Matius 8:4 - Abun Scripture

⁴ Orete Yefun Yesus ki nai ye ne do, ”Nan jammo suk gato Ji ki ré et. Nan mu nan nuk sukdu subot suk gato Ji ben ne nai ye yi daret nde, wo nan mu kadum nan nggwa nai yesu gato ben suk mo Yefun Allah bi nu subere an watbot nan. An watbot nan, ete yesu ne ki do, sangge, nan ge it, sane yo nan gwat suge sato Musa ki ne ma tepsu suksom. Nan syo nai yesu ne gre mo bot subere ye jam do, nan ge it anare.”

Matius 8:4 ပူးပေါင်းရင်းမြစ်များ

Matius 10:18

Nin benbot suk gato Ji ki ne, sane bere ye gwat nin mu mo yepasye gwem. Bere ye gwat nin mu mo yekwesu gato ye kendo do yeraja ne gwem. Mone bere nin ki sukdu subot os be gato Ji kak wa yetu sok mo Yefun Allah bi rus-i. Nin ki sukdu gato ndo ne nai yepasye ne si yewis yi neya sino.

Matius 16:20

Sane pakon ne jam do, Yefun Yesus anato Yekwesu gato Yefun Allah syogat ma mo bur ré wa nai men yetu kadit sukye ete jowa men ne sa, Yefun Yesus duyawa An bi pakon frot nai yé yi jam.

Matius 17:9

An ka gri si Yefun Yesus is kadit banbo ne saresa, Yefun Yesus dumik wa an ka gri ne do, ”Nin kibot suk gato nin ka gri me ne nai ye yi jam nde, wo Yetu bi Pa sun kadit sukkwop orete yo, nin ka gri ki nai yé yi jam.”

Matius 3:15

Sarewo Yefun Yesus ki do, ”Nan ras Ji sor. Nan ras Ji, we Yefun Allah mit iwa nan ben sane.” Sane Yohanes ras Yefun Yesus mo syur.

Matius 5:17

”Nin nut do, Ji ma wa Ji rus Musa si yenabi bi sukduno-i ne wé, bado? Sane nde, Ji ma wa Ji rus sukduno ne wé nde, wo Ji ma subere Ji kibot sukdu ne rer wa nin jam kom mo mit et.

Matius 6:1

”Nin ben suk gato ndo tepsu Yefun Allah mit mo yé mwa gwem subere yé mwa me, ete bes nin gum kok mone, bere siri re. Nin ben suk bor mo yé mwa gwem subere ye bes nin gum kok it yo, bere nin bi Ai mo gu yo syo suk yo nai nin nde.

Matius 9:30

Sugane ye we ne gro ndo satu it. Yefun Yesus duyawa ye we ne sare do, ”Nin ka we ki subot suk gato Ji ben ré nai ye yi jam nde!”

Markus 13:9

Su kam gane ma, nin mewa nin nggwa, we bere yé but nin, ete yé gwat nin mu mo ye Yahudi bi yepasye. Yé gwat nin deyo mu mo ye Yahudi bi nu ari dom, ete ye Yahudi kwam nin su bus mone. Bere yé but nin, we nin onyar kem mo Ji, ete nin ben Ji bi suk-i. Bere yé gwat nin mu mo yepasye gato jowa bur ré yo, bere nin ti mo yeraja si gubernur gwem, ete nin ki sukdu subot Ji nai yepasye ne jam.

Markus 3:12

Sarewo Yefun Yesus duyawa semda ne subere semda ne yo ki An gum daret nde.

Markus 5:43

Sarewo Yefun Yesus duyawa pa bi im si pa bi ai do, an we kibot suk gato bor ne nai ye yi jam nde. Orete Yefun Yesus ki nai an we do, ”Nin ka we syo sugit nai pa ré git et.”

Markus 6:11

Sarewo nin do kom mo kota dik yo, ete mone yé yo kendo nin ma si án kem nde, ete yé mone bariwa jammo nin bi sukdu-i ne yo, nin tet nin gwes tak su bofuf ne ges wé kadit nin gwes satu, subere yé gato kem mone jam do, án ben sukibit nai nin re.”

Markus 7:36

Yefun Yesus duyawa nje mone do, ”Nin ki subot suk gato nin me ne nai ye yi jam daret nde.” Yefun Yesus duyawa ye kibot suk gato bor mone nggi wai o, sarewo yé mu kibot sukdu ne frekbot mu kom mo peyo-peyo mwa wai o re.

Markus 8:30

Orge Yefun Yesus dumik wa An bi pakon wa sukdu ne. Yefun Yesus ki nai pakon ne do, ”Nin mu, nin ki sukdu subot Ji nai ye yi jam daret nde.”

Markus 9:9

An ka gri si Yefun Yesus is kadit banbo ne saresa, Yefun Yesus dumik wa an ka gri ne do, ”Nin kibot suk gato nin ka gri me ne nai ye yi jam nde, wo Yetu bi Pa sun kadit sukkwop orete yo, nin ka gri ki nai ye yi jam.”

Lukas 17:14

Yefun Yesus sokme yé ka musyu dik ne sa, An ki do, ”Nin mu, nin kadum nggwa nai yesu gato ben suk mo Yefun Allah bi nu subere an watbot nin kaim et.” Yé bok ne do mu saresa, suki gato git án kaim ne, or kadit án it.

Lukas 21:13

Yé do gwat nin mo yepasye ne gwem it yo, nin ku os mone wa nin ki sukdu subot os ndo gato Yefun Allah fro wa yetu ne nai yepasye ne jam.

Lukas 4:41

Yé mwa gato semda ben ne dom, semda gane titi wé kadit yé mwa ne. Semda ne titi wé saresa, semda saiye do, ”Nan anato Yefun Allah bi Gan.” Sarewo Yefun Yesus ndantom semda ne. Yefun Yesus duyawa semda ne do, ”Nin du o nde,” we semda ne jam do, Yefun Yesus anato Yekwesu gato Yefun Allah syogat ma mo bur ré wa nai men yetu kadit sukye ete jowa men.

Lukas 5:14

Orge Yefun Yesus syokom an do, ”Nan mu nan nuk sukdu subot suk gato Ji ben ne nai ye yi daret nde, wo nan mu kadum nan nggwa nai yesu gato ben suk mo Yefun Allah bi nu subere an watbot nan. An watbot nan, ete yesu ne ki do, sangge, nan ge it, sane yo, nan gwat suge sato Musa ki ne ma tepsu suksom. Nan syo nai yesu ne gre mo bot subere ye jam do, nan ge it anare.”

Lukas 8:56

Pa bi im si pa bi ai yeket ndo nde, sarewo Yefun Yesus duyawa pa bi im si pa bi ai do, án we kibot suk gato bor ne nai ye yi jam nde.

Lukas 9:21

Orge Yefun Yesus dumik wa An bi pakon wa sukdu gato Petrus ki subot An. Yefun Yesus syogat An bi pakon do, ”Nin mu ki sukdu ne nai ye yi jam daret nde.”

Yohanes 5:41

Ji yo mitwa nin yetu un Ji gum nde.

Yohanes 7:18

Ye gato ki an dakai bi sukduno-i yo, an werwa an dakai bes an nggwa kok mone. Sarewo an werwa an bes Ye gato syogat an ma ne yo, an sa, ye gato ki bi sukdu-i ri roi anane, an yo kidar nje yo mo nde.

Yohanes 8:50

Ji dakai yo werwa bes Ji gum kok wa yé un Ji nde, wo Yefun Allah sor ete werwa bes Ji gum kok, ete An anato ndobot nje, suk gato An ki kwop mone it.