Matius 7:6 - Abun Scripture

⁶ Nin syo Yefun Allah bi suk-i nai ndar nde, we bere ndar brek ma ete gu nin. Sane dom, nin syo nin bi suk gato bi sugum sye sato mutiara nai jot nde, we bere jot ne yakos mo bur sor re. {Sane ye gato bariket Yefun Allah bi sukdu ne, nin gwat sukdu ne mu ki nai an daret nde.}”

Matius 7:6 ပူးပေါင်းရင်းမြစ်များ

Matius 15:26

Yefun Yesus ma wa ós Ye Israel sor re yei, sane An duyawa nggon ne, we mom an yewis yi, sane Yefun Yesus ki do, ”Ji nai pa wokgan bi sugit ete syo nai ndar, bere siri re.”

Matius 24:10

Sugane, yé mwa gato onyar kem mo Ji, bere misyar Ji or re. Bere yé meret os wa yu, bere yé bariket yu.

Matius 7:5

Nin tepsu ye gato ki suk su an syokwet wik ko re go! Nin nai kwemuk wé kadit nin dakai gro-i et, subere nin gro-i rer, orete nin kwa sukkwik ne wé kadit nin bi nji gro-i ne.

2 Korintus 11:26

Ji mu kom mo peyo-peyo mwa yé re. Ji mubot pe mwa ne gat sa, ji ku sukye ndo nde. Ji ku sukye mo syur syé e, ji ku sukye mo ye gato ma gwa ji ete syimsi ji bi suk e, ji ku sukye mo ji dakai bi nje-i, ye Israel si yewis yi neya sino e, ji ku sukye mo kota mit e, ji ku sukye mo nden e, ji ku sukye mo sem e, ji ku sukye mo nje gato ben nggwa tepsu ye gato ben Yefun Allah bi suk-i, ondewo yé ne mit-i tara re e ne.

Filipi 3:2

Nin mewa nin nggwa kadit yé gato mise. Nin mewa nin nggwa kadit yé gato bi sukjimnut ibit. Án mise yé ré, án wergat nin subere án kum nin da napyo wé. Án werwa bisunat nin re.

Ibrani 10:29

Sane ye gato kamo su os gato Yefun Allah bi Gan kak ne, bere ye ne ku sukye wai kadit ye gato ye gu kwop mo suk gato an ben siri kadit Musa bi sukduno-i ne o re. Ye gato kamo su os gato Yefun Allah bi Gan kak ne yo bi sukjimnut kom mo Kristus dé gato sye wa os be bi sukdu-i ne kem su men ne nde. Ye ne da jam Kristus kwop wa tot sukibit gato an ben ne or wé kadit an, sarewo an ben an bi suk-i, an bi sukjimnut su do, Kristus dé sye dakai yi sane sor re, ben sato an yo nutbot suk gato Yesus Kristus ben ne teker eta nde. Mone an kabor Yefun Allah Gen gato bi os ndo nai an re. Sane ye gato kamo su os gato Kristus kak ne, bere ye ne ku sukye wai o re,

Ibrani 6:6

Sarewo an do bariket Yefun Allah ete an mu tara kadit Yefun it yo, bere men yo ku os wa kar an satu ma mo Yefun o nde. Men yo ku os wa duno an subere an brek kadit os ibit ete satu ma mo Yefun Allah o nde, we an do brek satu ma mo Yefun o it yo, tepsu an gu Yefun Allah bi Gan wam dik yo o anane. An do brek satu ma mo Yefun o it yo, tepsu an kamo su Yefun Yesus gum mo yé mwa gwem anane.

2 Petrus 2:22

Ye ne do brek an dari ket Yefun it yo, tepsu sukamno kwa we gato ye ki do, ”Ndar gwi or, ndar satu ma git ndar gwi ne o re,” si ”Ye mus jot kwo re, orete jot ne satu ma ngga mo budat o re.”

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.