Matius 8:3 - Abun Scripture

³ Yefun Yesus bes An syim, ete syimtok ye ne sa, Yefun Yesus ki do, ”Ji iwa, nan ge tom!” Yefun Yesus do ki or-i, ye ne ge-i, an kaim ndo satu re.

Matius 8:3 ပူးပေါင်းရင်းမြစ်များ

Matius 12:13

Orete Yefun Yesus ki nai ye gato syim deyo út ne do, ”Nan ron nan syim et!” Ye ne ron an syim sa, an syim gato út ne ndo satu, tepsu an syim deyo ne.

Markus 1:41

Yefun Yesus dakai jimnotku ye ne ndo nde, sane Yefun bes An syim, ete An syimtok ye ne sa, Yefun Yesus ki do, ”Ji iwa, nan ge tom!”

Markus 4:39

Yefun Yesus sun, An syogat nofuf gato kas nggi ne kro, ete An ndantom em nap do, ”Nan not se! Em nap, nan kro et!” Yefun Yesus ki sukdu ne, orete nofuf yo kas o nde. Em nap ne dom kro re, ndo satu it anane.

Markus 5:41

Ete Yefun Yesus jom pa ne syim. An ki nai pa su a Ibrani do, ”Talita kum,” gato bi sukjimnut do, ”Pa donggon Ji ki sare do, Nan sun tom!”

Markus 7:34

Orge Yefun Yesus sok mu nim mo gu, An jimnotbot yebris ne teker, sane Yefun Yesus syesyar An mas nggi syu mu nden, ete An ki nai yebris ne do, ”Efata!” Efata bi sukjimnut su Yefun Yesus bi a ne do, ”Nan dabe si nan syokwet kak se!”

Markus 9:25

Sugane Yefun Yesus me yé mwa kas ma sum wairi wa pa gato semda ben ne, sane Yefun Yesus ndantom semda ne. An ki do, ”Suksemda o, nan gato ben pa ré mbut, nan gato ben pa ré yo du nde, Ji syokom nan do, Nan syesyar kadit pa ré tom! Nan sok satu mo pa ré o nde!”

Lukas 4:27

Sane dom Elisa kem mo bur Israel tó, suki borbuk git yé mwa mo bur Israel ne. Sarewo Elisa yo ben yé mwa ne ge nde re, yetu ge dik dom nde re, wo Elisa ben Naaman ge sor re. Naaman sok mo yewis yi, an ye Siria.”

Lukas 5:13

Yefun Yesus bes An syim, ete syimtok ye ne sa, Yefun Yesus ki do, ”Ji iwa, nan ge tom!” Yefun Yesus do ki or-i, ye ne ge-i, an kaim ndo satu re.

Lukas 7:14

Orge Yefun Yesus mu karowa yé gato sam yekri ne, ete Yefun Yesus syimtok kwatka gato yé grem pa yemsok mukri mone. Yefun Yesus syimtok kwatka ne sa, yé gato sam kwatka ne ti not, ete Yefun Yesus ki do, ”Pa nji, Ji ki nai nan do, nan sun se!”

Yohanes 11:43

Yefun Yesus ki sukdu su Yefun Allah, orete An saiye do, ”Lazarus, nan syesyar tom!”

Yohanes 15:24

Ji ma ben suk gato ben án sino yeket ne ondesa, Yefun yo syo sukye nai án mo gato án bariwa Ji ne nde. Sarewo, sangge Ji ma ben suk gato yetu yo nggiwa ben nde, án da me suk gato Ji ben ne ware, án bariket Ji tó, án bariket Ji si Ji bi Ai sino.

Yohanes 5:21

Ji bi Ai Yefun Allah anato sun yekwop mbau satu, ete ben ye ne kem ndo to kapyo mato kapyo. Sane dom, An bi Gan to Ji ré ben yetu gato An mit iwa ne kem gesyos.