Wahyu 11:18 - Abun Scripture

¹⁸ Ye gato jam nde Nan mo buryo-buryo maskwa ndo nde, we Nan bi sukmaskwa bor it anare. Su kam ré, bi kam-i tepsu Nan ndobot yé mwa ne sino gato kwop mo suk gato án ben ne re. Nan bi pakwerut gato ki Nan bi suktaru ne, yenabi gane, Nan syo sukndo nai án mo suk gato án ben ne it anare. Yé gato onyar kem mo Yefun Yesus gato bes Nan gum kok ne dogato gum wok si dogato gum sye ne sino, Nan syo sukndo nai án it anare. Sarewo yé gato ben yetu mo bur ré ibit, Nan ben ibit it anare.”

Wahyu 11:18 ပူးပေါင်းရင်းမြစ်များ

Matius 5:12

Suga nyim tuya yenabi ku sukye saga nin ku re. Wo nin wi, nin ambre, we Yefun fro suk gato ndo wa nin mo gu nim ne re.”

Lukas 1:50

Yefun Allah dakai jimnotku yé mwa ne sino gato jammo An. Kadit kam nyim tuya mu kom mo kam sari ne ma, Yefun Allah jimnotku ye gato jammo An petok sor.

Ibrani 9:27

Men yetu kwop wam dik sor, sagato Yefun Allah fro ne. Men yetu kwop wam dik or wé, eteyo Yefun ndobot men mo suk gato men ben mo bur ré.

Wahyu 10:7

wo malaikat kedomufit do fuf an bi trompet-i ne ba it yo, suk gato Yefun Allah fro wa ben ete gurik kadit yetu ne, bere bor re. Yefun ben suk ne bor tepsu bi kam gato Yefun Allah frot nai An bi pakwerut gato ye kendo do yenabi ne.”

Wahyu 11:2

Sarewo nan nat nu de nden bi halaman nde, nan misyar, we Ji fro nat ne wa yé gato jam nde Ji ma kem mó. Yé gato jam nde Ji, bere yé ne ben Yerusalem ibit, orete yé ne jom Ji dakai bi kota-i gato ndo ne sor kom mo aina musyu at sop we, gato tepsu kam ribu dik wotin we musyu mat.

Wahyu 13:10

”Yé gato Yefun Allah fro wa ye but yo, bere ye but yé ne re. Yé gato Yefun Allah fro wa ye gu su nyom kwop wé yo, bere ye gu yé ne su nyom kwop wé re. Sane men yé gato onyar kem mo Yefun Yesus mo bur ré, men ku sukye it yo, men misyar Yefun nde, wo men simo An pe sor, men werwa men jom Yefun Allah bi sukdu-i sane sor kom mo pe gato or mó et!”

Wahyu 13:16

Suge kedowe syaugat yetu mwa ne sino, ye gato gum sye e, ye gato gum wok e, yemambot e, yebaut e, pakwerut e, ye gato dakai ti mo an dakai e, yetu mwa ne sino mo bur ré subere ye syat ja mo ye syim rut tak de syim ge, ondeyo mo ye git det.

Wahyu 14:10

bere án ku sukye ndo nde. Bere Yefun Allah maskwa ket án ndo nde, ete syo sukye nai án, tepsu Yefun Allah sye nau gato nggi mo bi mok, ete syo nai án da. Bere án ku sukye ndo nde mo nau ne. Bere bot ru sye basmi kwik su belerang ne kam is án ndo nde, ete án dipa su. Bere án dipa ndo nde mo Yefun Allah dakai bi malaikat si Domba Gan gwem.

Wahyu 15:1

Orete ji sokme suk yo mo gu gato ben ji yeket, ji nutbot ndo nde. Ji sokme malaikat ge mufit gato gwat sukye mufit wa nje ma mo bur ré. Sukye mufit ne anato sukye gato wari, we sukye mufit ne bor yo, Yefun Allah bi sukmaskwa or mone it.

Wahyu 15:7

Orete suge at mone ge dik yo syo mbem mufit ses su Yefun Allah gato gesyos ne bi sukmaskwa nai malaikat ge mufit ne gwat mu.

Wahyu 18:6

Nin ben sukye su nje mo kota ne win sukye gato yé ne ben su nje et. Yé mo kota ne ben sukye nai nje wam dik it yo, nin waii ben sukye wam we satu nai án et, tepsu nin sye nau krat mo án bi mok ses wam we wa án da et, tepsu án fro wa ben sukye nai nin, nin ben sukye nai án wam we sor.

Wahyu 19:15

Nyom gato ot de we syesyar kadit An syokwet. Bere An ben sukye nai nje mo bur ré iwedewe su nyom ne. Bere An ben sukye nai nje su nggarmom muk sane sor yé mwa ne sino jammo An petok sor. An gwat os wa Yefun Allah gato nggi wai ne bi sukmaskwa bor mo bur ré. An ben yetu mwa dé sye, tepsu ye yakos anggur bo, bere i-rom ne syesyar re.

Wahyu 19:18

Nin ma git yekri ku sato ré, nin git yeraja ku e, yesukmise bi padosye ku e, yesukmise ku e, kuda ku e, ye gato it mo kuda ne ku e, yetu mwa ne sino ku e, ye gato gum pakwerut ku e, ye gato dakai ti mo an dakai ku e, ye gato gum sye ku e, ye gato gum wok ku e ne. Nin ma nin git yekri mwa ne sino ku et.”

Wahyu 19:5

Orete yé jam ye yo ki sukdu mo Yefun Allah bi kursi sye ne sare do, ”Men un Yefun Allah et. Men yé gato tepsu An bi pakwerut e, men yé gato gum wok e, gum sye e, yé mwa ne sino gato jammo An ne, men sino un Yefun Allah et.”

Wahyu 20:12

Ji sokme yé mwa ne sino gato kwop sum mo kursi sye ne gwem. Yé gato gum sye e, yé gato gum wok e ne, yé mwa gato kwop ne sino ti mo kursi sye ne gwem. Buku bok yo kak mone. Orete ye nai Buku dik yo o ma, ye kak mone dom. Ye krom yé gato bere kem gesyos ne gum mo Buku ne. Or o Yefun Allah syo sukye nai yetu gato kwop ne tepsu sukdu gato ye krom mo buku bok ne. Yefun Allah syo suk nai yetu mwa ne tepsu suk gato yetu mwa ne ben re.

Wahyu 20:15

Ye to ye yo krom an gum mo Buku Yegesyos nde yo, bere ye am ye ne mu ngga mo bot sye gato tepsu em ete ru ne.

Wahyu 22:12

Yefun Yesus ki do, ”Nin jammo suk gato Ji ki ré et, bergan sor ete Ji ma. Ji gwat suk mwa gato bere Ji syo nai nje tepsu suk gato án ben wa Ji re.