Matius 6:5 - Abun Scripture

⁵ ”Nin ki suk su Yefun Allah yo, nin ben saga ye gato kidar do, an onyar kem mo Yefun, sarewo an mit tara ne nde. Yé ne iwa án ti, ete án ki suk su Yefun mo ye Yahudi bi nu ari e, mo os de e neya, subere yetu me suk gato án ben ne. Suk gato Ji ki ré suksangge anare, yetu bes án gum kok sor re, wo bere Yefun yo syo suk yo nai án o nde.

Matius 6:5 ပူးပေါင်းရင်းမြစ်များ

Matius 21:22

Nin onyar kem mo Yefun sisu sangge yo, bere nin ku suk gato nin ndek mo An ne re.”

Matius 23:13

”Nin yeguru agama, bere nin ku sukye. Nin ye Farisi, bere nin ku sukye. Nin ki suk su nin syokwet sor re. Ben sato nin syimwa nusyo subere ye yo ku os wa sok mo Yefun Allah bi rus-i nde. Nin yo sok nde, or o nin ben sukye yawa os wa ye gato iwa sok mone dom. [

Matius 23:5

Suk mwa gato án ben ne, án ben subere yé me suk gato án ben ne sor re, wo án mit tara re. Án it kotak wokgan mo án git si án syim yo, án ben kotak ne sye wai kadit yé yi ne, subere yé nut do, án sa, yepasye mo Yefun bi de-i. Sane dom, san yar gato yé bit mo án bi san nap ne, án ben án bi ne syu wai, subere yé nut do, án sa, yekwesu mo Yefun bi de-i.

Matius 23:6

Án iwa án kem mo pe gato yé fro wa yepasye ma kem mó, sato mo nu ari e, mo pesta e ne subere yé bes án gum kok mone.

Matius 6:1

”Nin ben suk gato ndo tepsu Yefun Allah mit mo yé mwa gwem subere yé mwa me, ete bes nin gum kok mone, bere siri re. Nin ben suk bor mo yé mwa gwem subere ye bes nin gum kok it yo, bere nin bi Ai mo gu yo syo suk yo nai nin nde.

Matius 6:16

”Nin mewa nin nggwa kadit nin git sugit yei yo, nin ben nin gwem ibit saga ye gato kidar do, an onyar kem mo Yefun, sarewo an mit tara ne nde. Ye ne misyar an kaim subere yé mwa jam do, an mewa an nggwa kadit sugit yei wa an ki suk su Yefun. Suk gato Ji ki ré suksangge anare, yetu bes ye ne gum kok mone sor re, wo bere Yefun yo syo suk yo nai an o nde.

Matius 6:2

Sane, nin syo suk nai ye gato yewa suk yo, nin ki sukdu sye subot suk gato nin ben subere yé mwa jam mone, bere siri re. Ye gato kidar do, an onyar kem mo Yefun, sarewo an mit tara re anato ki subot sukndo gato án ben ne bor subere yé mwa jam. Sane nin ben suk tepsu ye ga sane nde. Yé ne ki bor mo ye Yahudi bi nu ari e, mo os de neya. Yé ne ki subot sukndo gato án ben bor sane subere yé mwa bes án gum kok. Suk gato Ji ki ré suksangge anare, yetu bes án gum kok sor re, bere Yefun yo syo suk yo nai án o nde.

Matius 9:38

Sane nin ki suk su ye gato bi nggwe ne subere An syogat yé bok yo o waii mu nai sugit ne.” {Yetu mwa fro ndek wa jammo Ji, sarewo ye gato mu ki Ji bi sukdu-i nai yé mwa ne yo tep nde. Sane nin ki suk su Yefun Allah subere Yefun syogat yé bok yo o waii mu ki subot Ji bi sukdu-i subere kar yé mwa ne sok mo Yefun bi rus-i et.}

Markus 11:25

Nin benadi, nin ki suk su Yefun Allah yo, nin grem sukmaskwa mo nin mit wa ye yi mo sukibit gato ye ne ben nde, nin nutbot sukibit ne o nde, wo nin was sukmaskwa ne or wé kadit nin, orete nin benadi. Nin was sukmaskwa ne or wé subere nin bi Ai mo gu waii maskwa nin mo sukibit gato nin ben ne o nde, subere nin bi Ai mo gu yo nutbot o nde. [

Markus 12:38

Yefun Yesus duno yé mwa mone saresa Yefun Yesus ki do, ”Nin mewa nin nggwa kadit yeguru agama. Yeguru ne iwa it san syu gato ndo, ete án mu mo peyo-peyo su san gato ndo ne, subere yé mwa sokme án. Yeguru do mu mo pasar it yo, án iwa yé mwa mo pasar nut do, án yepasye, án iwa yé ki do, ’kam ndo’ mo án.

Lukas 11:43

Nin ye Farisi, bere nin ku sukye, we nin iwa nin kem mo pe gato yé fro wa yepasye ma kem mo nu ari subere yé bes nin gum kok mone. Nin do mu mo pasar it yo, nin iwa yé mwa mo pasar ki do yepasye ana ma ne, ete yé ki do, ’kam ndo’ mo nin.

Lukas 18:1

Orge Yefun Yesus gwat sukamno dik yo wa An duno An bi pakon, subere kamdik-kamdik pakon ne ki suk su Yefun petok sor, subere án bambraiwa ete misyar nde.

Lukas 18:13

Sarewo ye gato nai sugum kadit nje wa pemerintah ne, an ti ko gan kadit ye Farisi ne. An yo sok mu nim mo gu nde, an nggo an tunap, we an nderku an nggwa mo sukibit mwa gato an ben ne. An ki do, ’Yefun Allah o, ji anato ye gato ben sukibit mwa. Nan maskwa ji o nde, wo Nan jimnotku ji et.’ ”

Lukas 20:47

Yeguru ne kidar nggonna subere án nai suk mo nggonna ne bi nu or sino. Sane dom yeguru ne benadi syu, subere yé mwa gato me yeguru benadi sane nut do, yeguru ré sa, ben Yefun Allah bi suk-i sisu ndo, ondewo yeguru ben bi suk-i ibit re. Sane bere Yefun Allah syo sukye gato de wai nai yeguru gane o re.”

Lukas 6:24

Sarewo nin yé gato ku suk mwa mo bur ré, nin kwabom dek wa sor, we bere suk mwa ne or kadit nin re, nin mit ndo mo suk mwa gato nin ku mo bur ré sor re.

Yohanes 16:24

Kom mo kam ré, nin yo ndek suk mo Ji bi Ai, ete ki Ji gum su nde tó. Sane nin ndek suk gato nin yewa ne et. Sane bere Ji bi Ai syo suk ne nai nin subere nin mit at mo suk gato nin ku ne re.”

Efesus 6:18

Men jom suk e, men it suk bok ne, men ki suk su Yefun dom et. Men ki suk tepsu suk gato Yefun Allah Gen kadum nai men sor. Sane men fro men nggwa, men werwa men ki suk su Yefun petok sor, men misyar wokgan yo dom nde. Men ki suk su Yefun Allah wa ye gato onyar kem mo Yefun Yesus ne sino petok sor.

1 Tesalonika 5:17

Nin ki suk su Yefun petok sor.

Yakobus 4:6

Kapre men gen iwa ben suk mwa daret, Yefun Allah dakai jimnotku men anato An ben men nggiwa men brek kadit suk mwa gato men gen iwa ben ne. Tepsu ye krom mo Yefun Allah bi sukdu do, ”Yefun Allah bariket ye gato bes nggwa kok, wo An ben An bi suk-i ndo su ye gato ben an nggwa ga tepsu pa wokgan.”