Matius 8:6 - Abun Scripture

⁶ an ki do, ”Yenggras, ji bi pakwerut i, an kem mo nu, an yo mu ndo nde, an ku sukye ndo nde.”

Matius 8:6 ပူးပေါင်းရင်းမြစ်များ

Matius 4:24

Yé ki sukdu subot Yefun frekbot bur Siria sino, sane yé gwat yé mwa gato i ne ma mo An. Yé gwat nje gato i su suki wisyo-wisyo e, nje gato kaim yó wai o re e, nje gato semda bok nggwa mó, nje gato semda ben e, nje gato út e ne, ete Yefun Yesus ben nje mwa ne sino ge re.

Matius 8:7

Yefun Yesus ki nai yesukmise bi yesu ne do, ”Bere Ji mu ben pa ne ge et.”

Matius 9:2

Mone yé bok yo gwat yetu ge dik yo gato gwes út ne ma. Ye ne sem mo bi kwat. Yefun Yesus me suk gato yé bok ne ben anato An jam do, yé bok ne onyar kem mo An. Sane Yefun Yesus ki nai ye gato gwes út ne do, ”Pa nji, nan nyu nde. Sukibit mwa gato nan ben ne or kadit nan it anare. Ji yo nutbot sukibit mwa gato nan ben ne o nde.”

Suk Gato Yerasul Ben Ne 10:7

Malaikat ne ki sukdu ne, orge Kornelius kendo yetu ge we gato ós an mo an bi nu si yesukmise ge dik yo gato an onyar kem mó. Yesukmise ne un Yefun Allah su an mit dik dom.

Suk Gato Yerasul Ben Ne 8:7

Filipus kadum Yefun Allah bi suktinggi, an syun semda wé kadit yé mwa gato semda ben ne. An syun semda ne wé saresa, yé mwa ne saiye. Yé bok yo o gato syim út e, gwes út e ne, an ben ge dom re.

Suk Gato Yerasul Ben Ne 9:33

Mone an ku yetu ge dik yo gato gum do Eneas. Eneas gwes út, an yo ti ndo nde, an sem sane sor kom mo tahun munggwo.

Kolose 3:11

Nin jam An kom mo mit yo, nin jam do Yefun Allah yo wat ye Yahudi tara kadit yewis yi nde. An yo wat ye gato yo simo sunat si ye gato simo sunat nde tara kadit yu nde. An yo wat yedamok e, yeban e, pakwerut e, ye gato dakai ti mo dakai e ne, yé mwa ne sino, An yo wat tara kadit yu nde, we yé mwa gato bi sukjimnut or mo Kristus yo, yé ne si Kristus ne sino tepsu dik re.

Kolose 4:1

Yenggras gato bi pakwerut ne, nin ben nin bi suk-i ri-roi su pa ne et. Nin ben nin bi suk-i su pa mwa ne sino tepsu yu et, we nin jam do, nin dom tepsu pakwerut wa nin bi yenggras mo gu.

1 Timotius 6:2

Pakwerut gato bi yenggras onyar kem mo Kristus ne, ete pakwerut ne nut do, yenggras ne tepsu an bi nji sor re, sane an yo jammo yenggras ne sisu an mit dik nde, bere siri re. Kapre an nut do yenggras ne tepsu an bi nji, an ben suk su an mit dik wai o re, we an jam do, an ós an bi yenggras gato onyar kem mo Kristus, an ós an bi yenggras gato an jimnotku ne. Nan duno nje, nan wergat nje subere yé benbot sukduno mwa gato ji krom ré et.

Filemon 1:16

Su ré pa gum kwerut wa nan sor nde, wo pa ne gum kok wai kadit ne o re. Pa ne tepsu nan bi nji mo Kristus bi de-i, men sino jimnotku pa ne. Ji sa, ji jimnotku pa ne ndo nde, wo bere nan jimnotku pa ne wai kadit ji o re, we pa ne bere ben bi suk-i ndo wa ós nan, si pa ne tepsu nan bi nji mo Kristus bi de-i dom.