Matius 7:11 - Abun Scripture

¹¹ Nin yé gato ben sukibit ne, nin jam nin syo suk gato ndo nai nin bi pa. Sane bere, nin ndek suk mo nin bi Ai mo gu yo, bere nin bi Ai syo suk gato ndo wai kadit ne o re.”

Matius 7:11 ပူးပေါင်းရင်းမြစ်များ

Matius 23:9

Nin kendo ye yo mo bur ré gum do ’nin bi ai’ daret nde, we nin bi ai ka dik sor, ete An kem mo gu.

Matius 7:10

Pa ndekwa boge it yo, bere nin syo kwis nai pa ne bado? Nde re.

Yohanes 3:16

Yefun Allah bi sukjimnut sye kas subot men yetu mo bur ré ndo nde anato An syo An bi Gan ge dik ne ma. An bi Gan ne ma wa kwop win men mo sukibit gato men ben ne, subere ye to onyar kem mo An bi Gan yo, bere ye ne yo ges mo bot gesyos nde, wo ye ne si Yefun Allah kem ndo to kapyo mato kapyo.

Roma 3:19

Men jam do, sukduno mwa mo ye Yahudi bi sukduno-i ne, ye krom wa yé gato sukduno ne kem su ne, subere án jam ete benbot sukduno ne. Ye Yahudi mwa ne jam sukduno ne, sane anato án yo ku os wa án ki do, án jam nde re. Bere Yefun Allah ki men yetu mwa ne mo bur ré syen Yefun bi sukduno ne.

Roma 3:9

Sane bere sa u ne? Yefun Allah nut mo men ye Yahudi do, men ndo wai kadit yewis yi neya bado? Nde re. Ji ki sukdu nai nin suga nyim ne mó re, sare do, sukibit jom men ye Yahudi si yewis yi mwa ne tepsu yu sino re.

Roma 8:32

Yefun Allah yo nai An dakai bi Gan wé kadit sukye nde, wo Yefun Allah syo An bi Gan ma kwop win men yetu sino. Yefun Allah dakai syo An bi Gan ma wa men yi, sane bere An dakai syo suk mwa neya yi nai men dom, fe!

Galatia 3:22

Sarewo sukduno ne yo nggiwa ós men sok mo Yefun Allah bi rus-i nde, we ye krom mo Yefun Allah bi sukdu do, men yetu sino mo bur ré ben sukibit, sukibit ne ben sato jom men tepsu bi pakwerut wa men ben sukibit bu. Sane suk gato Yefun Allah tom su Abraham ne, Yefun benbot, An fro os wa men sok mo An bi rus-i it. Men onyar kem mo Yesus Kristus anato men ku os wa Yefun nai men sok mone, sane anato men ku suk gato Yefun Allah tom ne it.

Yakobus 1:17

Suk mwa gato men ku kadit Yefun Allah ne ndo sino, suk gato ibit yo mo nde. Yefun Allah syo suk mwa ne nai men. Yefun Allah ne ut suk gato rer mo gu nim ne sato aina e, kam e bí e ne, sarewo Yefun Allah dakai yo win nggwa nde, suk mwa gato An ben kamdik-kamdik An ben tepsu yu sor, An yo gwat ndendu bi os-i nde.

1 Yohanes 3:1

Yefun Allah bi sukjimnut kas subot men sye teker anato An kendo men do, An bi pá-i. Sangge, men anato Yefun Allah bi pá-i. Yé gato ben sukibit mo bur ré jam nde Yefun, sane anato án jam nde men dom.

1 Yohanes 4:10

Men jam sukjimnut sye gato kas subot yetu sisu sangge anare: Men yetu bi sukjimnut sye kas subot Yefun Allah sisu sangge nde, wo Yefun Allah sa, bi sukjimnut sye kas subot men yetu sisu sangge, anato bor mo gato An syogat An bi Gan ma bi nggwa kwop wa tot men bi suktot mo sukibit gato men ben ne wé re.