Wahyu 1:2 - Abun Scripture

² Sane Yohanes waii krombot suk bok ne sino gato an me ne. An krombot sukdu gato Yefun Allah ki ne. An krombot suk bok ne sino gato Yesus Kristus ki rer nai an jam ne.

Wahyu 1:2 ပူးပေါင်းရင်းမြစ်များ

Yohanes 1:32

Yohanes kibot suk gato an me su an gro sare do, ”Ji me Yefun Allah Gen is kadit gu ma bur. Yefun Allah Gen is ma su kaim sato ndabu ete tom mo An.

Yohanes 12:17

Tomgato Yefun Yesus sun Lazarus kadit sukkwop, ete kendo an syesyar kadit jokwak, sugane yé mwa sisu Yefun Yesus mu mone. Yé mwa ki subot suk gato án me ne nai ye yi jam petok sor.

Yohanes 19:35

Suk gato yesukmise ben ne, ye gato dakai me su an gro anato ki rer nai nin jam. An ki an bi sukdu-i ne sangge, subere nin dom nai sukjimnut do, sukdu ne sangge.

Yohanes 21:24

Pakon gato yé nut do bere an yo kwop nde, an anato ki rer subot sukdu mwa ne. An anato krombot sukdu ne dom. Men jam do, sukdu gato an ki ne sangge.

Yohanes 3:11

Suk gato Ji ki ré suksangge anare, men ki subot suk gato men jam, men ki subot suk gato men dakai me su men gro nai nin jam, sarewo nin bariwa nin jammo men bi sukdu-i.

Suk Gato Yerasul Ben Ne 22:15

Bere nan ki sukdu subot Yefun Yesus nai yé mwa ne sino tepsu suk gato nan me su nan gro si suk gato nan jam su nan dabe.

Suk Gato Yerasul Ben Ne 26:16

Ré ne nan sun et. Ji kadum Ji nggwa nai nan wa Ji bes nan tepsu Ji bi pakwerut, Ji bes nan wa nan mu ki sukdu subot Ji nai nje jam. Nan ki sukdu gato nan me su nan gro si suk gato bere Ji kadum nai nan dom.

Suk Gato Yerasul Ben Ne 4:20

Nin dakai nut subot suk gato ndo wa men ben ne, we men ka we nut do, suk gato men ka we me su men gro si suk gato men ka we jam su men dabe, bere men ka we kibot nai ye yi jam gat sor, men ka we yo not nde.”

1 Korintus 1:6

Sukdu gato men ki subot Yesus Kristus ne, nin but kom mo mit anato men me bor mo nin re.

1 Korintus 2:1

Ji bi nji, ji bi nyanggon, tomgato ji ba ku nin mone, ji ki subot os gato Yefun Allah fro wa men yetu ne sa, ji yo nuk ji bi sukdu-i tepsu yetu mo bur ré gato jam suk mwa nuk bi sukdu-i nde, ji yo ki su kwa gato kru dom nde,

1 Yohanes 1:1

Men krom subot Sukdu gato ós men kem ndo to kapyo mato kapyo. Sukdu ne kem kadit ketke ne it. Sukdu ne men jam re. Sukdu ne men me su men gro re, men sokwa pe, men syimtok mó re. Sukdu ne men kibot subere nin jam re.

1 Yohanes 4:14

Men dakai me Yefun Allah bi Gan su men gro re, ete men ki sukdu subot An frekbot nje subere ye jam do, Yefun Allah syogat An bi Gan ma mo bur ré wa An nai men kadit sukye, ete kak os ndo wa men kem ndo to kapyo mato kapyo.

3 Yohanes 1:12

Yé mwa un Demetrius gum. Sane dom Yefun Allah un an gum dom, we an benbot Yefun Allah bi sukduno. Men dom un an gum. Nan jam do, suk gato men ki ne sangge.

Wahyu 1:11

Ji jam ye ne ki sukdu sare do, ”Suk gato bere nan sokme ne yo, nan krombot mo buku. Orete nan syo buku ne nai yé gato onyar kem mo Yefun Yesus mo nu ari mo kota Efesus e, Smirna e, Pergamus e, Tiatira e, Sardis e, Filadelfia si Laodikia ne et.”

Wahyu 1:19

Sane suk mwa ne sino gato nan sokme ne yo, nan krombot mo buku et. Nan krombot suk mwa gato nan sokme su ré sisu suk mwa gato bere bor mone tó.

Wahyu 1:9

Ji, gato gum do Yohanes anato tepsu nin bi nji mo Yefun Allah bi rus-i. Ji simo Yesus Kristus tepsu nin. Men sino bi Yekwesu mo Yesus Kristus. Men sino ku sukye tepsu yu. Kapre men ku sukye o, men yo misyar Yefun nde, men simo An pe sor. Ji ki sukdu subot os ndo gato Yefun Allah fro ne. Ji ki subot suk gato Yesus Kristus ben wa kak os ne, sane anato yé but ji, ete yé gwat ji mu yé grem kem mo ef Patmos.

Wahyu 12:11

Domba Gan dé sye wa men yetu anato men bi nji mo Yefun bi rus-i ne nggi wai kadit biris bi yekwesu o re. Án ki subot Yefun Allah bi sukdu-i anato án nggi wai kadit biris bi yekwesu o re. Án yo nutbot án dakai nde, án bi án nggwa mo Yefun wa ben Yefun bi suk-i. Kapre án kwop o, án mbau o, án kibot suk gato Yefun ben ne sor.

Wahyu 12:17

Sane naga maskwa ket nggon ne ndo nde. Sane naga mu me nggon bi pa yi neya wa ben sukndi su. Nggon bi pá-i anato ye gato jammo Yefun Allah bi sukdu-i, ete jom Yefun Yesus bi sukdu-i ne pe.

Wahyu 20:4

Orete ji sokme yekwesu bi kursi bok yo. Yé gato kem mone anato yé gato ku suktinggi wa jom ete ndobot yetu. Sane dom ji sokme yetu ge bok yo gato ye gu kwop. Ye tot yé bok ne su toko wé su mbam, we yé bok ne ki subot suk gato Yefun Yesus ben ne, án ki subot Yefun Allah bi sukdu-i. Yé bok ne yo som suge doketke si suk gato ye ut ka sa suge ne nde. Ye yo syat suge doketke bi ja mo yé bok ne git det nde. Ye yo syat ja mo yé bok ne syim rut ne dom nde. Yé bok ne Yefun sun kadit sukkwop o re, án si Kristus jom nje tepsu yekwesu sane sor kom mo tahun ribu dik.

Wahyu 22:21

Men bi Yekwesu Yefun Yesus ete mewa Yefun Allah bi rus-i ne sino sor. Sangge.

Wahyu 6:9

Domba Gan kak lilin gum domek ne wé sa, ji sokme yetu da gesyos ge bok yo mo meja gato ye gre suge wa som Yefun Allah su mone. Yé bok ne kem mo meja desnak mo bur. Suga nyim yé bok ne mbau mo bur ré tó, án kibot Yefun Allah bi sukdu. Án kibot sukndo gato Yefun ben su án nai ye yi jam gat pe sor anato yé gu án kwop wé mone.