Wahyu 1:16 - Abun Scripture

¹⁶ An jom bí ge mufit mo An syim ge. Nyom gato ot de we syesyar kadit An syokwet. An gro ru nggi tepsu kam yor sugato kam ti ri.

Wahyu 1:16 ပူးပေါင်းရင်းမြစ်များ

Matius 17:2

An ka gri ne sokme sa, Yefun Yesus kaim tara o re. An gwem ru tepsu kam su, An bi san kwo rer-rik.

Suk Gato Yerasul Ben Ne 26:13

Kam yo mit, ji mubot os saresa, ji me sukru sye gato rer-rik kadit gu, sukru ne rer-rik ne rek nggi wai kadit kam. Sukru rer-rik ne rek wairi wa ji si yé gato si ji mubot os ne.

Efesus 6:17

Sane o, men jom sukdu subot os ndo gato Yefun Yesus kak wa men kem gesyos ne krat sor, tepsu men bom topi krat gato kewa men su anane. Men jom Yefun Allah bi sukdu-i, tepsu men jom nyom ot de we anane.

Ibrani 4:12

Men jammo Yefun Allah bi sukdu sor, we sukdu gato Yefun ki ne bere ós men kem ndo. An bi sukdu-i ne pet mo men mit. An bi sukdu-i ne pet mo men mit kru wai kadit nyom gato ot de we gato ye syer men su ne. Ye syer men su nyom ot de we it yo, nyom ne bere kom mo de nden sor nde, wo kom mo men de mit kai. Sane dom Yefun Allah bi sukdu-i pet mo men de nden sor nde, wo pet mo men de mit kai, bere kru wai kadit nyom ne o re. An bi sukdu-i pet kom mo men mit kai, mo pe gato men da kridek si men da gesyos miten. An bi sukdu-i pet kom mo mit kai, kom mo pe gato men yetu dini rit si men gus mo men dini ne miten. An bi sukdu-i kak men bi sukjimnut subot suk gato men nutbot si suk gato men iwa men ben ne. Sane Yefun bi sukdu-i pet kom men mit sane sor men jam suk gato ndo kadit suk gato ibit mone.

Wahyu 1:20

Ji ki rer subot bí mufit gato nan me mo Ji syim ge ne si suk gato ka sa dem sor gato ye ben kadit emas wa ye dum sukru bo mufit ne. Suk we ne bi sukjimnut ne Yefun gurik kadit yetu, wo su ré Ji ki bi sukjimnut ne rer wa nan jam. Bí mufit bi sukjimnut do, malaikat ge mufit gato mewa yé gato onyar kem mo Yefun Yesus mo nu ari mo kota mufit ne {Efesus e, Smirna e, Pergamus e, Tiatira e, Sardis e, Filadelfia si Laodikia ne}. Or o, suk gato ka sa dem sor wa ye dum sukru mufit mone bi sukjimnut do, yé gato onyar kem mo Yefun Yesus mo nu ari mo kota mufit ne.”

Wahyu 10:1

Orete ji sokme malaikat ge dik yo o gato nggi is ma kadit gu. Ben sato malaikat ne pis nyotem sato yetu pis san pis ne. Bres dik yo kem wairi wa an su. An gro ru nggi tepsu kam su. An gwes tepsu kwedi gato bot ru mó.

Wahyu 12:1

Orete suk yo gato ben yé yeket ndo nde bor mo gu. Suk ne ben sato tepsu sukamno. Nggon ge dik yo pis kam su tepsu nggon pis san pis. Nggon ne ak gwes tak we mo aina. Nggon ne bom yekwesu bi topi mo mom su. Topi ne bi bí musyu dik sop we mone.

Wahyu 19:15

Nyom gato ot de we syesyar kadit An syokwet. Bere An ben sukye nai nje mo bur ré iwedewe su nyom ne. Bere An ben sukye nai nje su nggarmom muk sane sor yé mwa ne sino jammo An petok sor. An gwat os wa Yefun Allah gato nggi wai ne bi sukmaskwa bor mo bur ré. An ben yetu mwa dé sye, tepsu ye yakos anggur bo, bere i-rom ne syesyar re.

Wahyu 19:21

An we bi yeko ne yé gu yé mwa ne kwop su nyom gato syesyar kadit Ye gato it mo kuda kwo ne syokwet. Orete ndam mwa ne sino ma git yekri ne ku sor, ndam git gat sane sor, ndam on don su yekri ku ne.

Wahyu 2:1

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Efesus sare do: Ji gato jom bí mufit mo Ji syim ge, ete mubot suk gato ka sa dem sor gato ye dum sukru bo mufit mone, Ji bi sukdu-i sare do:

Wahyu 2:12

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Pergamus sare do: Ji gato bi nyom gato ot de we ne bi sukdu-i anare:

Wahyu 2:16

Sane nin brek kadit sukdu gato ibit ne se! Nin yo brek kadit sukdu gato ibit ne nde yo, bergan sor ete Ji futma gu nin yé gato jom sukdu ne su nyom gato ot de we gato syesyar kadit Ji syokwet.

Wahyu 3:1

Yefun Allah bi Gan ki nai ji do, ”Nan krom sukdu wa malaikat gato mewa yé gato onyar kem mo Yefun Yesus mo nu ari mo kota Sardis sare do: Ji gato jom Yefun Allah Gen ge mufit gato mu ben Yefun Allah bi suk-i, Ji gato jom bí ge mufit ne bi sukdu-i sare: Ji jam subot suk mwa gato nin ben mone o re. Yé mwa ne nut do, nin sa, mbau, nin onyar kem mo Ji, sarewo Ji jam do, nin misyar Ji anato nin tepsu yé gato kwop re.