Matius 7:3 - Abun Scripture

³ Suma ben anato nin ki nin bi nji mo sukkwik wokgan mo an gro-i, sarewo nin misyar kwemuk gato yawa nin gro-i ne?

Matius 7:3 ပူးပေါင်းရင်းမြစ်များ

Matius 7:4

Nin ki nai nin bi nji do, ’Ji kwa sukkwik wé kadit nan gro et.’ Wo nin dakai gro-i kwemuk kewa re, ete nin ki sane bere sa u ne?

Matius 7:5

Nin tepsu ye gato ki suk su an syokwet wik ko re go! Nin nai kwemuk wé kadit nin dakai gro-i et, subere nin gro-i rer, orete nin kwa sukkwik ne wé kadit nin bi nji gro-i ne.

Lukas 18:11

Ye Farisi ti mone, an ki suk su Yefun Allah, sarewo an ki subot an dakai sare do, ’Ndo mo Yefun Allah, Nan, we ji yo ben sukibit sato ye yi nde. Ji yo gro sye wa suk nde, ji yo syimsi suk nde, ji yo kidar suk nde, ji yo ben siri su nggon yo mo nde. Yé mwa ne ben suk sane, wo ji yo ben suk sane nde. Ji ki ndo mo Yefun Allah, Nan, we ji ré yo ben sukibit tepsu ye gato nai sugum kadit nje wa pemerintah gato ti reya nde.

Roma 2:1

Sane ji bi nji, ji bi nyanggon, ben sa u anato nin kiket ye yi gum mo sukibit gato án ben ne? Nin kiket ye yi gum daret mo sukibit gato án ben ne nde, we nin kiket án gum ibit mone, ete nin dakai ben sukibit tepsu án ben ne yo, bere tepsu nin dakai kiket nin dakai gum ibit mone dom.

Galatia 6:1

Ji bi nji, ji bi nyanggon, men ku yetu ge dik yo gato ben sukibit it yo, men yé gato ben men bi suk-i tepsu Yefun Allah Gen mit ne mu ku an, ete men duno an subere an satu ma mo os gato ndo o et. Wo men duno an it yo, men duno an sisu njep sor. Men mewa men nggwa dom, sawe suk yo tik men mit, ete men waii ges mo os ibit ne dom.