. An syokwet-i sye yé tepsu singa syokwet-i. Ete naga ne syo an dakai bi suktinggi nai suge krok ne. Yekwesu bi kursi gato naga kem mone, naga syo nai suge ne, ete naga bes suge ne gum yekwesu gato gum kok wai mone o re.

Wahyu 13:4

Naga bes suge ne gum yekwesu. Sane yetu mwa ne sino som naga ne. Yé som suge ne dom, ete ye ki do, ”Suge u anato nggi tepsu suge krok ré ne? Je u anato nggiwa futma ete gu suge ré ne?” Suk yo mo nde, wo suge ne nggi wai kadit suk mwa ne o re.

Wahyu 15:1

Orete ji sokme suk yo mo gu gato ben ji yeket, ji nutbot ndo nde. Ji sokme malaikat ge mufit gato gwat sukye mufit wa nje ma mo bur ré. Sukye mufit ne anato sukye gato wari, we sukye mufit ne bor yo, Yefun Allah bi sukmaskwa or mone it.

Wahyu 16:13

Orete ji sokme malaikat ibit ge gri gato ka sa gre, dik yo syesyar kadit naga syokwet-i, dik yo o syesyar kadit suge doketke syokwet-i, dik yo o syesyar kadit suge kedowe gato tepsu yenabi gato kidar nje ne syokwet-i.

Wahyu 17:12

Suge suti musyu dik ne tepsu yeraja ge musyu dik yo o gato yo jom yetu nde tó, sarewo yeraja ge musyu dik ne bere ku suktinggi wa jom yetu. Yeraja ge musyu dik ne si suge doketke ne sino jom yetu kom mo jam dik sor re.

Wahyu 17:16

Suge doketke si yeraja musyu dik gato nan sokme ne bere bariket nggon gato ben siri mwa ne. Bere án sino nai nggon ne bi suk mwa or wé kadit nggon ne, sane sor nggon ne kawarun. Bere án git nggon ne ku, ete syo bot git mom mukri ne wé.

Wahyu 17:7

Orete malaikat gane ki nai ji do, ”Nan yeket wa suma ne? Nggon ne si suge doketke gato su mufit si suti musyu dik ne, nggon ne it mo suge ne yu ete mu sino. Suga nyim ye gurik sukdu subot nggon ne si suge ne, sarewo ré yo, ji ki rer nai nan jam it.

Wahyu 19:12

Ye ne gro gan tepsu bot ru. An bom yekwesu bi topi mwa mo An su. Ye krom gum dik yo mo An kaim. Ye yi ne jam nde re, wo An dakai sa, jam gum ne re.

Wahyu 20:2

Malaikat but naga, gato ben bi suk-i tepsu kwis kadit nyim tuya gato biris bi yekwesu, gato ye kendo gum do Iblis ne. {Naga ne ka sa nggor bin, sarewo kaim ne sye wai o re.} Malaikat but naga ne ete rai su bus sor kom mo tahun ribu dik.