Wahyu 1:6 - Abun Scripture

⁶ Yesus Kristus anato bes men tepsu An dakai bi yewis-i dor kadit yewis yi neya. Yesus Kristus anato bes men tepsu yesu gato rer mo Yefun bi suk-i, men ben suk wa An bi Ai, Yefun Allah. Yesus Kristus anato nggiwa jowa suk mwa mo bur ré. An anato gum kok to kapyo mato kapyo sor. Sangge.

Wahyu 1:6 ပူးပေါင်းရင်းမြစ်များ

Matius 6:13

Nan mewa men subere suk yo tik men mit ete ben men ges mo os ibit mone nde, wo Nan kak os wa men subere biris bi yekwesu yo ku os wa gwat men sok mo os ibit mone nde. [Nan sor anato Yekwesu gato nggi wai, Nan sor anato Yekwesu gato gum kok wai to kapyo mato kapyo. Sangge.]’

Yohanes 5:23

Ji bi Ai bes Ji gum wa Ji ndobot yetu subere yé mwa ne sino jammo An bi Gan tepsu yé jammo An. Ye gato yo jammo Ji nde yo, ye ne yo jammo Ji bi Ai gato syogat Ji ma mo bur ré dom nde.

Roma 11:36

Yefun Allah ut suk mwa ne sino. Yefun ut suk mwa ne su An bi suktinggi. Yefun ut suk mwa ne wa An dakai. Sane men bes Yefun Allah gum kok petok sor to kapyo mato kapyo. Sangge.

Roma 15:6

Sane bere nin sino tepsu yedik wa bes men bi Yekwesu Yesus Kristus bi Ai, Yefun Allah ne gum kok sye wai o re.

Filipi 2:11

Sane bere men yetu mwa ne sino ki rer do, sangge, Yesus Kristus anato tepsu men bi Yekwesu gato jom men. Sane bere men bes men bi Ai, Yefun Allah, gum kok mone re.

1 Timotius 6:16

An ka dik sor yo kwop nde, wo An ye gato gesyos. An kem mo pe gato rer teker, men yetu yo ku os wa men karowa An mone nde. Men yetu yo me An su men gro nde, men gro nokwa re. Men yetu bes An gum kok, An nggiwa jowa men su ré to kapyo mato kapyo. Sangge.

Ibrani 13:21

Yefun Allah ós men kem ndo ete fro men su sukndo mwa gato men mitmo ne subere men nggiwa ben suk tepsu An mit. Yesus Kristus kak os wa men it, sane Yefun Allah ete ben suk mo men mit tepsu pe gato An imo ne. Men bes Kristus gum kok sane sor to kapyo mato kapyo. Sangge.

1 Petrus 4:11

Ye gato ku suktinggi wa ki subot Yefun bi suktaru it yo, ye ne nutbot suktaru ne do, suktaru ne ma kadit Yefun Allah dakai, orete án ki suktaru ne sisu suktinggi ne sor. Ye gato ós ye yi yo, án ós ye yi su suktinggi ne et. Nin ben suk sane subere yé bes Yefun Allah gum kok mo suk mwa gato nin ben tepsu Yesus Kristus bi yetuge-i ne. Yefun Allah sa, bi suktinggi nggi wai o re. Yefun anato gum kok wai su ré sor to kapyo mato kapyo. Sangge.

1 Petrus 5:11

Yefun Allah ete nggiwa jowa men to kapyo mato kapyo. Sangge.

2 Petrus 3:18

Men bi Yekwesu Yesus Kristus gato nai men kadit sukye ete jowa men yetu ne, An ben sukndo su men yetu dakai yi. Sane nin dom ben nin bi suk-i ne ndo mwa wai o kadit nyim ne sor. Nin jam Yesus Kristus sisu ndo o et. Men bes An gum kok su ré sor to kapyo mato kapyo. Sangge.

Yudas 1:25

Yefun wadigan anato gum kok sisu sangge sor. An anato fro os ndo wa men subere men kem ndo to kapyo mato kapyo. An syogat men bi Yekwesu Yesus Kristus ma kak os ne subere men si An kem ndo. An anato gum kok wai o re. An anato gum sye wai o re. An sa, bi suktinggi gato sye wai. An sor anato gum kok wai kadit yekwesu mwa ne sino kadit ketke sor, su ré, to kapyo mato kapyo. Sangge.

Wahyu 1:9

Ji, gato gum do Yohanes anato tepsu nin bi nji mo Yefun Allah bi rus-i. Ji simo Yesus Kristus tepsu nin. Men sino bi Yekwesu mo Yesus Kristus. Men sino ku sukye tepsu yu. Kapre men ku sukye o, men yo misyar Yefun nde, men simo An pe sor. Ji ki sukdu subot os ndo gato Yefun Allah fro ne. Ji ki subot suk gato Yesus Kristus ben wa kak os ne, sane anato yé but ji, ete yé gwat ji mu yé grem kem mo ef Patmos.

Wahyu 20:6

Yé gato Yefun Allah sun su wam doketke ne, yé ne sa, mit at wa. Yé bok ne tep wa Yefun Allah nai sok mo Yefun dakai bi rus-i ne. Bere yé bok ne yo kwop wam kedowe o nde, wo án tepsu yegweswai wa yetu si Yefun Allah. Yé bok ne ben suk wa Kristus sor. Bere án si Kristus jom nje ne sor kom mo tahun ribu dik ne re.

Wahyu 4:11

”Men bi Yekwesu ne e, Yefun gato jom men ne e, Nan sa, tep wa men bes Nan gum kok ne o, Men bes Nan gum sye ne o. Men bi Yekwesu ne e, Yefun gato jom men ne e, Nan sa, tep wa men un Nan gum ne o, Nan sa, tep wa ku suktinggi ne o. Men bes Nan gum kok a we, Men un Nan gum a we, Nan ut suk mwa ne sino o, Nan bi mas mo suk mwa ne sino o.”

Wahyu 5:10

Domba ga gum kok ne o, Domba ga sye wai ne o, Nan sa, nai yetu bok ne sok mo Yefun bi rus-i ne o, yé bok ne tepsu yegweswai wa yetu si Yefun Allah ne o. Domba ga gum kok ne o, Domba ga sye wai ne o, Nan sa, bes yetu bok wa ben Yefun bi suk-i ne o, yé bok ne jom suk mwa mo bur ré o.”