Wahyu 1:3 - Abun Scripture

³ Ye gato baca sukdu ré sye wa ye yi jam, ye ne anato mit at wa, we bere Yefun ben sukndo su an re. Ye gato jam ete benbot sukdu ré, ye ne anato mit at wa, we bere Yefun ben sukndo su an re. Ye ne mit at wa, we an jam nyim wé subot suk gato, yo nam nde ge, bere bor re.

Wahyu 1:3 ပူးပေါင်းရင်းမြစ်များ

Matius 24:15

Yefun Yesus ki o do, ”Bere su kam sari ne ma nin me yetu ge dik yo ma mo Yefun Allah bi nu, ete an sok mo Yefun Allah bi gumwak fo mo Yefun bi nu mit. Ye ne, an mise teker, ete an gwat suk yo ma mone gato ben gumwak fo ne ibit, bere Yefun Allah bariwa gumwak ne or re. (Nin yé mwa ne sino gato baca sukdu gare, nin nutbot bi sukjimnut sisu ndo et.) Yenabi Daniel anato krom sukdu subot sukdu ne.

Lukas 11:28

Sarewo Yefun Yesus ki do, ”Sane nde re. Sare, ye gato jam Yefun Allah bi sukdu, ete benbot, bere ye ne mit at wa wai kadit Ji bi im ne o re.”

Roma 13:11

Sane dom, men jam do, su ré bi kam tep wa men sem o nde, wo men sun et, men ben Yefun bi suk-i petok sor, we su ré karowa bi kam gato Yefun Yesus ma kar men mu kem ndo mo An bi nat-i. Su ré, kam gato Yefun satu ma mo bur ré ne karowa wai kadit kam gato men onyar kem mo Yefun Yesus su ketke ne.

Roma 13:12

Noru miten wai it, karowa nombrak it are. Sa ndo sa, ndendu bi suk-i men ben o nde, men misyar sor, ete men nai Yefun Allah bi sukmise gato rer wa men syun ndendu bi suk-i wé kadit men et.

1 Petrus 4:7

Karowa bur ré kru it, sane nin mewa nin nggwa, nin kem su nin fra, subere nin nggiwa nin ki suk su Yefun Allah sisu ndo et.

2 Petrus 3:8

Sarewo ji bi nji ji bi nyanggon, nin napawa sukdu gato ji krom ré et, Yefun Allah bi sukjimnut do, kam dik yo, kam dik ne tepsu tahun ribu dik sor re. Sane dom, Yefun Allah bi sukjimnut do, tahun ribu dik yo, tahun ribu dik ne tepsu kam dik sor re.

Wahyu 22:10

Orete malaikat ne ki nai ji o do, ”Nan gurik sukdu subot suk gato bere bor su kam sari ne ma mo buku ré nde, we yo nam nde ge, suk mwa ré bor re.

Wahyu 22:12

Yefun Yesus ki do, ”Nin jammo suk gato Ji ki ré et, bergan sor ete Ji ma. Ji gwat suk mwa gato bere Ji syo nai nje tepsu suk gato án ben wa Ji re.

Wahyu 22:20

Ye gato kibot sukdu mwa ré nai ji, An ki do, ”Sangge, bergan sor ete Ji ma!” Sangge! Yefun Yesus, men bi Yekwesu, Nan ma et!

Wahyu 3:11

Bergan sor, ete Ji ma re. Nin jom Ji bi sukduno-i ne pe, sane sor Ji satu ma et. Sane bere ye yi yo ku os wa nai sukndo gato bere nin ku ne wé kadit nin nde, bere nin kem ndo mone it.