Wahyu 12:12 - Abun Scripture

¹² Sane, nin yé mwa gato kem mo gu ne sino, nin mit at wa et. Sarewo nin yé gato kem mo bur ré si sem mit ne, bere nin ku sukye ndo nde, we biris bi yekwesu is mu kom mo nin bi nat-i re. Biris bi yekwesu maskwa ndo nde, we an jam do, yo nam nde, bere an yo ku os wa ben kidar yetu ges mo os ibit o nde.”

Wahyu 12:12 ပူးပေါင်းရင်းမြစ်များ

Lukas 15:10

Sane dom yetu ge dik yo do kwet kadit sukibit gato an ben ne, ete an brek ma jammo Yefun it yo, Yefun Allah bi malaikat mwa ne mit at wa wai o re. Sangge!”

Lukas 2:14

”Men bes Yefun Allah gato kem mo pe gato kok mo gu ne gum kok sye wai o et. Yefun Allah, Nan ben nje gato Nan dakai jimnotku ne kem not mo bur ré et.”

Ibrani 10:37

We, ye krom mo Yefun Allah bi sukdu subot Kristus sare do, ”Bergan sor ete Ye gato Yefun tom do, bere An ma ne yo, bere An ma re; An yo eswa nam o nde.

2 Petrus 3:8

Sarewo ji bi nji ji bi nyanggon, nin napawa sukdu gato ji krom ré et, Yefun Allah bi sukjimnut do, kam dik yo, kam dik ne tepsu tahun ribu dik sor re. Sane dom, Yefun Allah bi sukjimnut do, tahun ribu dik yo, tahun ribu dik ne tepsu kam dik sor re.

Wahyu 10:6

Malaikat ne bes syim ge mu nim sa, an tom su do, gu ana nim ne, bur ana ré. An tom yi nde, wo an tom su Yefun Allah gum. An ki do, Yefun Allah anato gesyos, Yefun Allah anato ut suk mwa mo gu nim e, bur ré, si sem ne sino. An tom su Yefun Allah gum sare do, ”Men yo eswa o nde,

Wahyu 11:10

Yé mwa ne sino mo bur ré iwedewe me ye we kwop yo, yé mit iwa ndo nde. Yenabi we gane ben sukye nai yetu mo bur ré kwop, sane anato yé konwa, we yé mwa ne mit iwa ye we kwop ne. Yé mwa ne mit iwa ye we kwop anato yé syo suk nai yu dom.

Wahyu 11:14

Sukye kwa gri gato ndam syap tu saiye su ne, kwa dowe sa, or re, wo bergan kwa dogri bor re.

Wahyu 12:9

Mikhael si bi malaikat-i am naga sye ne wé kadit gu re. Naga gane anato tepsu kwis kadit nyim tuya gato gum do biris bi yekwesu. Yé kendo biris bi yekwesu ne gum do Iblis dom. Naga gane ben kidar yetu mwa mo bur ré ges mo os ibit. Orete Mikhael si bi malaikat-i am naga sye ne si bi malaikat-i sino mu is kadit gu ma mo bur ré re.

Wahyu 13:6

An ki bi sukdu-i, an kabor Yefun Allah, an kiket Yefun Allah gum ibit, an ki Yefun Allah bi nat-i ibit, an kabor yé mwa ne sino gato kem mo gu nim ne or re.

Wahyu 18:20

Nin yé mwa ne sino gato kem mo gu ne, nin mit at, we Yefun syo sukye nai kota Babel, kota ne ibit it. Nin yé gato onyar kem mo Yefun Yesus e, nin yerasul e, nin yenabi e ne, nin sino mit at, we Yefun Allah syo sukye nai nje mo kota ne tepsu sukibit gato yé mone ben ket nin re.

Wahyu 8:13

Ji sokme saresa, ji jam ndam syap tu ge dik yo gato ok mo gu nim ne saiye do, ”Sukye o, sukye o, sukye o, sukye ndo nde wa yetu gato kem mo bur. Bergan malaikat ge gri yo o fuf bi trompet-i ne ba yo, yetu mo bur ku sukye ndo nde!”

Wahyu 9:12

Sukye kwa gri gato ndam syap tu saiye su ne, kwa dik sa, yoi ben or re, wo kwa we yo o mó tó.