Matius 8:12 - Abun Scripture

¹² Wo yé Israel mwa gato Yefun Allah fro wa sok mo Yefun bi rus-i, bere Yefun Allah bariwa re, bere Yefun bare án mu mo nden mo pe gato ndendu. Mone án wo ndo nde, án nderku án dakai.”

Matius 8:12 ပူးပေါင်းရင်းမြစ်များ

Matius 13:38

nggwe ne anato tepsu bur ré; mbet gro gato kom ndo anato tepsu yé gato sok mo Yefun Allah bi rus-i; es ne anato tepsu yé gato sok mo biris bi yekwesu bi rus-i.

Matius 13:42

Orete bere malaikat bare yé mwa ne mo bot gesyos. Mone yé mwa ne wo ndo nde, án nderku nggwa.

Matius 13:50

orete án bare yé gato ben bi suk-i ibit mo bot gesyos. Mone yé mwa ne wo ndo nde, án nderku án nggwa.”

Matius 21:43

Yefun Yesus ki o do, ”Sane Ji ki sare do, nin ben sukibit sane bere Yefun Allah syun nin wé kadit An bi rus-i. Nin bi yewis-i yo tep wa sok mone o nde, wo yewis gato iwa jammo Yefun bere sok mo Yefun Allah bi rus-i ne win nin or re. [

Matius 24:51

Sane bere pa bi yenggras sap pa kaim wip ndo nde. Orete yenggras syun pa ne mu ngga mo pe gato yé. Mo pe ne pa si ye gato kidar do, an mit iwa an ben an bi yenggras bi suk-i, sarewo an mit tara re. Pa ne si yé ne ku sukye mone sino, án wo ndo nde, án sino nderku án dakai mone.”

Matius 25:30

Sane nin gwat pa gato bambrai ré, ete nin bare pa ne mo pe gato ndendu. Mone bere pa ne wo ete nderku nggwa.’ ”

Lukas 13:28

Bere nin me Abraham e, Isak e, Yakub sisu yenabi mwa ne sino mo pe gato Yefun Allah jowa men tepsu men bi Yekwesu. Sarewo nin dakai, bere Yefun bare nin mu mo nden kadit re. Sane bere nin wo ndo nde, nin nderku nin dakai mone.

Suk Gato Yerasul Ben Ne 3:25

Suk gato Yefun Allah tom su men bi amui, An tarubot yenabi ne wa men sino. Yefun Allah ki nai Abraham, men bi amui, do, ”Nan bi Pa-i ge dik yo, bere kak os ndo wa yé mwa ne sino mo bur ré iwedewe.”

Roma 9:4

Ji bi wis-i, ye Israel ne, Yefun Allah nai tepsu An dakai bi pá-i ne suga nyim ne it. Yefun Allah kadum An bi suktinggi gato sye wai nai men ye Israel. Yefun Allah tom suk bok yo su men, Yefun Allah grem bi sukduno-i kem su men re. Yefun Allah kadum An bi os-i gato ri-roi nai men wa men som Yefun mo bi nu ne. Yefun Allah tom suk mwa neya su men re.

2 Petrus 2:17

Yeguru gato kidar suk anato tepsu syur nggrup gato sá re. Men nut do, án syo suk gato men mitmo nai men ne ware, án yo ós men wokgan yo dom nde. Yeguru ne tepsu nyotem gato ndu gato gwat nogi ma ware, nofuf krat gwat mu re. Men nut do, án ós men su sukduno gato ndo wa men ware, án yo ós men mo nde, suk yo mo nde. Yefun Allah fro nat gato ndendu yut wa bere yé ne kem mó.

2 Petrus 2:4

Bere Yefun Allah syo sukye nai án mo sukibit gato án ben ne, we suga nyim tuya Yefun syo sukye nai malaikat si nje mwa neya mo sukibit gato yé ben ne re. Malaikat gato ben sukibit, Yefun Allah yo misyar nde, wo Yefun syo sukye nai malaikat ne it. Yefun bare malaikat ne mo pe gato yé wai o re. Yefun Allah rai án ete bok án mo pe gato ndendu yut mo bur desnak kret kam gato Yesus Kristus satu ma ndobot men yetu si malaikat sino. Tepsu kam gane bere An syo sukye nai malaikat ne dom.

Yudas 1:13

Án tepsu sem nap sye wai gato sam sukkwik si i-bre mu bare mo nden. Sukkwik ne tepsu sukibit gato án ben ne, án nutbot sisu ndo yo, bere án damen mone, wo án yo nutbot sukibit gato án ben ne nde. Án tepsu bí gato waiyu muya-muma mo gu nim ne, sarewo án mu siri kadit pe gato Yefun Allah fro wa án muket ne. Sane anato bere Yefun Allah fro nat gato ndendu yut wa án kem mó to kapyo mato kapyo.

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.