Matius 9:6 - Abun Scripture

⁶ Sangge, bere Ji ben ye ré ge. Ji ben ye ré ge subere nin jam do, Ji anato nggiwa Ji ki do, sukibit gato yé mwa ne ben or kadit yé mwa ne dom. Ji ben ye ré ge anato nin jam do, Yefun Allah anato bes Yetu bi Pa to Ji ré.” Sane Yefun Yesus ki nai ye gato út ne do, ”Nan sun, nan pam nan bi sun. Nan satu mu mo nan bi nu sor.”

Matius 9:6 ပူးပေါင်းရင်းမြစ်များ

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Matius 8:20

Yefun Yesus ki do, ”Ndar krok sa, bi jokwak wa kem mó, ndam sa, bi bat wa kem mó, wo Yetu bi Pa to Ji ré yo ku nat wa Ji kem not yo mo nde.”

Matius 9:2

Mone yé bok yo gwat yetu ge dik yo gato gwes út ne ma. Ye ne sem mo bi kwat. Yefun Yesus me suk gato yé bok ne ben anato An jam do, yé bok ne onyar kem mo An. Sane Yefun Yesus ki nai ye gato gwes út ne do, ”Pa nji, nan nyu nde. Sukibit mwa gato nan ben ne or kadit nan it anare. Ji yo nutbot sukibit mwa gato nan ben ne o nde.”

Matius 9:5

Sato Ji ki nai yebris ré do, ’Sukibit mwa gato nan ben ne, or kadit nan it anare.’ Nin nut do Ji yo nggiwa Ji ki sukdu sane nde bado? Sato Ji ki do, ’Nan sun, nan mu se!’ Te nin nut do, Ji yo nggiwa ben suk ne dom nde e? Sane nde, bere nin jam do, Ji nggiwa benbot sukdu kwa we ne sino.

Matius 9:7

Orete ye ne sun ete satu mu mo bi nu.

Markus 2:10

Sangge, bere Ji ben ye ré ge. Ji ben ye ré ge subere nin jam do, Ji anato nggiwa Ji ki do, sukibit gato yé mwa ne ben or kadit yé mwa ne dom. Ji ben ye ré ge anato nin jam do, Yefun Allah anato bes Yetu bi Pa to Ji ré.” Sane Yefun Yesus ki nai ye gato út ne do,

Markus 2:7

”Ye ré ki sane wa suma ne? Ye gare dakai bes An nggwa kok, ete An ki suk tepsu Yefun Allah ko ré go! Je u anato nggiwa an ki do, sukibit gato men yetu ben ne or kadit men ne? Yefun Allah ka dik sor, wo Ye ré bes An nggwa kok tepsu Yefun Allah!”

Lukas 5:21

Ye Farisi si ye Yahudi bi yeguru agama gato kem mone, án jam Yefun Yesus bi sukdu, ete án sino nut mo án mit do, ”Ye gare dakai bes An nggwa kok, ete An ki suk tepsu Yefun Allah ko re go! Je u anare ne? Je u anato nggiwa an ki do, sukibit gato men yetu ben ne, or wé kadit men ne? Yefun Allah ka dik sor, wo Ye ré bes An nggwa kok tepsu Yefun Allah!”

Yohanes 10:28

Ji mewa domba ne subere domba mbau to kapyo mato kapyo, domba ne yo ges mo bot gesyos nde. Ye yi yo nggiwa nai Ji bi domba wé kadit Ji nde.

Yohanes 17:2

Nan bes Ji gum Yekwesu wa Ji jom yetu mwa ne sino mo bur ré re, subere yé mwa ne sino gato Nan syo nai Ji ne, Ji ós án kem gesyos.

Yohanes 5:27

Yefun Allah bes Ji gum kok wa Ji ndobot yetu, we Ji anato gum do Yetu bi Pa.

Yohanes 5:8

Sane Yefun Yesus ki nai an do, ”Nan sun, nan pam nan bi sun, nan mu se!”

Suk Gato Yerasul Ben Ne 5:31

Yefun Allah bes Yefun Yesus gum Yekwesu gato nggiwa jowa men yetu. Yefun Allah bes Yefun Yesus gum Yekwesu gato An syogat ma kak os ndo wa men yetu subere men ku os wa men kem ndo to kapyo mato kapyo. Yefun Allah bes Yefun Yesus gum Yekwesu subere men ye Israel ku os wa men kwet kadit sukibit gato men ben ne, ete men jammo Yefun, subere Yefun Allah yo maskwa men mo sukibit gato men ben ne o nde, tepsu An tot sukibit ne wé kadit men re.

Suk Gato Yerasul Ben Ne 9:34

Petrus ki nai Eneas do, ”Eneas, Yesus Kristus ben nan ge it. Nan sun, nan pam nan bi sun et.” Sugane it, Eneas sun re.

2 Korintus 2:10

Nin maskwa nje mo sukibit gato ye ne ben ne o nde, nin nutbot sukibit ne o nde yo, sane bere ji dom yo nutbot sukibit ne o nde. Sane ji ki do, ji yo nutbot sukibit gato ye ne ben ne o nde yo, ji tom mo Kristus gwem do, ji dom yo nutbot sukibit ne o nde it, subere ji ós nin mone.

2 Korintus 5:20

Sane Yefun Allah bi suktaru subot os be gato Kristus kak ne, men anato mu ki napyo nai nje jam. Yefun anato kendo yetu mwa ne ma wa si An kem ndo mo sukdu gato men ki ne. Sane nin jammo sukdu subot Kristus gato men ki ré et: Nin bariwa nde, wo nin sibot os be subere nin si Yefun Allah kem ndo su yu se!

Efesus 4:32

Nin ben suk sane nde, wo nin ben sukndo su yu, nin dakai jimnotku yu, nin maskwa mo sukibit gato ye yi ben ma nai nin o nde, nin nutbot o nde, tepsu Yefun Allah yo maskwa nin mo sukibit gato nin ben ma nai An nde, An yo nutbot o nde. An syo Kristus ma tepsu suktot subere nin bi sukibit ne or wé kadit nin it.

Kolose 3:13

Ye yi ben sukye nai nin yo, nin misyar sor. Ye yi ben sukibit ma nai nin yo, nin maskwa an mo sukibit ne nde, nin nutbot o nde. Kristus yo maskwa nin mo sukibit gato nin ben ne nde, An yo nutbot o nde, sane nin waii nutbot sukibit gato ye yi ben ma nai nin o nde, tepsu men bi Yekwesu Kristus ben An bi suk-i ne.