Nin benadi, nin ki suk su Yefun Allah yo, nin grem sukmaskwa mo nin mit wa ye yi mo sukibit gato ye ne ben nde, nin nutbot sukibit ne o nde, wo nin was sukmaskwa ne or wé kadit nin, orete nin benadi. Nin was sukmaskwa ne or wé subere nin bi Ai mo gu waii maskwa nin mo sukibit gato nin ben ne o nde, subere nin bi Ai mo gu yo nutbot o nde. [
Matius 5:7 - Abun Scripture7 Ye gato dakai jimnotku ye yi ete ós an mone, ye ne mit at wa, we bere Yefun Allah dakai jimnotku ye ne ete ós an. အခန်းကိုကြည့်ပါ။ |
Matius 5:7
37 ပူးပေါင်းရင်းမြစ်များ
Nin ben sukndo su ye gato ben sukndo su nin sor nde, wo nin jimnotku yeko gato ma wa gu nin, nin ben sukndo su ye gato bariwa nin ne dom et. Nin syo suk nai ye gato ndek suk mo nin sor. Bere ye ne syo suk ne satu o bado, yo syo nde yo, nin nutbot o nde. Sane, nin do ben sukndo su ye gato ben sukibit nai nin sane it yo, bere Yefun Allah syo suk mwa gato ndo nai nin, bere suk gato nin ben ne kadum do, nin anato Yefun Allah gato gum kok sye wai ne bi pá-i. Nin ben nin bi suk-i tepsu Yefun Allah ben ne, we Yefun Allah ben sukndo su ye gato ben sukibit si ye gato misyar An dom.
Nin ben suk sane nde, wo nin ben sukndo su yu, nin dakai jimnotku yu, nin maskwa mo sukibit gato ye yi ben ma nai nin o nde, nin nutbot o nde, tepsu Yefun Allah yo maskwa nin mo sukibit gato nin ben ma nai An nde, An yo nutbot o nde. An syo Kristus ma tepsu suktot subere nin bi sukibit ne or wé kadit nin it.
wo suga nyim tuya ji kiket Yesus Kristus gum ibit, ji ben sukye, ji ben sukot nai An bi nje-i, ji kabor An ket kwayo-kwayo. Ji da ben sukibit mwa ne, sarewo An ben sukndo su ji, An dakai jimnotku ji sor, we tomgato ji ben ji bi suk-i ibit ne, ji jam nde suk, ji yo onyar kem mo An nde tó, anato ji ben sukdaret sane.
Kapre ji ben sukibit mwa Yefun Allah ben An bi suk-i ne ndo su ji, subere Yesus Kristus kadum ji tepsu os wa yé mwa ne me. Ji anato ben sukibit mwa wai kadit ye yi neya. Ji ben sukibit, ji ben sukibit sane sor, wo Yesus Kristus yo nutbot sukibit gato ji ben ne nde. Kristus yo misyar ji nde, wo Yefun ben sukndo su ji sane sor, ji kwet, or ji onyar kem mo Yefun Yesus re. Sane ye yi neya me suk gato Kristus ben su ji yo, yé mwa ne jam do, kapre án ben sukibit, Yefun Yesus bere ben sukndo su án dom, sane sor, án kwet, án onyar kem mo Yefun Yesus, orete án kem ndo to kapyo mato kapyo.
Sane men yo nggi nde yo, men karowa Yefun et. Men nyuwa men ki men bi sukdu-i su Yefun Allah nde, wo men ki sor, men damen wa nde. Men jam do, men yo ben suk yo nyim wa An nde, wo Yefun ben An bi suk-i su men yo, An dakai bi sukjimnut sye kas subot men yi sor, bere Yefun ós men mone. Sane men ndekwa An os men et, subere An syo suk mwa gato ndo nai men dakai yi tepsu bi kam gato men mitmo suk ne su.
Sane nin nutbot suk mwa gato nin ben sisu ndo et, we tepsu bi kam gato bere Yefun ndobot men yetu mo suk gato men ben ne, men yé gato bariwa ben sukndo su ye yi gato ben sukibit su men ne, bere Yefun waii bariwa ben sukndo su men re. Sarewo men ben sukndo su ye yi anato ndo wai kadit men syo sukye satu nai nje mo sukibit gato yé ne ben ne.
Sarewo ye gato Yefun Allah kak bi sukjimnut ko wa jam suk mwa ne bere ben bi suk-i sare do, kwa gato sye wai anato an ben an bi suk-i ndo petok sor, kwa gato ibit yo mo nde. Sane dom, an werwa subere an si ye yi kem ndo su yu sino, an ben an bi suk-i njep, an nutbot ye yi bi sukdu-i, an dakai jimnotku ye yi sye wai o re, an ben suk mwa ne ndo sino bor mone, an ben an bi suk-i su yé mwa ne tepsu yu, an ben suk tepsu suk gato an ki ne.
ကြော်ငြာတွေ