Matius 6:9 - Abun Scripture

⁹ Sane nin ki suk su Yefun Allah yo, nin ki sare do, ’Men bi Ai mo gu: Yé bes Nan gum kok sye wai ete ndo.

Matius 6:9 ပူးပေါင်းရင်းမြစ်များ

Matius 10:29

Yé so ndam syik ge we su sugum wokgan det dik yo sor re, wo men bi Ai mo gu mewa ndam ne, sane sor ge dik yo ges gwa mo bur daret nde.

Matius 23:9

Nin kendo ye yo mo bur ré gum do ’nin bi ai’ daret nde, we nin bi ai ka dik sor, ete An kem mo gu.

Matius 26:29

Ji ki sare do, Ji yo da nau ré o nde yei, kom mo kam gato Yefun Allah jowa An bi rus-i mo Ji bi Ai bi nat be ne tepsu Yekwesu ne yo, bere Ji da o mone.”

Matius 26:42

Yefun Yesus mu ki suk su Yefun Allah wam dik yo o, An ki do, ”Ji bi Ai o, os yo wa Nan nai Ji wé kadit sukye ré mo nde yo, Ji simo os gato Nan dakai imo ne sor.”

Matius 5:16

Sane dom, nin tepsu sukru gato rer ku nje et, subere yé me sukndo gato nin ben ne, ete yé un men bi Ai mo gu o re.”

Matius 5:48

Sane nin werwa nin ben sukndo su yetu mwa ne sino, saga nin bi Ai mo gu nim ne ben et.”

Matius 6:14

Nin maskwa ye yi mo sukibit gato an ben ma nai nin o nde, ete nin yo nutbot o nde yo, bere nin bi Ai mo gu waii nutbot sukibit gato nin ben ne o nde.

Matius 6:6

Nin ben saga án ben ne nde, wo nin benadi yo, nin sok mo nin bi gumwak, nin syimwa nusyo, ete nin ki suk su nin bi Ai mo gu, gato nin yo me su nin gro nde. Sane bere nin bi Ai mo gu sor ete jam suk gato nin ki ne, ete bere An syo sukndo nai nin mone.

Matius 7:11

Nin yé gato ben sukibit ne, nin jam nin syo suk gato ndo nai nin bi pa. Sane bere, nin ndek suk mo nin bi Ai mo gu yo, bere nin bi Ai syo suk gato ndo wai kadit ne o re.”

Lukas 15:18

Sa ndo sa, ji mu satu mo ji bi ai sor. Ji mu kom motu yo, bere ji ki nai ji bi ai sare do, ”Ji bi ai, ji ben ji bi suk-i siri kadit Yefun Allah mit, si ji ben ji bi suk-i siri kadit nan mit dom.

Lukas 15:21

Orge pa ne ki do, ’Ai o, ji ben ji bi suk-i siri kadit Yefun Allah mit. Ji ben ji bi suk-i siri kadit nan mit dom. Ji gum yo tepsu nan bi pa o nde.’

Lukas 2:14

”Men bes Yefun Allah gato kem mo pe gato kok mo gu ne gum kok sye wai o et. Yefun Allah, Nan ben nje gato Nan dakai jimnotku ne kem not mo bur ré et.”

Yohanes 20:17

Yefun Yesus ki nai Maria do, ”Nan jom Ji nde, we Ji yo satu mu mo Ji bi Ai nde tó. Nan mu mo Ji bi nji, ete nan ki nai án do, ’Ji satu mu mo Ji bi Ai, gato nin bi Ai dom it anare. Ji satu mu mo Yefun Allah gato jom Ji si nin sino it anare.’ ”

Roma 1:7

Sane anato ji krom surat ré wa nin yé gato onyar kem mo Yefun Yesus gato kem mo kota Roma ne sino. Men bi Ai, Yefun Allah si men bi Yekwesu Yesus Kristus ete mewa nin, Yefun Allah si Yesus Kristus ete uttok nin petok sor.

Roma 8:15

Yefun Allah Gen, gato bok nggwa mo men ne, yo ben men tepsu pakwerut wa suknyu o nde, wo Yefun Allah Gen ben men tepsu Yefun Allah bi pa-i. Sane Yefun Allah Gen mo men mit ben men kendo Yefun Allah do, ”Ai o, ji bi Ai o.”

Galatia 1:1

Ji gato gum do Paulus anato krom surat ré wa nin yé gato onyar kem mo Yefun Yesus mo bur Galatia. Yetu yo syogat ji mu duno nje subot Yesus Kristus nde. Ji dakai ré, yetu yo bes ji gum yerasul nde, wo Yesus Kristus si men bi Ai, Yefun Allah gato sun Yesus Kristus kadit sukkwop anato bes ji gum yerasul. Ji si ye Kristen yi gato si ji kem more ki ndo mo nin ye Galatia gato onyar kem mo Yefun Yesus ne sino.

Galatia 4:6

Men anato Yefun Allah bi pá-i, sane anato Yefun Allah syo An bi Gan Gen bok nggwa mo men mit. An bi Gan Gen ben men ki su men mit dik nai Yefun Allah do, ”Ai o, Ji bi Ai o.”

1 Timotius 6:16

An ka dik sor yo kwop nde, wo An ye gato gesyos. An kem mo pe gato rer teker, men yetu yo ku os wa men karowa An mone nde. Men yetu yo me An su men gro nde, men gro nokwa re. Men yetu bes An gum kok, An nggiwa jowa men su ré to kapyo mato kapyo. Sangge.

1 Petrus 1:17

Nin ki suk su Yefun Allah yo, nin kendo An gum do, nin bi Ai. Bere Yefun ndobot nin si yé mwa ne sino tepsu yu re. Ye gato ben sukibit bere An syo sukye nai ye ne. Yefun yo ben An bi suk-i su ye gato gum sye si ye gato gum wok tara kadit yu nde, wo An ben suk su yé mwa ne tepsu yu sino. Sane nin kem mo bur ré tepsu yedamok yo, nin jammo Yefun Allah, nin bes An gum kok et.

Wahyu 4:11

”Men bi Yekwesu ne e, Yefun gato jom men ne e, Nan sa, tep wa men bes Nan gum kok ne o, Men bes Nan gum sye ne o. Men bi Yekwesu ne e, Yefun gato jom men ne e, Nan sa, tep wa men un Nan gum ne o, Nan sa, tep wa ku suktinggi ne o. Men bes Nan gum kok a we, Men un Nan gum a we, Nan ut suk mwa ne sino o, Nan bi mas mo suk mwa ne sino o.”

Wahyu 5:12

Malaikat mwa ne ba sukbadek, án ba sye sare do, ”Domba ga ye gu ne e, Domba ga kwop ne e, Nan sa, Nan gum kok ne o, gum sye ne o. Men un An gum a we, Men bes An gum a we, Domba ne tep wa ku suktinggi mwa ne o, tep wa suk mwa ne sino o. Men un An gum a we, Men bes An gum a we, Domba ne tep wa ku suktinggi mwa ne o, tep wa dakai rer kom mo mit ne o. Men un An gum a we, Men bes An gum a we, Domba ne tep wa ye bes An gum kok ne o, tep wa ye un An gum petok ne o.”