Matius 9:4 - Abun Scripture

⁴ Yefun Yesus jam yeguru bi sukjimnut ne, sane An ki do, ”Suma ben anato nin bi sukjimnut ibit sare ne?

Matius 9:4 ပူးပေါင်းရင်းမြစ်များ

Matius 12:25

Yefun Yesus jam ye Farisi bi sukjimnut ne sa, An ki nai ye Farisi ne do, ”Yé gato kem mo bur dik yo, maskwa ket yu, ete gu yu yo, bere án yo kem ndo su yu o nde, bere án ibit or re. Sane dom, yetu mo kota dik yo si yé mo rus dik yo do maskwa ket yu, ete duwer yu yo, bere yé mo kota si rus ne yo kem ndo su yu o nde, bere án ibit or re.

Markus 12:15

Sarewo Yefun Yesus jam yé bok ne meret os wa An, subere ye maskwa An mo sukdu gato An ki satu ne. {Sato Yefun Yesus ki do, men bi pajak nde, bere Kaisar maskwa An, wo An ki do, men bi pajak yo, bere ye Yahudi mwa ne maskwa An.} Yefun Yesus jam do, yé ne da ben nggwa tepsu ye gato onyar kem mo Yefun Allah, sarewo án mit tara re. Sane An ki do, ”Suma ben anato nin meret os wa Ji ne? Nin gwat ye Roma bi sugum det dik yo ma wa Ji me et.”

Markus 2:8

Yeguru agama bok ne do nutbot suk sane mo án mit saresa, Yefun Yesus jam yeguru bi sukjimnut subot An re. Sane Yefun Yesus ki nai án do, ”Suma ben anato nin bi sukjimnut waiyu mo nin mit subot suk gato Ji ki ré ne?

Lukas 11:17

Yefun Yesus jam yé ne bi sukjimnut re, sane Yefun Yesus ki nai án do, ”Sato, yé gato kem mo bur dik yo, maskwa ket yu ete gu yu yo, bere án yo kem ndo su yu o nde, bere yé ne ibit or re. Sane dom, yé mo rus dik yo e ne maskwa ket yu, ete duwer yu yo, bere án yo kem ndo su yu o nde.

Lukas 5:22

Yefun Yesus jam án bi sukjimnut ne, sane Yefun Yesus ki do, ”Suma ben anato nin bi sukjimnut waiyu mo nin mit subot suk gato Ji ki ré ne?

Lukas 6:8

Sarewo Yefun Yesus jam yé ne bi sukjimnut, sane An ki nai ye gato syim út ne do, ”Nan ma ti more, mo yé mwa gwem ré et.” Sane ye gato syim út ne ti, ete an ma ti mo yé mwa gwem.

Lukas 7:40

Orete Yefun Yesus ki nai ye Farisi ne do, ”Simon, Ji iwa Ji ki sukdu yo nai nan et.” Simon ki do, ”Sane, yeguru, Nan ki sor.”

Yohanes 16:19

Yefun Yesus jam bi pakon mitwa pakon ndo mo Yefun Yesus subot An bi sukjimnut. Sane Yefun Yesus ki nai An bi pakon do, ”Gado nin ndo mo yu subot suk gato Ji ki do, ’Yo nam nde ge, nin yo me Ji o nde. Or o nam gan yo o, nin me Ji o re.’ Te, nin ndo mo yu subot sukdu ne bado?

Yohanes 16:30

Men jam do, Nan anato jam suk mwa ne sino. Nan anato jam suk mwa ne rer wai kadit ye yi ne ya. Men yo mitwa men ndo mo Nan subot suk yo o nde. Sane anato men jam do, sangge, Nan anato ma kadit Yefun Allah.”

Yohanes 21:17

Yefun Yesus ndo mo Petrus wam do gri o do, ”Simon, gato Yohanes bi pa, nan jimnotku Ji bado?” Petrus kwabom dek, we Yefun Yesus ndo mo an ne sor kom mo wam gri it. Sane Petrus ki nai Yefun Yesus do, ”Yenggras, men bi Yekwesu, Nan sa jam suk mwa ne sino kom mo mit, Nan rer mo Nan dakai. Nan jam do, ji jimnotku Nan re.” Orete Yefun Yesus ki nai an do, ”Sane yo, nan mewa Ji bi pakon ne tepsu ye mewa suksi sato domba gan sisu ndo et.

Yohanes 6:61

Yefun Yesus dakai jam do, An bi pakon duwer yu mo sukdu gato An ki ne. Sane Yefun Yesus ki nai án do, ”Te, nin maskwa Ji mo sukdu gato Ji ki ne bado?

Yohanes 6:64

Sarewo nin deyo bariwa jammo sukdu ne.” (Kadit ketke ne it, Yefun Yesus jam ye gato bere bariwa jammo An bi sukdu-i si ye gato bere tepsu yeketut gato meret os wa gwat yeko ma wa but An.)

Suk Gato Yerasul Ben Ne 5:9

Petrus ki nai mom do, ”Ben sa u anato nin ka we tom yu wa kidar Yefun Allah Gen ne? Nin ka we nut do, bere nin ka we yo ku sukye nde, bado? Nan jam yemsok ga ma ré. Yemsok ne sam nan bi ya mukri mu bi mo makwe re. Yemsok ne ma wa sam nan mukri-i mu bi mo makwe ne dom.”

Wahyu 2:23

Yé bok ne sino gato simo nggon ne, bere Ji gu kwop wé. Ji gu yé bok ne kwop wé, subere yé gato onyar kem mo Yefun Yesus mo nu ari mwa ne sino jam do, Ji anato jam kadik-kadik bi sukjimnut-i kom mo mit re. Yé bok ne yo ku os wa gurik sukibit gato án ben ne nde. Bere Ji ben sukye nai kadik-kadik tepsu sukibit gato án ben ne.