Matius 8:2 - Abun Scripture

² Yetu ge dik yo gato suki borbuk git ne ma mo Yefun Yesus. An tu an umsu mo Yefun Yesus gwem, orete an ki do, ”Yenggras, Nan imo yo, Nan nggiwa Nan ben ji ge kadit suki ré, subere ji yo fowa ku ye yi o nde.”

Matius 8:2 ပူးပေါင်းရင်းမြစ်များ

Matius 10:8

Nin ben ye gato i ne ge. Nin sun ye gato kwop ne mbau satu. Nin ben ye gato suki borbuk git ne ge satu. Nin syun semda wé kadit ye gato semda ben ne. Ji syo suktinggi nai nin wa nin ben suk bok gare, nin yo bi sugum nai Ji wa nde, sane nin ós nje it yo, nin ndek sugum wa dom nde.

Matius 13:58

Yé mone yo onyar kem mo An nde, sane An ben suk gato ben nje yeket mone yo mwa nde.

Matius 14:33

Sane Yefun Yesus bi pakon mo kwem ne un Yefun Yesus, án ki do, ”Sangge, Nan anato Yefun Allah bi Gan.”

Matius 15:25

Yefun Yesus ki sane, or nggon ne ma tu an umsu mo Yefun Yesus gwem, ete mom ki do, ”Yenggras, Nan ós ji et.”

Matius 18:26

Sane pa ne bare nggwa mo yenggras ne gwem ete ki do, ’Yenggras, nan misyar yei, bere ji bi nan bi bon mone tó.’

Matius 2:11

Án sok mo nu mit sa, án ku Pa ne si Pa bi im gato Maria. Án ku Pa ne, or án tu án umsu, orete án som pa ne. Sane án nai suk gato bi sugum sye sato emas e, kemenyan sisu mur ete syo wa Pa.

Matius 20:20

Orete Zebedeus bi nggon si bi pa ge we ma ku Yefun Yesus. Án tu án umsu mo Yefun Yesus gwem, orete án ndekwa Yefun Yesus ós án su suk yo.

Matius 26:6

Yefun Yesus kem mo Simon bi nu mo kampung Betania. Simon ne, su nyim neya suki borbuk git an. Yefun Yesus kem mo nu ne saresa,

Matius 28:17

Án ku Yefun Yesus mone sa, án un Yefun Yesus, sarewo án ge bok yo mit we, ge bok ne nutbot do, sangge, Yefun Yesus dakai anare bado?

Matius 28:9

Nggon we ne kas mu sa, nggon we ne gensu Yefun Yesus ma ku nggon we, ete Yefun Yesus ki do, ”Ndo mo nin ka we.” Nggon we ne ma karowa Yefun Yesus ete syimtok An gwes tak, orete nggon we un An.

Matius 4:9

Ete biris bi yekwesu ki nai Yefun Yesus do, ”Nan tu Nan umsu, Nan bes ji gum kok it yo, bere ji syo suk mwa ré nai Nan.”

Matius 8:1

Yefun Yesus is kadit bobuk sa, yé mwa boribot An.

Matius 8:25

Sane Yefun Yesus bi pakon sun An, ete pakon ne ki do, ”Yenggras, bergan kwem kru su men it anare. Nan ós men tom!”

Matius 9:18

Yefun Yesus ki suk saresa, yesu mo ye Yahudi nu ari ma ku An. Yesu ne bare nggwa mo Yefun Yesus gwem, ete yesu ne ki do, ”Ré ete ji bi mam kwop sim, sarewo Nan ma Nan si ji mu me pa ne, ete Nan ak Nan syim mo pa ne yo, bere pa ne mbau satu re.”

Lukas 4:27

Sane dom Elisa kem mo bur Israel tó, suki borbuk git yé mwa mo bur Israel ne. Sarewo Elisa yo ben yé mwa ne ge nde re, yetu ge dik dom nde re, wo Elisa ben Naaman ge sor re. Naaman sok mo yewis yi, an ye Siria.”

Yohanes 9:38

Pa ne ki do, ”Yenggras, ji onyar kem mo Nan it.” Ete pa tu umsu mo bur mo Yefun Yesus gwem.

Suk Gato Yerasul Ben Ne 10:14

Petrus ki do, ”Yefun, sane nde! Ji yo git sugit gato men ye Yahudi fowa git yo mo nde, wam dik yo dom nde.”

Suk Gato Yerasul Ben Ne 10:25

Petrus kom mo nu sa, Kornelius ku an, ete Kornelius bare nggwa mo bur tepsu an som Petrus.

1 Korintus 14:25

or, án dakai rek án bi sukjimnut mwa gato án gurik mo án mit ne wa yé mwa mone jam. Sane sugane án is án nggwa tepsu pa wokgan, án som Yefun, ete án ki do, ”Sangge, Yefun Allah kem su nin more re.”

Wahyu 19:10

Ji jam sukdu ne sa, ji bare ji nggwa mo malaikat gwem wa ji bes malaikat ne gum kok, sarewo malaikat ki nai ji do, ”Nan bes ji gum kok nde. Ji si nan tepsu yu, men ka we Yefun Allah bi pakwerut sino. Men ka we si nan bi nji mo Yefun bi rus-i, gato jom Yefun Yesus bi sukdu-i ne pe, men sino tepsu Yefun Allah bi pakwerut. Sane nan bes ji gum kok nde, wo nan bes Yefun Allah gum kok sor re.” We sare, ye gato jom Yefun Yesus bi sukdu-i ne bere Yefun syo suktinggi nai ye ne, subere ye ne nggiwa kibot Yefun Allah bi suktaru-i rer nai ye yi jam.