Wahyu 11:8 - Abun Scripture

⁸ Ye we mukri dakai kwop mo os mo kota sye mit ne, yé yo nai nde. Suga nyim, ye we bi Yekwesu, ye mban mo kwesukwin mo kota sye ne dom. Yé gwat sukamno, yé ki do, kota sye ne tepsu Sodom bado Mesir, we yé gato kem mo kota we ne bariket yé gato onyar kem mo Yefun tepsu yé gato kem mo kota sye ne bariket ye we ne si bi sukdu-i ne dom.

Wahyu 11:8 ပူးပေါင်းရင်းမြစ်များ

Matius 10:15

Suk gato Ji ki ré suksangge anare, su kam gato bere Yefun Allah ma ndobot yetu mo bur ré sino, yé mo kota ne ku sukye wai kadit yé mo kota Sodom si Gomora gato Yefun Allah syo bot git wé mo sukibit gato yé mone ben ne.”

Suk Gato Yerasul Ben Ne 9:4

Saulus ges gwa mo bur. An jam yetu ge dik yo ki sare do, ”Saulus, Saulus, nan ben sukye nai Ji wa suma ne?”

Ibrani 13:12

Sane anato Yefun Yesus dom kwop mo kota de nden, wo An dakai dé ne, ben sato An gwat sok mo gumwak fo mo Yefun Allah bi nu mo gu nim ne. Mone Kristus dé sye wa tot sukibit gato men yetu ben ne or wé kadit men, subere men tep wa sok mo Yefun Allah bi rus-i re.

Ibrani 6:6

Sarewo an do bariket Yefun Allah ete an mu tara kadit Yefun it yo, bere men yo ku os wa kar an satu ma mo Yefun o nde. Men yo ku os wa duno an subere an brek kadit os ibit ete satu ma mo Yefun Allah o nde, we an do brek satu ma mo Yefun o it yo, tepsu an gu Yefun Allah bi Gan wam dik yo o anane. An do brek satu ma mo Yefun o it yo, tepsu an kamo su Yefun Yesus gum mo yé mwa gwem anane.

2 Petrus 2:6

Sane dom tomga nyim tuya Yefun Allah syo sukye nai nje mo kota Sodom si kota Gomora. An syo bot git kota we ne or wé. Yefun Allah syo sukye subere An kadum do, bere An syo sukye nai yé gato bariket Yefun Allah digane.

Yudas 1:7

Sane dom, suga nyim tuya yé gato kem mo kota Sodom si kota Gomora si kota bok yo gato karo mone, án ben án bi suk-i ne ibit sato malaikat gane ben bi suk-i ne ibit dom. Ye Sodom si ye Gomora ne da bro wa ben siri su nggon e, yebris da bro wa ben siri su yu e, nggon da bro wa ben siri su yu e ne. Sane anato Yefun Allah syo bot git án sino or wé mone. Án sino ku sukye ne subere men sino me mone, ete men nyuwa bot gesyos git men tepsu bot git ye Sodom si ye Gomora mo sukibit gato án ben ne.

Wahyu 11:13

Sugane it, sui juwai bur ndo nde sane sor nu mo kota ne napyo fot mbrur-mbrar or re. Kadit nu ke wotin dik, nu ke musyu dik e gwa bur re. Yetu ge ribu mufit kwop re. Yé gato mbau tó nyu ndo nde, án bes Yefun Allah mo gu ne gum kok wai o re.

Wahyu 11:9

Ye we mukri kwop mone sor. Yetu bere ma kadit buryo-buryo e, wisyo-wisyo e, yeyo-yeyo e, ayo-ayo e ne sino. Yetu mwa ne bere ma sokbot ye we mukri kom mo kam no gri nap. Yé mwa ne sino bariwa yé bi ye we mukri.

Wahyu 14:20

Yé yakos anggur bo mo nat gato mo kota de nden, tepsu ye gu nje ete yetu dé sye kadit jokwak ne. Yetu dé sye sane sor, yetu dé sye kom mo kilometer wotin gri ete yetu dé sye kru karowa meter we.

Wahyu 14:8

Malaikat kedowe boribot malaikat doketke. Malaikat kedowe ké do, ”Kota Babel gato yé bes gum kok ne ibit or re, ye yo kem mo nat ne o nde. Yé mo kota ne gwat os ibit wa yetu mwa mo bur ré iwedewe sino. Yé mo kota ne gwat os ibit sane sor yetu mwa misyar Yefun tepsu yekra misyar bi nggon ne ete mu ben siri su nggon yi yo o re. Yé mo kota ne gwat os ibit. Ben sato ye syo nau nai yé mwa da sane sor yé mwa neya yenau su. Sane Yefun Allah ben kota ne ibit or re.”

Wahyu 16:19

Kota sye gato ye bes gum kok ne sui juwai det gri. Kota mo bur ré iwedewe, mwa ne sino ibit or re. Yefun Allah yo mbrinket kota Babel gato sye ne nde. Yefun maskwa ket nje mone ndo nde. Sane An syo sukye tepsu An wergat nje mone da nau mo An bi mok--nau ne tepsu Yefun Allah bi sukmaskwa.

Wahyu 17:1

Malaikat ge dik kadit malaikat ge mufit gato jom mbem mufit ne ma ki nai ji do, ”Nan ma me nggon pasye gato ben siri mwa wai o re. Bere ji kadum sukye gato nggon ne ku nai nan me. Nggon ne tepsu kota sye gato ye nggo mo syur bok yo de.

Wahyu 17:18

Nggon gato nan sokme anato tepsu kota sye gato nggi. Ben sato kota ne jom yeraja bok ne sino mo bur ré re.”

Wahyu 17:5

Mo nggon ne git det ye krom mom gum mó. Mom gum bi sukjimnut ne, ji jam nde re, Yefun Allah gurik kadit men yetu sino re. Ye krom mo nggon git det ne sare do, ”Kota Babel gato ye bes gum kok, kota gato kadum os wa nggon anato nggon ben siri mwa mo peyo-peyo, sukibit mwa gato bor mo bur ré bi i-ke kem mo kota ne.”

Wahyu 18:10

Yeraja nyu mo sukye gato nje ku mo kota ne. Sane yeraja ti ko kadit kota ne ete ki do, ”Kamapa! Yé mo kota Babel gato ye bes gum kok ku sukye ndo nde anare! Kota gato gwat os nggi wa yetu mwa ne sino simo ne, su ré ku sukye kom mo jam dik sane sor, ibit or re.”

Wahyu 18:18

Án sino sokme bot gato git kota bu it mu mo gu ne, bere án saiye do, ”Kota u anato gum kok sato kota ré ne?”

Wahyu 18:2

Malaikat ne saiye sare do, ”Ibit it! Kota Babel gato ye bes gum kok ne ibit it. Yetu yo kem mone o nde. Su ré, kota ne tepsu nat fo gato malaikat ibit mwa kem mó sor. Kota ne ses su ndam gato ye Israel fowa git si ndam gato yé bariwa ne dom.

Wahyu 18:21

Orete malaikat ge dik yo gato nggi nai jok gato sye wai ete am mo sem mit. Ete malaikat ne ki do, ”Kota Babel gato ye bes gum kok, bere Yefun Allah am nggi sato ji am jok sye ré. Sane bere kota ne yé yo ku o nde.

Wahyu 18:24

Yé mo kota Babel gu yenabi ge bok yo. Yé gu yé gato onyar kem mo Yefun Yesus ne kwop dom. Yé gu yetu ge bok yo sino mo bur ré mone. Yé mwa ne dé sye mo kota ne, sane Yefun Allah waii ben sukye nai nje mo kota ne win suk gato án ben ne.