Matius 5:9 - Abun Scripture

⁹ Ye gato tepsu yegweswai, ye ne mit at wa, we bere Yefun Allah kendo an gum tepsu Yefun bi pa.

Matius 5:9 ပူးပေါင်းရင်းမြစ်များ

Matius 5:45

subere nin ben suk tepsu nin bi Ai gato mo gu ne bi pa-i. We sare, Yefun ben sukndo su ye gato ben sukibit si ye gato ben sukndo ne sino. Yefun syo kam it mo gu si nogi is ma bur wa ye gato ben suksiri kadit An mit si ye gato ben sukndo tepsu An mit ne sino.

Matius 5:48

Sane nin werwa nin ben sukndo su yetu mwa ne sino, saga nin bi Ai mo gu nim ne ben et.”

Lukas 20:36

Yé ne bere tepsu malaikat, án gesyos it, án yo kwop o nde. Yé ne anato Yefun Allah bi pá, we Yefun sun án kadit sukkwop.

Lukas 6:35

Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.

Suk Gato Yerasul Ben Ne 7:26

Ik o, ete Musa ku ye Israel ge we yo o gato maskwa yu ete gu yu. Musa werwa ye we ne kem ndo su yu, an ki do, ’Nin ka we tepsu yedik, nin ka we gu yu wa suma ne? Nin ka we gu yu o nde, wo nin ka we jom syim ete kem not sor.’

Roma 12:18

Men werwa men meret os yo sa u subere men si yé mwa ne sino kem ndo su yu sor. Men werwa mone sor kom mo pe gato men dakai bi suktinggi tut mó.

Roma 8:14

Ye gato jammo Yefun Allah Gen sor anato tepsu Yefun Allah bi pa-i re.

Roma 8:16

Yefun Allah Gen kadum mo men mit subere men jam rer do, men anato Yefun Allah bi pa-i it.

Roma 8:19

Suk bok ne sino gato Yefun ut ne eswa kam gato Yefun Allah ma kadum An bi rus-i nai suk bok ne sino jam. Suk bok gato Yefun ut ne sino mit iwa jam nje gato sok mo Yefun Allah bi rus-i.

1 Korintus 6:6

sarewo ye Kristen ge dik yo maskwa ket ge dik yo o mó yo, an we yo kendo yepasye gato onyar kem mo Kristus ne ma wa kibot nde, wo an we mu kendo yepasye gato jam nde Yefun ma wa kibot. Nin ben sane bere siri re.

2 Korintus 13:11

Ji bi nji ji bi nyanggon ji bi sukdu tut more, ndo mo nin sor. Ji bi sukdu kwa gato wari anare: nin werwa nin ben nin bi suk-i mwa ne ndo sino sor. Nin jambot sukduno mwa gato ji krom mo surat ré tepsu suknapa wa nin pe et. Nin sino mone bi sukjimnut dik tepsu yu et. Nin kem ndo su yu sor. Nin ben suk bok gare sane bere Yefun Allah gato bi sukjimnut sye kas subot men ete uttok men sino ne, bere Yefun sisu nin petok sor.

2 Korintus 5:20

Sane Yefun Allah bi suktaru subot os be gato Kristus kak ne, men anato mu ki napyo nai nje jam. Yefun anato kendo yetu mwa ne ma wa si An kem ndo mo sukdu gato men ki ne. Sane nin jammo sukdu subot Kristus gato men ki ré et: Nin bariwa nde, wo nin sibot os be subere nin si Yefun Allah kem ndo su yu se!

Galatia 5:22

Sarewo men nai sukjimnut dik do, suk gato Yefun Allah Gen kiwa men ben ne yo, bere men ben suk sato ré: Men bi sukjimnut sye kas subot ye yi e; men mit at wa suk gato ndo petok sor e; men si ye yi neya mit ndo su yu e; men yo maskwa kekro nde e; men jimnotku ye gato ku sukye e; men ben sukndo su nje e; suk gato men tom ne men benbot e;

Efesus 4:1

Sane, ji gato gum do Paulus ré, gato yé bok mo sel, we ji ben Yefun bi suk-i, ji ki sare do, Yefun Allah nai nin wa nin sok mo An bi rus-i tepsu An bi pá-i. Sane nin ben suk tepsu Yefun bi pá-i ne et. Nin jammo suk gato ji ki ré et.

Filipi 4:2

Euodia si Sintikhe, nin ka we jammo ji bi sukdu ré et. Ji kiwa nin ka we bi sukjimnut tepsu dik et. Nin ka we duwer yu o nde, we nin ka we onyar kem mo Yefun Yesus it. Sane nin ka we kibot subere nin ka we kem not et.

Kolose 3:13

Ye yi ben sukye nai nin yo, nin misyar sor. Ye yi ben sukibit ma nai nin yo, nin maskwa an mo sukibit ne nde, nin nutbot o nde. Kristus yo maskwa nin mo sukibit gato nin ben ne nde, An yo nutbot o nde, sane nin waii nutbot sukibit gato ye yi ben ma nai nin o nde, tepsu men bi Yekwesu Kristus ben An bi suk-i ne.

Ibrani 12:14

Sane dom nin werwa nin si yé mwa ne sino kem ndo su yu sor. Nin werwa nin ben nin bi suk-i ndo petok sor, nin ben suk yo gato ibit mo nde. Nin yo werwa ben nin bi suk-i ndo petok sane nde yo, bere nin yo ku Yefun nde.