Matius 7:14 - Abun Scripture

¹⁴ Sarewo os gato fro mo pe gato men kem ndo to kapyo mato kapyo ne, os ne yé re. Os ne bi ros syo ne nggwot, ete yetu gato muket os ne yo mwa nde.”

Matius 7:14 ပူးပေါင်းရင်းမြစ်များ

Matius 20:16

Sane Yefun Yesus ki do, ”Ye gato Yefun Allah kendo ma wa ben An bi suk-i, bere ye gato ben Yefun bi suk-i nam nde, bere an ku suk nyim, ete ye gato ben Yefun bi suk-i ne nam, bere an ku suk wari.”

Matius 22:14

Kom mone sa, Yefun Yesus ki do, ”Yefun Allah kendo yé mwa neya sok mo An bi rus-i, sarewo ge bok yo sor re, ete Yefun nai sok mo An bi rus-i ne.”

Matius 7:13

”Nin muket os gato bi ros syo ne nggwot et. Os gato ndo anane, sarewo nin do muket os gato bi ros syo ne re yo, bere nin ngga mo bot gesyos mo koirut. Os gato fro mo bot gesyos yé muket ne ndaf, ete yetu mwa muket os ne.

Matius 7:15

”Nin mewa nin nggwa kadit yenabi gato kidar nin. Yenabi ne ma ku nin, ete án brek nden we, án ben án nggwa sato domba mo de nden, wo án mit ne tepsu ndar krok.

Markus 8:34

Orge Yefun Yesus kendo yé mwa gato mone si An bi pakon ma mo An, ete An ki do, ”Ye to iwa simo Ji it yo, ye ne yo iwa ben suk ket an mit-i ne o nde, wo an ben Ji bi suk-i sor, an tepsu ye gato sam an bi kwesukwin. Kapre an ku sukye mone, an kwop o, an mbau o an simo Ji pe sor.

Lukas 12:32

”Nin yé gato yo mwa nde, nin nyu nde, nin anato Ji bi suksi. Bere nin bi Ai mo gu bes nin tepsu yekwesu gato ós An wa jowa An bi suk mwa ne sino.

Yohanes 16:2

Bere ye Yahudi syun nin wé kadit án bi nu ari. Bere kapyo tak yé gato gu nin kwop wé gendo suk gato án ben ne Yefun Allah imo.

Yohanes 16:33

Ji ki sukdu mwa ne nai nin jam subere nin kwabom kam mo Ji, ete nin kem not, nin nyuwa suk yo nde. Mo bur ré nin ku sukye mwa. Sarewo Nin nyuwa nde, we Ji sa, Ji nggi wai kadit biris bi rus-i gato ben sukibit mo bur ré re.”

Roma 12:2

Men ben men bi suk-i tepsu yetu mo bur ré ben bi suk-i ne o nde, wo men bi men nggwa mo Yefun Allah subere Yefun Allah win men bi sukjimnut-i su sukjimnut-i gato be o re. Sane bere men ku os wa men jam suk mwa gato tepsu Yefun Allah mit re, bere men jam suk gato ndo, bere men jam suk gato Yefun Allah iwa men ben ne, kwa yo gwet mo nde.

Roma 9:32

Suma ben anato ye Yahudi yo ku os mone nde ne? We, ye Yahudi ne ben suk, án yo onyar kem mo Yesus Kristus nde, wo án nut do, án werwa án benbot ye Yahudi bi sukduno-i ne sa, bere Yefun nai án gum sok mo Yefun bi rus-i. Ye Yahudi bi sukjimnut ne siri re, sane án yo jambot Kristus nde, anato án yo sok mo Yefun bi rus-i nde. Án tepsu ye gato mu ete án gwes ti mo jok, ete án ges.