Wahyu 10:11 - Abun Scripture

¹¹ Orete ji jam sukdu do, ”Suk mwa gado to nan me ne, gato Yefun tarubot nan ne, nan mu nan waii kibot subere yé mwa ne sino jam et. Sukdu gato Yefun Allah tarubot nan anato sukdu subot suk gato bere Yefun ben su yetu mo buryo-buryo e, wisyo-wisyo e, ayo-ayo si yepasye deyo-deyo e neya. Nan kibot sukdu ne nai yé mwa ne jam et.”

Wahyu 10:11 ပူးပေါင်းရင်းမြစ်များ

Wahyu 10:10

Sane ji nai buku wokgan gane kadit malaikat syim ete ji git. Ji git buku ne sa, wik tepsu for rom, wo ji git, orete kom mo rut sa, ji jam ji mit ndó su.

Wahyu 11:1

Yetu ge dik yo syo syu gwes dik yo gato ye nat suk su ne ma nai ji. Orete Yefun Allah syogat ji do, ”Nan mu nat Ji bi nu ne et. Nan nat Ji bi meja gato ye grem suk wa ye som Ji su ne et. Nan newa yé gato som Ji mone dom et.

Wahyu 11:9

Ye we mukri kwop mone sor. Yetu bere ma kadit buryo-buryo e, wisyo-wisyo e, yeyo-yeyo e, ayo-ayo e ne sino. Yetu mwa ne bere ma sokbot ye we mukri kom mo kam no gri nap. Yé mwa ne sino bariwa yé bi ye we mukri.

Wahyu 14:6

Orete ji sokme malaikat ge dik yo o ok mo gu nim ne. Malaikat ne gwat suktaru subot os ndo gato Yesus Kristus kak wa men yetu gato kem mo bur ré. Suktaru ne kak os ndo wa men subere men ku os wa men kem ndo to kapyo mato kapyo sor. Malaikat gwat suktaru ne wa an ki nai yetu mwa ne sino, yetu mwa mo buryo-buryo e, wisyo-wisyo e, yeyo-yeyo e, ayo-ayo e ne sino.

Wahyu 17:10

Yeraja ge mumek kwop wé re, ge dik yo jom nje su ré, ge dik yo o yo bor nde tó, wo bere an bor tó. Yeraja dowari ne do bor it yo, bere an jom nje wikgan sor re.

Wahyu 17:12

Suge suti musyu dik ne tepsu yeraja ge musyu dik yo o gato yo jom yetu nde tó, sarewo yeraja ge musyu dik ne bere ku suktinggi wa jom yetu. Yeraja ge musyu dik ne si suge doketke ne sino jom yetu kom mo jam dik sor re.

Wahyu 17:15

Orete malaikat ne ki nai ji o do, ”Syur gato nan me ne, mo nat gato nggon gato ben siri mwa kem mone, wo syur bok ne anato tepsu yetu wisyo-wisyo e, yetu mwa mo buryo-buryo e, ayo-ayo e ne. {Nggon ne tepsu kota sye gato ye nggo mo syur bok ne de.}

Wahyu 5:9

Án sino ba sukbadek be yo sare do, ”Domba ga gum kok ne o, Domba ga sye wai ne o, Nan sa, gum kok tep wa Nan nai buku ne o, tep wa Nan kak lilin gum wé ne o. Nan gum kok a we, Nan gum sye wai a we, Ye gu Nan, Nan dé sye wa yetu ne o, Nan bi nggwa tepsu suktot wa ne o. Nan dé sye wa yetu o, Nan tepsu suktot wa yetu o, Nan dé sye wa yeyo-yeyo gato sok mo Yefun bi rus-i ne o, Yetu mwa ne mo buryo-buryo sino o. Nan dé sye wa yetu o, Nan tepsu suktot wa yetu o, Nan dé sye wa yetu wisyo-wisyo sino ne o, Yetu mwa gato ki ayo-ayo sino o.