Matius 8:8 - Abun Scripture

⁸ Orete yesukmise bi yesu ki do, ”Nan yo mu nde. Ji damen teker wa Nan ma mo ji bi nu. Wo Nan syogat suki ne titi wé kadit ji bi pakwerut, Nan ki kadit pe gato Nan ti more sor re, we ji jam do, Nan ki suk more, bere ji bi pakwerut motu ge re.

Matius 8:8 ပူးပေါင်းရင်းမြစ်များ

Matius 3:11

Ji anato ras nje mo syur tepsu bi sukjimnut do, ye ne kwet kadit os ibit it. Wo bere Ye yo gato gum kok sye wai kadit ji waii ma bori. Ji gum yo tep wa ji jom An bi sepatu nde. Ji gum wok teker mu bur ware. Ye gato gum kok sye wai kadit ji ne, bere An syogat Yefun Allah Gen bok nggwa mo nin, ben sato An ras nin mo Yefun Allah Gen, tepsu An ras nin mo bot.

Matius 3:14

Sarewo Yohanes duyawa Yefun Yesus. Yohanes ki do, ”Mban! Nan ana ras ji mo syur sa. Wo Nan ma wa ji ras Nan mo syur wa suma ne?”

Matius 8:3

Yefun Yesus bes An syim, ete syimtok ye ne sa, Yefun Yesus ki do, ”Ji iwa, nan ge tom!” Yefun Yesus do ki or-i, ye ne ge-i, an kaim ndo satu re.

Matius 8:7

Yefun Yesus ki nai yesukmise bi yesu ne do, ”Bere Ji mu ben pa ne ge et.”

Matius 8:9

Sane, ji dom, ji jammo suk gato ji bi yekwesu syogat ji ben ne. Ji bi pa yesukmise jammo ji dom. Ji syogat pa yemsok dik yo do, ’Nan mu tom!’ yo, an mu re. Ji syogat pa dik yo o do, ’Nan ma se!’ yo, an ma re. Ji syogat ji bi pakwerut ne do, ’Nan ben suk ré et!’ yo, pa ne ben re.”

Lukas 15:19

Sane ji gum yo tepsu nan bi pa o nde, wo nan nai ji tepsu nan bi pakwerut sor.”

Lukas 15:21

Orge pa ne ki do, ’Ai o, ji ben ji bi suk-i siri kadit Yefun Allah mit. Ji ben ji bi suk-i siri kadit nan mit dom. Ji gum yo tepsu nan bi pa o nde.’

Lukas 5:8

Simon (gato gum yo o do Petrus) me boge mwa gato án but ne sa, Simon tu an umsu mo Yefun Yesus gwem, orete an ki nai Yefun Yesus do, ”Yenggras, Nan mu kadit ji et, we ji gum yo tep wa ji karowa Nan nde, ji ré anato ye gato ben sukibit.”

Yohanes 1:27

Ye ne anato ma boribot ji, sarewo An gum kok sye wai kadit ji. Sane ji iwa ben suk wa An yo, bere ji yo tepsu nde, ji gum wok teker mu bur ware. Bere ji gum yo tep wa ji sombok jamtu mo An bi sepatu dom nde.”