Wahyu 12:1 - Abun Scripture

¹ Orete suk yo gato ben yé yeket ndo nde bor mo gu. Suk ne ben sato tepsu sukamno. Nggon ge dik yo pis kam su tepsu nggon pis san pis. Nggon ne ak gwes tak we mo aina. Nggon ne bom yekwesu bi topi mo mom su. Topi ne bi bí musyu dik sop we mone.

Wahyu 12:1 ပူးပေါင်းရင်းမြစ်များ

Matius 12:38

Yeguru ge bok yo si ye Farisi bok ne ki nai Yefun Yesus do, ”Yeguru, men iwa Nan ben suk gato ben Yefun Allah bi suktinggi ne bor wa men me et.”

Matius 24:30

Su kam gane Yetu bi Pa to Ji ré bere bor mo gu. Bere Ji is ma sisu nyotem, Ji kaim rer-rik su Ji bi suktinggi gato bor mone. Sane yé mwa ne sino mo bur ré iwedewe bere nyu ete wo.

Markus 13:25

Bi mwa ne ges kadit gu or. Suk mwa mo gu nim ne yo kas ri o nde.

Lukas 21:11

Bere sui sye juwai bur ré ram mo peyo-peyo. Bere sukonde sye bor mo peyo-peyo dom. Bere suki ben yé mwa ne i. Bere suk bok yo gato kadum Yefun bi suktinggi bor mo gu nim ben nje mo bur ré nyu ndo nde.

Lukas 21:25

”Bere Yefun Allah bi suktinggi bor mo gu anato kam e, aina e, bí e ne yo kas ri o nde. Bere sem nap sye teker dom. Yé mwa mo bur ré sino me suk sane, ete án nyu ndo nde, án jimnotbot teker.

Yohanes 3:29

Tepsu gato men kra yo, nggon gato ma ne anato yebris ne bi nggon anane it. Yebris bi yesyim gato sisu an mone, yesyim ne jam nggon ne ma yo, an si bi yesyim ne sino mit iwa wai o re. Sane dom ji jam do, Kristus ma ne yo, ji dom mit iwa wai o re.

Suk Gato Yerasul Ben Ne 2:19

Bere Ji ben suk mo gu nim ne gato ben yetu ne sor yé nutbot ndo nde. Bere Ji ben suk mo bur ré gato kadum Ji bi suktinggi bor wa yetu me. Bere yé me yetu dé sye, yé me bot, yé me bot bu ne mwa.

Roma 13:14

Men jammo sukjimnut gato tik men mit wa ben sukibit tepsu yetu iwa ben ne o nde, wo men nai sukjimnut wa men bi men nggwa mo men bi Yekwesu Yesus Kristus subere men ben suk tepsu An mit sor.

Roma 3:22

sare do, yetu gato onyar kem mo Yesus Kristus sor anato ku os wa Yefun Allah ki mo yé ne do, yé ne sa, tep wa sok mo An bi rus-i. Yefun Allah fro os gare wa yetu mwa ne sino gato onyar kem mo Kristus, ye Yahudi si yewis yi mwa ne, án sino bi os dik ne tepsu yu re.

2 Korintus 11:2

Ji mit iwa nin mit dik wa Kristus sor, tepsu Yefun Allah mit dik wa nin. Sarewo ben sato ji fro nin tepsu nggonnak be gato yo ben siri yo mo nde, orete ji tom do, ji syo nin kra su yebris ge dik yo gato gum do, Yesus Kristus dakai.

Galatia 3:27

Nin yé bok ne sino gato bi nggwa mo Yesus Kristus ete ye ras nin mo syur ne, nin tepsu Yefun bi pé-i, we nin nai sukjimnut tepsu Yesus Kristus it.

Galatia 4:26

Wo Abraham dakai bi nggon Sara anato tepsu Yerusalem mo gu. Mone men gum pakwerut wa suk yo mo nde. Mom ne anato tepsu men bi im. {Sara tepsu men bi im sane anato men yo tepsu pakwerut wa ye Yahudi bi sukduno-i nde, wo men dakai simo os be gato Yesus Kristus gwat ma ne.} Men si Sara tepsu pakwerut nde,

Galatia 6:14

Wo ji dakai yo bes sukdu daret sane kok mo nde, wo ji bes sukdu subot men bi Yekwesu Yesus Kristus gato kwop mo kwesukwin ne kok sor. Ji bes sukdu subot Yesus Kristus mo kwesukwin ne kok wai, sane anato ben sato ji kwop kadit sukdu daret gato ye ki subot sunat e ne. Sukdu daret gato yé ki mo bur ré, ji misyar or re.

Efesus 5:32

Yefun bi sukdu kwa gane bi sukjimnut-i ne kru yé. Sukdu ne bi sukjimnut subot Kristus si men sino gato onyar kem mo An.

Wahyu 1:20

Ji ki rer subot bí mufit gato nan me mo Ji syim ge ne si suk gato ka sa dem sor gato ye ben kadit emas wa ye dum sukru bo mufit ne. Suk we ne bi sukjimnut ne Yefun gurik kadit yetu, wo su ré Ji ki bi sukjimnut ne rer wa nan jam. Bí mufit bi sukjimnut do, malaikat ge mufit gato mewa yé gato onyar kem mo Yefun Yesus mo nu ari mo kota mufit ne {Efesus e, Smirna e, Pergamus e, Tiatira e, Sardis e, Filadelfia si Laodikia ne}. Or o, suk gato ka sa dem sor wa ye dum sukru mufit mone bi sukjimnut do, yé gato onyar kem mo Yefun Yesus mo nu ari mo kota mufit ne.”

Wahyu 11:19

Orete Yefun Allah bi nu mo gu ne kak, ete ji sokme sukduno rok bi peti mo nu mit ne. Peti ne tepsu peti gato Musa fro wa ye Yahudi bok sukduno rok mo mit ne. Mo peti mit ne ye grem sukduno rok gato Yefun Allah tom su ye Yahudi suga nyim tuya ne mó. Nu ne kak sa, nowarek e, nogu pu e, sukyo-sukyo pu e, sui juwai bur e, nogi sye su es gato krat sa jok, suk mwa ne bor sugane it.

Wahyu 12:3

Or o suk dik yo o tepsu sukamno bor mo gu. Suge sye gato ka sato nggor bin gato ye kendo do naga bor mone. Naga ne ge er ete kaim sye yé. Naga ne su mufit mó. Naga suti musyu dik dom mó. Naga bom yekwesu bi topi wokgan mo naga su mufit ne, topi dik mo su dik.

Wahyu 15:1

Orete ji sokme suk yo mo gu gato ben ji yeket, ji nutbot ndo nde. Ji sokme malaikat ge mufit gato gwat sukye mufit wa nje ma mo bur ré. Sukye mufit ne anato sukye gato wari, we sukye mufit ne bor yo, Yefun Allah bi sukmaskwa or mone it.

Wahyu 21:14

Ye ben ros syo mo jok sye musyu dik sop we yu. Mo jok bok ré ye krom Domba Gan bi yerasul ge musyu dik sop we ne gum mó.

Wahyu 21:23

Yefun Allah dakai rer-rik-i si Domba Gan kaim rer-rik-i anato tepsu sukru mo kota ne. Sane yé mone yo mitmo kam si aina wa rer ku án nde.