Wahyu 12:10 - Abun Scripture

¹⁰ Orete ji jam ye yo saiye mo gu, an ki do, ”Ré ne Yefun Allah nai An bi rus-i wé kadit sukye subere men kem ndo it. Ré ne Yefun Allah gato jom men ne bi suktinggi bor it. Sane anato bere An jom men mo nat gato An fro ne it. Ré ne Kristus gato Yefun bes wa kak os ndo wa yetu kem ndo bi suktinggi bor anato Kristus jom men yetu mo bur ré re. Men si Yefun kem ndo mo bi nat-i it, we su ré biris bi yekwesu gato ndak men bi nji mo Yefun bi rus-i ne gum mo Yefun Allah gwem noru nombrak ne, biris bi yekwesu yo ti mone o nde, we yé am biris bi yekwesu wé kadit nat ne or re.

Wahyu 12:10 ပူးပေါင်းရင်းမြစ်များ

Lukas 22:31

Yefun Yesus ki do, ”Simon, Simon, nan jammo Ji bi sukdu ré et! Biris bi yekwesu ndek mo Yefun Allah do, an ben sukye nai nin sino, tepsu ye tut fas gro.

Wahyu 11:15

Malaikat kedomufit fuf bi trompet-i ba o sa, ji jam ye ki sukdu sye mo gu sare do, ”Su ré sa, Yefun Allah gato jom men si Kristus gato Yefun Allah syogat ma wa kak os ndo wa yetu sok mo Yefun bi rus-i ne, ré ne Yefun Allah si Kristus jom bur ré it. Kadit kam ré sa, Yefun Allah si Kristus dakai jom yetu mo bur ré to kapyo mato kapyo it.”

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Wahyu 2:26

Yé gato nggi wai kadit bur ré bi suk-i, ete ben suk tepsu Ji mit iwa ne sor kom mo pe gato or mó yo, bere Ji ben án nggiwa jom yewis bok ne sino mo bur ré re.

2 Korintus 12:9

ware, Yefun Allah yo nai nde, wo Yefun ki do, ”Bere Ji dakai mewa nan sor, tep it anane. Mo sukye gato nan ku sane sor nan yo nggi o nde yo, bere Ji bi suktinggi bor sye kas subot nan mone o re.” Sane ji iwa ji ki subot pe gato ji yo nggi nde, we ji jam do, bere Kristus bi suktinggi bor sye kas subot ji mone o re.

Lukas 11:2

Sane, Yefun Yesus ki nai An bi pakon do, ”Nin ki suk su Yefun Allah yo, nin ki sare do, ’Men bi Ai, Yé bes Nan gum kok sye wai ete ndo. Nan ma tepsu Yekwesu wa jowa men yetu ete ndo.

Matius 26:64

Yefun Yesus ki do, ”Sangge, suk gato nan ki ne sangge. Sane sor nde, wo Ji ki nai nin sare do, bere nin me Yetu bi Pa to Ji ré kem tak Yefun Allah gato nggi wai ne de syim ge, ete bere Ji satu is ma mo bur ré su nyotem kadit gu.”

Matius 6:10

Nan ma tepsu Yekwesu wa jowa men yetu ete ndo, Men yetu sino mo bur ré, men ben suk tepsu Nan mit saga yé ben mo gu nim ne ete ndo.

Titus 2:3

Sane dom, nan duno nggon gato sye nyim kadit nan sare do, nggongras ben án bi suk-i tepsu ye gato bi nggwa mo Yefun Allah wa án ben Yefun bi suk-i sor. Nggongras ki nje ket kwayo-kwayo nde. Án iwa án da nau nde, wo án duno nje su sukduno gato ndo sor.

Wahyu 7:10

Yé mwa ne saiye nggi do, ”Yefun Allah gato kem mo An bi kursi ne, Yefun gato jom men ne anato fro os wa nai men wé kadit sukye ne re. Domba Gan anato kak os wa nai men wé kadit sukye subere men kem ndo to kapyo mato kapyo ne or re.”

1 Petrus 5:8

Nin kem su nin fra et. Nin fro nin nggwa petok sor. Biris bi yekwesu iwa ben sukibit nai nin. Biris bi yekwesu muya-muma sato suge krok gato mise, gato gum do singa. Biris bi yekwesu ne meret yetu ge dik yo wa ben an sukye nai, tepsu suge singa sok suge dik yo wa an gu kwop, ete an git.