Roma 4:3 - Abun Scripture

³ Tepsu ye krom mo Yefun Allah bi sukdu do, ”Abraham onyar kem mo sukdu gato Yefun Allah ki nai an, sane anato Yefun Allah nut mo Abraham do, an sa, tep wa sok mo Yefun Allah bi rus-i it.”

Roma 4:3 ပူးပေါင်းရင်းမြစ်များ

Matius 20:9

An syo sugum perak det dik nai yetu gedik-gedik gato ben suk kadit kre ne.

Markus 12:10

Nin baca sukdu kwa ré mo Yefun Allah bi sukdu mó bado, nde tó e? Sukdu ré ki do, ’Jok gato yé nggo nu su ne, su ketke yé bariwa, án nut do ibit re, ri ma sa yé nai jok ne tepsu jok gato ndo wai wa yé nggo nu ne su o re.

Roma 10:11

Tepsu ye krom mo Yefun Allah bi sukdu do, ”Ye gato kwabom kam mo Yefun, bere ye ne damen nde, wo bere an ku suk gato Yefun fro ne re.”

Roma 11:2

Yefun Allah yo misyar An bi yetuge-i gato An fro su ketke ne nde. Nin jam suk gato ye krom mo Yefun Allah bi sukdu subot Elia bado? Tomgato Elia ki subot sukibit gato ye Israel ben ne, Elia ki nai Yefun Allah sare do,

Roma 4:11

Orete Yefun Allah syogat Abraham subere an simo sunat. An simo sunat tepsu sukkran subere yé mwa jam do, Yefun Allah nut mo an do, an sa, tep wa sok mo Yefun Allah bi rus-i it. Sane Abraham onyar kem mo suk gato Yefun Allah ki ne nyim wé anato Yefun iwa nai an gum sok mo bi rus-i, wo Abraham simo sunat wari. Sane Abraham anato tepsu ye gato kadum os wa yé mwa gato onyar kem mo Yefun Allah, gato yo simo sunat nde. Kapre án yé mwa ne yo simo sunat nde, Yefun Allah ki mo án do, án sa, tep wa sok mo Yefun Allah bi rus-i it.

Roma 4:5

Sarewo ye gato nut do, an kamba wa benbot ye Yahudi bi sukduno-i subere Yefun Allah nut mo an do, an tep wa sok mo Yefun Allah bi rus-i ne yo, bere siri re, Yefun Allah yo nai ye ne sok mo bi rus-i nde. Sarewo ye gato yo nutbot an bi kamba nde, wo an kwabom kam mo Yefun Allah do, bere Yefun nai an wé kadit sukye gato an ku mo os ibit, sane bere Yefun Allah nut mo ye ne do, ”Ye ré sa, onyar kem mo Ji it, sane Ji nai an gum sok mo Ji bi rus-i sor.” Yefun nai an sok mo Yefun bi rus-i mo an bi kamba nde, wo Yefun nai an sok mo Yefun bi rus-i mo gato an onyar kem mo suk gato Yefun ki ne sor.

Roma 4:9

Mo Daud bi sukdu ne, ye gato mit at wa ne te, ye gato simo sunat sor re, bado, ye gato yo simo sunat nde dom e? Sunat mo yo, sunat mo nde yo, suk yo nde, wo men ki mó re, sare do, Abraham onyar kem mo suk gato Yefun Allah ki ne anato Yefun Allah nut mo an do, ”Abraham ré sa, tep wa sok mo Ji bi rus-i it.”

Roma 9:17

we ye krom mo Yefun Allah bi sukdu do, ”Yefun Allah ki nai yeraja mo bur Mesir gato Yefun ben sukye bok yo nai ne do, ’Ji bes nan tepsu yeraja subere Ji kadum Ji bi suktinggi bor mone, subere ye ki sukdu subot Ji gum frekbot nje sane sor yé mwa mo bur ré iwedewe sino jam Ji gum re.’ ”

Yakobus 2:23

Suk gato Abraham ben ne, an ben tepsu Yefun Allah bi sukdu kwa dik yo gato duwe do, ”Abraham onyar kem mo sukdu gato Yefun Allah ki nai an, sane anato Yefun Allah nut mo Abraham do, an sa, tep wa sok mo Yefun Allah bi rus-i it.” Sane Yefun Allah ki do, An bi yesyim mo Abraham.

Yakobus 4:5

Nin nut do ye krom Yefun bi sukdu daret bado? Sane nde, Yefun Allah bi sukjimnut mó anato ye krom mo Yefun bi sukdu kwa yo sare do, ”Men gen gato Yefun Allah bi nai men ne iwa ben suk mwa sisu nggi wai o re.”