Wahyu 1:10 - Abun Scripture

¹⁰ Kam ari dik yo, ete Yefun Allah Gen pet mo ji. Orete ji jam ye yo saiye nggi mo ji dari, an ba sye tepsu ye fuf dut.

Wahyu 1:10 ပူးပေါင်းရင်းမြစ်များ

Matius 22:43

Yefun Yesus ki nai án do, ”Sane, suma ben anato Yefun Allah Gen pet mo Daud, ete Daud kendo An do, ’Ji bi Yekwesu’ ne? We sare, Daud krom do,

Yohanes 20:19

Su kam Ari gane bi noru, Yefun Yesus bi pakon sum sino mo nu dik. Mo nu mit ne án gwot nusyo bok ne krat, án kunci krat, we án nyuwa ye Yahudi bi yepasye. Án gensu Yefun Yesus ma si án ti mone sino, ete Yefun Yesus ki do, ”Yefun Allah ete uttok nin. Nin nyu nde.”

Yohanes 20:26

Ari ga tak, Yefun Yesus bi pakon ne sum satu mo nu ne o. Tomas sisu án mone dom. Pakon ne da gwot nusyo sino krat, sarewo Yefun Yesus ma si án ti mone sino. Yefun Yesus ki nai án do, ”Yefun Allah ete uttok nin. Nin nyu nde.”

Suk Gato Yerasul Ben Ne 20:7

Kam Saptu bi noru, men si ye gato onyar kem mo Yefun Yesus mone sum sino. Men git sugit sino, men git roti wa men napawa Yefun Yesus. Bi ik, ete Paulus mu kadit kota Troas ne, sane Paulus nuk sukdu sor kom mo noru miten.

1 Korintus 12:3

Sane ji iwa nin jam do, Yefun Allah Gen yo ben men dufo mo Yefun Yesus nde, wo Yefun Allah Gen ne sor anato ben men ki do, ”Yefun Yesus anato men bi Yekwesu gato men jammo.”

1 Korintus 16:2

Aridik-aridik bi kam futmo, nin kadik-kadik wat sugum wa nin ós ye Kristen yi su ne. Ye gato ku sugum mwa, wat mwa, wo ye gato ku sugum wokgan, wat wokgan, nin grem mo pe gato dor. Nin grem sugum mone ndek sor ji ba ku nin mone et, subere ji kom mone yo, men yo werwa sum sugum o nde.

Wahyu 17:3

Orete Yefun Allah Gen pet mo ji, ete malaikat ne gwat ji mu mo nat gato kwe yo kom mo nde. Mone ji sokme nggon ge dik yo kem mo suge doketke gato kaim er te ne yu. Suge ne su mufit, suti musyu dik mó. Mo suge ne kaim ye krom gum bok yo mó. Sukdu gato ye krom mo suge kaim ne sino bi sukjimnut wa kabor Yefun Allah.

Wahyu 21:10

Yefun Allah Gen pet mo ji, ete malaikat ne gwat ji mu kom mo banbo sye dik yo yu. Mone malaikat kadum Yefun Allah dakai bi kota Yerusalem gato is kadit Yefun Allah mo gu ma bur ne nai ji me.