Matius 9:8 - Abun Scripture

⁸ Yé mwa mone me suk gato Yefun Yesus ben ne sa, án sino yeket, ete án un Yefun Allah, we Yefun Allah syo suktinggi nai yetu wa ben suk sane.

Matius 9:8 ပူးပေါင်းရင်းမြစ်များ

Matius 12:23

Yé mwa mone yeket suk gato Yefun Yesus ben ne. Yé mwa ne ndo mo yu do, ”Ye gato bi amui mo yeraja Daud, gato Yefun tom do, An syogat ma wa ós men ne te, anato ma it ré, bado?”

Matius 15:31

Yé me ye gato syokwet mbut, du sisu ndo satu e; ye gato syim út, syim ndo satu e; ye gato gwes út, mu ndo satu e; ye gato gro ndu, gro ndo satu o. Sane yo, yé mwa mone yeket ete un Yefun Allah, Yefun gato jom ye Israel ne.

Matius 28:18

Orete Yefun Yesus ma karowa pakon ne, ete An ki do, ”Yefun Allah bes ji gum tepsu Yekwesu mo gu nim si bur ré sino.

Matius 5:16

Sane dom, nin tepsu sukru gato rer ku nje et, subere yé me sukndo gato nin ben ne, ete yé un men bi Ai mo gu o re.”

Matius 9:7

Orete ye ne sun ete satu mu mo bi nu.

Markus 2:12

Ye gato út ne ge, orete an sun, an pam an bi sun, ete an syesyar bot yé mwa ne gwem. Sane yé mwa ne sino yeket ndo nde, ete án un Yefun Allah. Án ki do, ”Suk ga sare men yo me su men gro mo nde.”

Markus 7:37

Yé mwa gato jam sukdu ne án yeket ndo nde. Yé ne ki do, ”Suk mwa gato An ben ne, An ben sisu ndo sino fe! An ben ye gato dabe mbut, dabe ndo satu. Ye gato syokwet mbut, An ben ye ne wa ki suk sisu ndo. Mban! Ye ré sa, ben bi suk-i ndo wai o re.”

Lukas 13:13

Orete Yefun Yesus ak An syim mo nggon ne. Yefun Yesus do ak An syim mo nggon ne sa, nggon ne nyoran ri satu it anane, orete mom un Yefun Allah.

Lukas 17:15

Yetu ge dik yo mone, an jam nggwa do, suki ré or kadit an it anane, sane an brek satu ma mo Yefun Yesus. Ye ne satu ma saresa, an un Yefun Allah, an wi an ambre.

Lukas 17:18

Ye ré yo sok mo ye Yahudi bi wis-i nde, an yewis yi, sane ben sa u anato ye gare sor, ete satu ma un Yefun Allah ne?”

Lukas 18:43

Yefun Yesus do ki An bi sukdu or sa, ye ne gro ndo satu it anane. Orge an si Yefun Yesus mubot os ne, ete an un Yefun Allah mone. Yé mwa mone me suk gato Yefun Yesus ben ne sa, yé mwa ne un Yefun Allah dom.

Lukas 2:20

Yé gato mewa domba ne, án mu satu mo án bi nat-i mo Betlehem de nden. Án do mu sa, án un Yefun Allah, án bes Yefun gum kok sye mo suk mwa gato malaikat ki nai án si suk mwa gato án me su án gro dom. Suk mwa ne bor tepsu sukdu gato malaikat ki nai án re.

Lukas 23:47

Ye Roma bi yesukmise bi yesu dik yo me suk mwa gato bor mone sa, an un Yefun Allah, an ki do, ”Sangge, Ye ré ben suk gato ibit yo mo nde, An ye gato ben suk tepsu Yefun Allah mit sor.”

Lukas 7:16

Yé mwa me suk gato Yefun Yesus ben ne, án sino yeket, án nyuwa, ete án un Yefun Allah. Yé mwa ne ki do, ”Yenabi gato gum kok sye dik yo anato ma kem su men it anare. Yefun Allah syogat yenabi dik yo ma wa ós An bi rus it anare.”

Yohanes 15:8

Nin do ben suk mwa gato ndo, tepsu bo mwa gato kom yo, nin tepsu Ji bi pakon gato sangge, ete bere yé bes Ji bi Ai gum kok sye wai o mone re.

Suk Gato Yerasul Ben Ne 11:18

Petrus nuk subot sukdu ne, yé mwa mone jam or sa, yé duwer Petrus mone o nde. Yé un Yefun Allah, yé ki do, ”Ré yo, Yefun Allah kak os wa men ye Yahudi sok mo An bi rus-i sor nde, wo An kak os wa yewis yi sok mo An bi rus-i ne dom. Yefun Allah kak os wa yewis yi ne kwet kadit os ibit, ete kem ndo to kapyo mato kapyo.”

Suk Gato Yerasul Ben Ne 21:20

Yakobus si yekwesu mwa ne jam sukdu ne sa, án un Yefun Allah. Orge án ki nai Paulus do, ”Men bi nji, nan jam do ye Yahudi ribu bok yo onyar kem mo Yefun Yesus it. Án sino werwa benbot Musa bi sukduno ne petok sor.

Suk Gato Yerasul Ben Ne 4:21

Yepasye ne yo ku os nde, sane án syaugat ye we ne ki subot sukdu ne o nde ware, án sombok Petrus si Yohanes wé, we án jam do yé mwa un Yefun Allah mo suk gato Petrus si Yohanes ben su ye gato út ne.

2 Korintus 9:13

Nin do syo sugum ne mu kom motu it yo, bere Yefun Allah bi rus-i mwa mo bur Yudea bes Yefun Allah gum kok o re, we án me do, nin sa, nin sibot os ndo gato Yesus Kristus kak ne sisu ri-roi. Sane dom, bere án bes Yefun Allah gum kok, we nin syo suk mwa kadit suk gato nin ku ne dakai yi nai án si ye yi neya.

Galatia 1:24

Yé mo bur Yudea ne jam sukdu gato ye ki subot ji sa, yé bes Yefun Allah gum kok mone re.

1 Petrus 2:12

Nin si yé gato jam nde Yefun Allah kem mo bur ré yo, nin werwa nin ben nin bi suk-i ne ndo wai, subere kapre án iwa ki nin gum ibit yo, án yo ku os wa án ki nin gum ibit mó nde, wo án me do, nin sa, ben sukndo. Sane bere su kam gato Yefun ma wa ndobot men yetu mo bur ré, bere án bes Yefun Allah gum kok sye wai mo sukndo gato nin ben ne.