Wahyu 11:3 - Abun Scripture

³ Mo kota ne Ji bes yetu ge we wa mu kibot Ji bi suktaru sane sor kom mo kam ribu dik wotin we musyu mat ne or. Ye we ne it san ibit anato yé jam do, ye we ne jimnotbot suktaru ne ndo nde.”

Wahyu 11:3 ပူးပေါင်းရင်းမြစ်များ

Matius 11:21

Yefun Yesus kiket án do, ”Ji ben ye gato i mo kota Korazim si kota Betsaida ne ge re, Ji syun semda titi wé kadit nje mone dom, sarewo yé yo kwet kadit sukibit gato yé ben ne nde. Sane bere Yefun Allah ben sukye nai nje mo kota we ne, we Ji do ben suk mwa gato ben yé yeket mo kota Tirus si kota Sidon yo, bergan sor, ete yé mone kwet kadit sukibit gato yé ben ne kekro, orete án it san gato te, ete án krer bofuf mo án su subere yé jam do, án kwet kadit sukibit ne it.

Matius 18:16

Wo an bariwa men bi sukdu-i yo, men kar yetu ge dik yo, ge we yo, si men mu kibot sukibit ne sino. Sane men ben subot Yefun Allah bi sukdu-i ne, kwa gato ki do, ’Men kibot suk yo, yetu ge we yo, ge gri yo waii kibot tepsu yu sa, bere men nut do sangge.’

Lukas 10:13

Yefun Yesus kiket nje mone do, ”Ji ben ye gato i mo kota Korazim si kota Betsaida ne ge re, Ji syun semda titi wé kadit nje mone dom, sarewo yé yo kwet kadit sukibit gato yé ben ne nde. Sane bere Yefun Allah ben sukye nai nje mo kota we ne, we Ji do ben suk mwa gato ben yé yeket mo kota Tirus si kota Sidon yo, bergan sor ete yé mone kwet kadit sukibit gato yé ben ne kekro, orete án it san gato te, ete án krer bofuf mo án su subere yé jam do, án kwet kadit sukibit ne it.

Lukas 24:48

Nin anato yé gato me suk mwa gato Ji ben ne. Nin me su nin gro re. Sane nin mu nin ki suk gato nin me su nin gro nai nje jam.

Yohanes 15:27

Bere nin waii ki rer subot Ji nai ye yi jam dom, we kadit ketke Ji si nin ben suk tepsu dik sino.

Yohanes 3:27

Yohanes ki do, ”Suk yo o nde, Yefun Allah syo nje nai men, ondesa men ku nje yo mo nde.

Suk Gato Yerasul Ben Ne 1:8

wo su kam gato Yefun Gen bok nggwa mo nin, bere nin ku suktinggi wa nin mu ki sukdu subot os be gato Ji kak wa yetu sok mo Yefun Allah bi rus-i. Bere nin mu ki sukdu ne nai nje mo Yerusalem, mo bur Yudea, mo bur Samaria sane sor, kom mo bur ré iwedewe or sino.”

Suk Gato Yerasul Ben Ne 13:31

Kadit ne o, kam bok yo rek, yé ku An. Yé gato sisu An kadit bur Galilea mu mo Yerusalem, yé ne ku An mó re. Su ré yé gato me Yefun Yesus su án gro ne, yé ne anato ki subot Yefun Yesus nai men ye Israel jam re.

Suk Gato Yerasul Ben Ne 2:32

Yefun Yesus gare anato Yefun Allah sun kadit sukkwop it. Men sino dakai me su men gro re.

Suk Gato Yerasul Ben Ne 3:15

Sane nin dom si nje tepsu dik wa gu Yefun Yesus kwop wé anane. Nin gu Yefun Yesus gato ós men yetu kem ndo ne. Sarewo Yefun Allah sun Yefun Yesus kadit sukkwop o re. Men dakai me su men gro it.

1 Korintus 12:28

Sane mo nu ari, Yefun Allah fro nje sato ré do: ketke yerasul; kedowe o, yenabi gato ki Yefun Allah bi suktaru nai nje jam; kedogri o, yeguru gato duno nje su Yefun Allah bi sukdu; or o ye gato ben suk gato ben ye yi yeket sato syun semda e ne; or o ye gato ben ye gato i ne ge kadit bi suki ne; or o ye gato ós ye yi mo sukye gato ye ne ku ne; or o ye gato fro nu ari bi suki; or o ye gato ki suk su a yi neya gato an jam nde.

2 Korintus 13:1

Ji do ba ku nin o it yo, wam dogri it anare. Ji ki sukdu nai nin wam dik e, wam we e ne yo tep nde, wo wam gri sa, bere nin jam do, sukdu gato ji ki ne sangge it, tepsu ye krom mo Yefun Allah bi sukdu sare do, ”Yetu ge we yo, ge gri yo, do me suk gato ye yi ben ne su án gro, orete yé bok ne do ma ki sukdu tepsu yu subot suk gato ye ne ben it yo, sukdu ne sangge it anane, suk gato ye ndak ye ne gum mone, ye ki sangge it anane.”

Efesus 4:11

An anato syo suktinggi bok yo nai men yetu mo bur ré subere men nggiwa ós An bi rus-i sato ré: deyo An bes gum yerasul gato ben Yesus Kristus bi suk-i win An mo bur ré; deyo o An bes gum yenabi gato gwat Yefun bi suktaru ma; deyo o An bes wa mu ki sukdu subot Yesus Kristus; deyo o An bes gum yekwesu wa mewa An bi rus-i; deyo o An bes gum yeguru wa duno An bi rus-i.

Wahyu 1:5

Yesus Kristus gato jam Yefun Allah sisu ndo, An ki bi sukdu-i subot Yefun Allah ri-roi petok sor. Yesus Kristus anato ye doketke gato Yefun Allah sun kadit sukkwop. Yesus Kristus anato jowa yeraja mwa ne sino mo bur ré. Yesus Kristus ete mewa nin. Yesus Kristus ete uttok nin petok sor. Yesus Kristus anato bi sukjimnut sye kas subot men ndo nde petok sor. Yesus Kristus anato kwop, An dé sye wa tot men bi suktot mo sukibit gato men ben ne wé.

Wahyu 11:2

Sarewo nan nat nu de nden bi halaman nde, nan misyar, we Ji fro nat ne wa yé gato jam nde Ji ma kem mó. Yé gato jam nde Ji, bere yé ne ben Yerusalem ibit, orete yé ne jom Ji dakai bi kota-i gato ndo ne sor kom mo aina musyu at sop we, gato tepsu kam ribu dik wotin we musyu mat.

Wahyu 11:6

Ye we ku suktinggi wa ye we syogat nogi nde yei sane sor ye we kibot Yefun Allah bi suktaru ne or wé et. Ye we ku suktinggi wa ye we ben syur tepsu yetu dé dom. Sane o, ye we ku suktinggi wa ben sukye ket kwayo-kwayo nai nje mo bur ré ket ye we ne í sor.

Wahyu 12:6

Sane nggon ne titi mu mo pe gato kwe yo kom mo nde. Nggon titi kom mo nat gato Yefun Allah fro wa mom kem mone. Bere yé mewa mom mo nat ne sor kom mo kam ribu dik wotin we musyu mat rek.

Wahyu 13:5

Suge krok ne ku suktinggi wa an ki suk, an bes an nggwa kok su sukdu ne, ete an kabor Yefun Allah gum. Suge krok ne ku suktinggi wa ben suk tepsu yekwesu. Yetu mwa ne jammo an sor kom mo aina musyu at sop we.

Wahyu 19:10

Ji jam sukdu ne sa, ji bare ji nggwa mo malaikat gwem wa ji bes malaikat ne gum kok, sarewo malaikat ki nai ji do, ”Nan bes ji gum kok nde. Ji si nan tepsu yu, men ka we Yefun Allah bi pakwerut sino. Men ka we si nan bi nji mo Yefun bi rus-i, gato jom Yefun Yesus bi sukdu-i ne pe, men sino tepsu Yefun Allah bi pakwerut. Sane nan bes ji gum kok nde, wo nan bes Yefun Allah gum kok sor re.” We sare, ye gato jom Yefun Yesus bi sukdu-i ne bere Yefun syo suktinggi nai ye ne, subere ye ne nggiwa kibot Yefun Allah bi suktaru-i rer nai ye yi jam.

Wahyu 20:4

Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik.