Wahyu 11:6 - Abun Scripture

⁶ Ye we ku suktinggi wa ye we syogat nogi nde yei sane sor ye we kibot Yefun Allah bi suktaru ne or wé et. Ye we ku suktinggi wa ye we ben syur tepsu yetu dé dom. Sane o, ye we ku suktinggi wa ben sukye ket kwayo-kwayo nai nje mo bur ré ket ye we ne í sor.

Wahyu 11:6 ပူးပေါင်းရင်းမြစ်များ

Lukas 4:25

Nin jammo suk gato Ji ki ré et, tepsu kam nyim tuya Elisa kem mo bur Israel ré tó, nggonna mwa kem mone, wo an yo mu ku nggonna mwa ne nde. Sugane nokro, no yo gi mo nde mu kom mo tahun gri nap. Orge sukonde sye ben nje mwa mone.

Wahyu 11:3

Mo kota ne Ji bes yetu ge we wa mu kibot Ji bi suktaru sane sor kom mo kam ribu dik wotin we musyu mat ne or. Ye we ne it san ibit anato yé jam do, ye we ne jimnotbot suktaru ne ndo nde.”

Wahyu 16:3

Malaikat kedowe gwat Yefun Allah bi sukmaskwa mo mbem ne mu ete sye mo sem. Sane sem rom er tepsu ye gato kwop ne dé. Boge si suk mwa gato mbau mo sem ne kwop or re.

Wahyu 16:4

Malaikat kedogri gwat Yefun Allah bi sukmaskwa mo mbem ne mu ete sye mo syur si syur nggrup. Sane syur rom er tepsu yetu dé.

Wahyu 8:8

Malaikat kedowe fuf bi trompet-i ba o sa, yé yo am suk yo ka sa banbo sye gato bot ru mone mu ngga mo sem. Sem ne napyo tepsu yetu dé mone or re.