Matius 7:23 - Abun Scripture

²³ Bere yé bok yo da ki sane, sarewo bere Ji ki rer nai án do, ’Ji yo jam nin nde. Nin yé gato ben sukibit gato siri kadit Yefun Allah mit ne, nin mu kadit Ji tom!’ ”

Matius 7:23 ပူးပေါင်းရင်းမြစ်များ

Matius 25:12

Yebris gane ki do, ’Ji bari. Ji jam nde nin re.’

Matius 25:41

Sane o, bere Ji ki nai yé gato tak Ji de syim jam ne do, ’Nin mu kadit Ji. Yefun Allah dufo mo nin it. Nin mu ngga mo bot gesyos gato Yefun Allah fro wa biris bi yekwesu si bi rus-i ne et.

Lukas 13:25

Nusyo ne kak tó, sarewo yenggras gato bi nu ne ti ete syimwa nusyo krat yo, yenggras do ben sane yo, bere nin ma ti mo nusyo de nden, nin ki do, ’Yenggras, nan kak nusyo wa men sok et.’ Orge bere yenggras ne ki nai nin do, ’Ji jam nde nin, nin mu kadit u ne?’

Lukas 13:27

Yenggras ne ki o do, ’Ji jam nde nin re, nin yé gato ben sukibit, nin mu kadit Ji tom!’

Yohanes 10:14

Ji anato tepsu ye gato mewa an bi suksi sisu ndo. Ji jam Ji bi suksi sisu ndo. Sane dom Ji bi suksi jam Ji sisu ndo.

2 Timotius 2:19

Sarewo Yefun Allah bi sukduno-i kem pe kadit ketke. Yetu yo nggiwa rus sukduno kwa wokgan yo wé dom nde. Yefun Allah bi sukduno-i tepsu nu bi pondasi gato ye ut mo bur ketke wa ye syut kwedi mó. Mo pondasi mo bur ne ye krom do, ”Yefun Allah jam ye gato sok mo An bi rus-i.” Ye krom o do, ”Ye gato ki rer do, sangge an sok mo Yefun Allah bi rus-i yo, an kwet kadit sukibit mwa gato an ben suga nyim ne wé et.”

Wahyu 22:15

Sarewo yé gato yo ku os wa sok mo kota ne nde anato yé gato bariket Yefun. Yé ne ben bi suk-i sato ré: án kwa syua e, kro ri, frum suk e ne e, án ben siri su yu daret e, án gu ye yi kwop daret e, án som sukdaret e, án mit iwa kidar nje ket kwayo-kwayo e ne. Yé mwa gato ben bi suk-i sane, yo ku os wa sok mo kota ne nde.